ليس فقيرا من يحب

تفاصيل لقاء ابو الريش

By ليس فقيرا من يحب on 4:13 م

Filed Under:

السلام عليكم

تفاصيل لقاء ابوالريش كلها هتلاقوها فى مدونه الاستاذ خالد همس الاحباب

فى الرابط ده

http://hams07.blogspot.com/2010/08/28-8.html

اسماء الادوية المطلوبة
اولا : فيجام--امينو جلووبين ivig--ال 5 جرام ب 1170

ثانيا : وان الفا نقط سعر ة 186 جنية

ثالثا: مينارين اسبراى ب 115 جنية

رابعا: بنتازا ب168 جنية

خامسا: تينام

سادسا: كولشسين المستورد

سابعا بالميكورت-كالسيمات-ريميكاد حقن-الواحدة ب 3000 جنية
********

تفاصيل اليوم

تفاصيل التجمع الخيرى بمستشفى ابو الريش اليابانى يوم السبت 28-8-2010

التجمع الساعة الثالثة عصرا امام المستشفى ونستمر لحد الخامسة مساء باذن الله

بعدها سنتوجه الى مكان الفطار الجماعى بمطعم ابو العز 117 شارع بور سعيد امام محطة

مترو السيدة زينب المحل يبعد امتار عن المستشفى

ودى قائمة الوجبات من رقم 1 حتى 12 لسهولة الاختيار برقم الوجبة

رجاء اختيار رقم الوجبة المفضلة لديكم مقدما لابلاغها لادارة المطعم قبل موعد الفطار

بساعتين على الاقل بالنسبة اللى هيطلب حمام الطلب قبلها ب24 ساعة على الاقل .

نداء هام جدا لكل انسان لا تستقل مبلغ التبرع ولا تخجل من تواضع القيمة مهما تكن حتى

لو كان مبلغ التبرع جنيه واحد فالحسنة بعشرة امثالها الى سبعمائة ضعف والله يضاعف لمن يشاء .

بالنسبة االى عايز يبعت حوالة بنكية البيانات المطلوبة لارسال الحوالة هى :

المرسل اليه : خالد عثمان هاشم بكر

رقم التليفون : 0101345140

البنك المرسل اليه : بنك مصر - فرع الاورمان - او فرع الجيزة

واللى قريب من الجيزة او الهرم اوالدقى ممكن يقابل الاستاذ خالد وياخد منه التبرع فى اى مكان قريب منه .

حاجة اخيره اللى عايز يتبرع لشراء لعب للاطفال ممكن نجمع الفلوس وفيه اقتراح من داليا قوس قزح

انها تنزل معاهم وتشتريها من الموسكى يوم الجمعة 27-8 بعد الفطار ان شاء الله.
ده ايميلات الناس المسئولة عن اليوم
kouskoza7@hotmail.com
kh_cyc2006@hotmail.com

و ده ارقام ممكن تبعتوا رسالة عليها او تسالوا على اى شىء خاص باليوم ده

داليا صاحبة مدونة قوس قزح
0148693432
خالد صاحب مدونة همس الاحباب
0101345140

ياااااااااااااااااااارب يجازيكم كل الخير وبجد الظروف اصعب منى انى اشارك

لكن هاكون معاكم بقلبى

كل سنه وانتم طيبين وبالف سعاده

السلام عليكم

ادعو معايا

By ليس فقيرا من يحب on 2:29 م

التعليقات (25)

Filed Under:

السلام عليكم

ازيكم يا اطيب الناس وحشتووووووووووونى

رمضان جه خلاص كل سنه وانتم بالف خير وسعاده وصحه

وطاعه وقرب من ربنا

كل عام وانتم الى الله اقرب

متنسونيش من صالح دعائكم

اللهم إني عبدك ابن عبدك ابن أمتك ماضي في حكمك عدل في قضاءك ناصيتي بيدك

أسألك بكل أسم هو لك سميت به نفسك أو أنزلته في كتابك أو استأثرت به في علم الغيب

عندك أو علمته أحد من خلقك أن تجعل القران ربيع قلبي ونور صدري وجلاء حزني

وذهاب همي ونور بصري

اللهم إليك أشكو ضعف قوتي وقلة حيلتي وهواني على الناس يا أرحم الراحمين أنت

ربُّ المستضعفين وانت ربّي إلى من تكلني، إلى بعيد يتجهَّمني أم إلى عدو ملكته

أمري إن لم يكن بك علىِّ غضبُُ فلا أبالي، ولكنَّ عافَيَتَك أوسعُ لي.

