هاجت العواصف فى قلبها واجتاحت عيناها الدموع
دموع مجمده تقف على حافه عينيها ولا تقوى على النزول
شعرت وكأن جبل يهبط فوق صدرها
تحتاج للتنفس
تريد ان تتنفس
فى قلبها ثورة لن تهدأ وفى عينيها دموع لو استسلمت لها لن تنقطع
تود ان تصرخ لعل صرخه تريحها وتزيل الهم عن صدرها
الدنيا بهمومها تهبط فوق رأسها
وبحور من السخط والحزن والغضب تقبع تحت قدميها
انها محاصرة ولا تستطيع الهروب
استغفرك ربى واتوب اليك
رددتها وسحبت الغطاء على وجهها فقد تختنق
الافكار السوداء بداخل رأسها وتهرب ولكن لا فائده
احست بالاختناق
لا تستطيع ان تغمض عيناها وعقلها لا يتوقف عن التفكير فى اللاشىء
الساعه الثالثه صباحا
هدوء قاتل يعم المكان والحاله الجويه سيئه جدا
الكل يغط فى نوم عميق فقط صوت انفاس شقيقتها الصغرى شريكتها فى
الغرفه تهذى كعادتها خلال نومها نبهتها وناولتها احدى قطع الحلوى
فالتهمتها وغطت فى نوم عميق
صوت حركه عقرب الساعه اصابها باختناق اكثر وكانه دوى مدفع فى اذنيها
والظلام القاتل اصابها باختناق اكثر و اكثر بالرغم من حبها الشديد للظلام
امسكت بالساعه نزعت البطاريه والقتها بعيدا مردده اخرسى بقه
تسللت من فراشها وفتحت باب الشقه بهدوء تاركه خلفها النائمين
فى هدوء وسكينه
صعدت الدرج وهى خائفه وتمتمت بصوت منخفض مكتوم اعوذ بكلمات
الله