أعوذ بنور وجهك الذي أشرقت له الظلمات، وصلح عليه أمر الدنيا والآخره

من أن تُنزل بي غضبك أو يَحِلَّ علىَّ سخطُك لك العتبى حتى ترضى

ولا حول ولا قوة إلا بك

اللهم يا مؤنس كلّ غريب ويا صاحب كلّ وحيد ويا ملجأ كل خائف

ويا كاشف كلّ كربة أسألك أن تقذف رجاءك في قلبي حتى لا يكون

لي همُ ولا شغلُ غيرك وأسألك أن تجعل لي من أمري فرجاً ومخرجاً

إنك على كل شيء قدير.

اللهم إن كان رزقي في السماء فأنزله وإن كان في الأرض فأخرجه وإن كان بعيدا فقربه

وإن كان قريبا فيسره وإن كان قليلا فكثره وإن كان كثيرا فبارك لي فيه

الهي ادعوك دعاء من اشتدت فاقته و ضعفت قوته و قلت حيلته دعاء الغريق المضطر

البائس الفقير الذي لا يجد لكشف ما هو فيه من الذنوب إلا أنت فصل على محمد

و آل محمد و اكشف ما بي من ضر انك ارحم الراحمين

لا اله إلا أنت سبحانك إني كنت من الظالمين

اللهم إني أستغفرك لكل ذنب خطوت إليه برجلي

أو مددت إليه يدي .. أو تأملته ببصري .. أو أصغيت إليه بأذني ..

أو نطق به لساني .. أو أتلفت فيه ما رزقتني ثم استرزقتك على عصياني

فرزقتني ثم استعنت برزقك على عصيانك .. فسترته علي وسألتك الزيادة

فلم تحرمني ولا تزال عائدا علي بحلمك وإحسانك ..

يا أكرم الأكرمين اللهم إني أستغفرك من كل سيئة ارتكبتها في بياض النهار

وسواد الليل في ملأ وخلاء وسر وعلانية .. وأنت ناظر إلي

اللهم إني أستغفرك من كل فريضة أوجبتها علي في آناء الليل والنهار..

تركتها خطأ أو عمدا أونسيانا أو جهلا..

وأستغفرك من كل سنة من سنن سيد المرسلين وخاتم النبيين سيدنا محمد صلى وآالله عليه وآله وسلم..

تركتها غفلة أو سهوا أو نسيانا أو تهاونا أو جهلا أو قلة مبالاة بها ..

أستغفر الله العظيم .. وأتوب إليه .. مما يكره الله قولا وفعلا .. وباطنا وظاهرا

اللهم انى استغفرك مما تبت اليك منه ثم عدت فيه واستغفرك مماجعلته لك على

نفسى ثم لم أوف به لك واستغفرك مما أنعمت به على فاستعنت به على معصيتك

واستغفرك مما زعمت اني قصدت به وجهك فخالط قلبى فيه ما قد علمت

سبحان ربك رب العزة عما يصفون وسلام على المرسلين والحمد لله رب العالمين

وصل اللهم وبارك على سيدنا محمد وعلى آله وصحبه وسلم تسليما كثيرا

يارب قد دعوناك كما امرتنا فاستجب لنا كما وعدنا

اااااامين ااااااااااااامين امييييييييييييييين

كل عام وانتم اللى الله اقرب

اقعدو بالعافيه مع السلام عليكم

ليله قاتله

By ليس فقيرا من يحب on 3:07 م

التعليقات (40)

Filed Under:

هاجت العواصف فى قلبها واجتاحت عيناها الدموع

دموع مجمده تقف على حافه عينيها ولا تقوى على النزول

شعرت وكأن جبل يهبط فوق صدرها

تحتاج للتنفس

تريد ان تتنفس

فى قلبها ثورة لن تهدأ وفى عينيها دموع لو استسلمت لها لن تنقطع

تود ان تصرخ لعل صرخه تريحها وتزيل الهم عن صدرها

الدنيا بهمومها تهبط فوق رأسها

وبحور من السخط والحزن والغضب تقبع تحت قدميها

انها محاصرة ولا تستطيع الهروب

استغفرك ربى واتوب اليك

رددتها وسحبت الغطاء على وجهها فقد تختنق

الافكار السوداء بداخل رأسها وتهرب ولكن لا فائده

احست بالاختناق

لا تستطيع ان تغمض عيناها وعقلها لا يتوقف عن التفكير فى اللاشىء

الساعه الثالثه صباحا

هدوء قاتل يعم المكان والحاله الجويه سيئه جدا

الكل يغط فى نوم عميق فقط صوت انفاس شقيقتها الصغرى شريكتها فى

الغرفه تهذى كعادتها خلال نومها نبهتها وناولتها احدى قطع الحلوى

فالتهمتها وغطت فى نوم عميق

صوت حركه عقرب الساعه اصابها باختناق اكثر وكانه دوى مدفع فى اذنيها

والظلام القاتل اصابها باختناق اكثر و اكثر بالرغم من حبها الشديد للظلام

امسكت بالساعه نزعت البطاريه والقتها بعيدا مردده اخرسى بقه

تسللت من فراشها وفتحت باب الشقه بهدوء تاركه خلفها النائمين

فى هدوء وسكينه

صعدت الدرج وهى خائفه وتمتمت بصوت منخفض مكتوم اعوذ بكلمات

الله التامات من شر ما خلق سرعان ما تغلب احساس الالم والحزن بداخلها

على احساس الخوف وبعد صراع طويل مع الظلام وحاسه اللمس التى

اوشكت ان تتعطل من شده البروده

صعدت الى سطح المنزل

السماء غائمه كعيناها ومكتومه كتلك الدمعه التى تسكنها

نظرت حولها كل الانوار مطفئه وكل الابواب مغلقه وهدوء قاتل يعم ارجاء قريتها الصغيرة

هيا الناس دى نايمه كده ازاى رددتها داخل خلجات نفسها الحائرة

تأملت طويلا الظلام وشعرت ببروده شديده تسرى فى جسدها وفجأه

انفجرت فى بكاء عميق واطلقت صرخات مكتومه و بكت كما لم تبكى من قبل

فى غمرة بكائها وتسارع انفاسها انطلقت فى ضحك طفولى مردده

الله الدنيا بتشتى

توقفت للحظات

ابتلعت ريقها واخذت نفسك عميقا وزفرته بكل ما اوتيت من قوة

وانطلقت على السطح تجرى تحت زخات المطر وتفتح فمها ويديها لتلتقط حباته

وقد تبدل لديها احساس الحزن القاتل باحساس غامر بالسعاده والفرحه

والله العظيم انا مجنونه رددتها واطلقت ضحكه هزت ارجاء الظلام

انتهت
.......................................................

ملحوظه كبيرة

توفى الله والد اختنا سلمى مدونه رحله الى جزيرة الحب

البقاء لله يا سلمى ربنا يرحمه وجميع موتى المسلمين

و يدخله الجنه بغير مناقشه حساب ولا سابقه عذاب

دا لينك المدونه طبعا احنا كلنا هنا اسرة واحده ولازم نشارك بعض

فى الحزن والفرح

http://r7la.blogspot.com

يارب متشوفو حزن ابداااااااااااااااااااااا

اقعدو بالعافه والسلام عليكم

اثبت لى حبك

By ليس فقيرا من يحب on 12:23 ص

التعليقات (62)

Filed Under:

حبيبى

لا لتصمت الان

لاتقل شيئا

لا احتاج الى اى كلمات

لا احتاج الى اى فعل

لا احتاج لدليل يثبت لى حبك

لا احتاج ان تقسم ان من يسكن قلبك هو انا

عمرى

لا احتاج اى براهين تثبت لى نظريه حبك

لا احتاج اى معلومات اثرائيه توضح مدى تعلقك بى

الحب ياسيدى لا يحتاج الى اثباتات

الحب كالشمس لا تستطيع ان تتجاهل شروقها

ولن يكون صعبا او خرافيا اثبات غروبها

بس خلاااااااص خلصت الخاطرة

مساءكم عسل وسكر

ايه يا عيال كل الناس غايبه كده ليه

نفضو الكسل والملل والاحباط وارجعو من تانى

عايزين ننشط زى زمان اتارينى ليا اكتر من سنه

مخلفه ليس فقيرا من يحب ومش خدت بالى

بحبكم يا عيال باحس انكم اخواتى وعيالى بجد

كل اسراء ومعراج وانتم بالف خير وصحه وسعاده

يلا اقعدو بالعافيه مع السلام عليكم

حفل توقيع كتاب هل تبحث عن السعاده + بنك دم المدونين

By ليس فقيرا من يحب on 11:16 م

التعليقات (20)

Filed Under:

السلام عليكم

ازيكم يا عيال يارب تكونو بالف خير جميعا

طبعا محمد غاليه اخوكم وصاحبكم واخويا انا شخصيا وكفاءة

غنى عن التعريف ومدونته هل تبحث عن السعاده

النهارده انا جايه اعزمكم على حفله توقيع اول كتاب لمحمد

ل تبحث عن السعاده ياريت كل اللى يقدر وظروفه تسمح يروح

طبعا يا محمد يعلم ربنا ظروفى فمش ينفع اجى بس ان شاء الله

اكون فى حفله توقيع الكتاب التانى والعاشر

والمائه ويارب كده من نجاح لنجاح ودايما رافع راسنا نحن اخواتك من المدونين

تتشرف دار المصري للتشر بدعواتكم لحضور حفل توقيع

كتاب هل تبحث عن السعادة للكاتب محمد غالية بمكتبة

عرابى المهندسين وذلك يوم يالسبت الموافق 3/7/2010

فى تمام الساعة السادسة مساء

يلا اجرو روحو عند محمد فى الرابط ده وقولوله انكم رايحين وهتشدو

من ازره الا بالمناسبه ايه نشد من ازره دى ههههههههههههه

http://mohghalia.blogspot.com/2010/06/blog-post_27.html

الف مبروووووووووووك يا محمد وبالتوفيق يارب

ملحوووووووظه كبيرة

فى فكرة لمشروع خيرى اسمه بنك دم المدونين كل تفاصيلها

عند اخونا رحله البحث فى الرابط ده

http://searchjourney.blogspot.com/2010/06/bloggers-blood-bank-2nd-post.html

ياريت ندخل ونشوف تفاصيل الموضوع وكل اللى عنده اقتراح او

يقدر يساعد ميبخلش ربنا يسعد قلوبكم جميعا وييسر اموركم

اقعدو بالعافيه مع السلام عليكم

همسات حائرة

By ليس فقيرا من يحب on 10:49 م

التعليقات (38)

Filed Under:

السلام عليكم ورحمه الله وبركاته

ازيك يا ناس يا طيبين

وحشتوووووووووووووونى

ومقصرة جداااااااااااا معاكم انا عارفه

(وش مكثووووووووووووووف )

سامحونى وادعولى اطلع من حاله البله اللى بقيت فها دى

وارجعععععع اصدعكم من تاااااااااااااانى يارب تكونو بالف خير

ودى خاطرة باينلها رومانسيه ولا ايه

قولو رأيكم فيها بكل صراحه ومجامله هههههههه

همسات حائرة

وأسأل نفسى ليه باحبه

وليه روحى بتجرى عليه

وليه باتمنى اعيش جنبه

وليه نفسى يسكنى يوم جوة عنيه

...........

واسأل نفسى

ليه مش قادرة عنه ابعد

ولا قادرة فى يوم اقرب

وليه قلبى بيوجعنى

عشانه وحيد ومتغرب

..........

وأسأل نفسى ليه قلبى بقى انانى

وليه الغيرة قتلانى

وليه عيزاه ليا لوحدى

وميكونش لحد تانى

..........

وبتمنى سعات وسعات

لو يقف الزمن لحظات

ادوب فى دماه واسكن قلبه

وامحى من عقله وتفكيره كل اللى فات

..........

وأسأل نفسى ألف سؤال

ليه كل ده بيجرالى

ولا عمره خطر على بال

وليه بين لحظه والتانيه اتبدل حالى

وبسأل وامتى يجى اليوم ويجاوبلى على سؤالى

بسسس خلثثثثثثثثثثثت

حلوة ولا ملتوته

وحشتونى ياعياااااااااال

وسامحونى على غلاستى وتقصيرى

ملحوووووووووووظه كبييييييييييييييييرة

فى حمله للتبرع بالدم تفاصيلها عند اختنا خيخه

فى الرابط ده

http://nouranelshamly.blogspot.com/2010/06/blog-post_20.html

اقعدو بالعافيه مع السلام عليكم

عيد ميلاد قمر العيله+تحديث

By ليس فقيرا من يحب on 12:00 ص

التعليقات (64)

Filed Under:

تحديث هاااااااااااام جدا

اختى العسوله الامورة صرصارة اكلت وشى وزعلانه جدا انى مش

احتفلت بعيد ميلادها ال 16 واللى كان موافق يوم 1/5 اللى فات

حقك عليا يا جميل انشغلت عنك

كل سنه وانتى طيبه يا عسل وعقبال 100 سنه وانتى عماله

تطلعى فى عنينا وتفترى علينا ههههههههههههههههههههه

بالمناسبه بقى يا سرسرورة خشى الهى يسترك شطبى المطبخ

وامسحيه ينوبك ثواب

ها تقدرى تعترضى

لسه عملالك عيد ميلاد على المدونه اهوه

ههههههههههههههههههههههههههههه

وادى التورته بتاعتك يا قمرى

الف هنا للى يتفرج ههههههههههههههههه

خلص التحديث

سنه و10 شهور عدو وكانهم عمر تانى وكأن الشهور والايام والدقايق

والثوانى بقت مضاعفه

ما يقرب من سنتين عدو فى بعدك وصدقنى مرهم اكتر بكتير قوى من فرحهم

حاجات حلوة قوى ضاعت وناس من اغلى الناس فارقونا من غير اى احتمال

اننا نشوفهم مرة تانيه

تعرف ان كل الدنيا اتلغبطت فى بعضها من يوم ما مشيت وبقى الفرح عمله نادرة قووى

وتعرف ان كل مناسبه عدت علينا سواء حلوة او وحشه مكنش ليها اى معنى فى غيابك

وعارف كمان انى بجد استحاله افرح غير لما ارجع احضنك من تانى واتخانق معاك من تانى

واغلس عليك من تانى ونتجمع ونقعد كلنا مع بعض ناكل ونهزر ونتكلم على سرير ابوك

واللى كنت باتعجب ازاى شايل كل البشر دى مع بعض ومحصلوش حاجه

اقولك على سر يا محمد انا كنت ومازلت باستمد منك قوتى وباحس كده انك

ضهر قوى الواحد يتسند عليه وميخفش من اى حاجه فى الدنيا ولما حد

يزعلنى اول حد اجرى عليه هو انت واسيبك تقنعهم

عارف يامحمد ان كلهم بيقولوا عليك اعقل واحد فينا وبيقتنعوا بكلامك قوى

مع انى متأكده ان مفيش فى العيله حد عاقل اصلا ههههههههههههههه

وحشتنى قوى يا محمد وحشتنى قووووووووووى

وحشتنا قووووووووووووى

بعد الرغى اللى فوق ده كله احب اقولكم هذا النبأ الهام

النهارده محمد على اخويا وحبيبى وكفاءة بيتم 23 سنه

كل سنه وانت اطيب واحن الناس

كل سنه وانت بالف سعاده وراحه بال وهنا

كل سنه وانت محقق كل احلامك وفرحان

ويارب كده بعد شويه نونو افرح بيك وبا ابو على وانتو عرسان

هتكونو احلى عرسان بجد وبعد ما تبقو عرسان بشويه نونو

تملو الدنيا رانيات صغيرين ههههههههههههههههه

يا اخواااااااااااااااااااتى ماشاء الله قمررررررررررررررررررررررررر

بتفكر فى ايه يا عمرى اكيد بتفكر

تجيبلى ايه هديه لما ترجع ان شاء الله هع هع هع

واخيرا يا حماده احب اقولك

عايز محبتك فى قلبى تزيد

عايزنى افتكرك وانت بعيد

اجرى على الويسترن يونيون وحولى رصيد هههههههههههههههههههههههههههههه

وحشتنى وحياتنا من غيرك وحشه قوووووووى كفايه غربه ياااااااااااااض

وادى التورته الف هنا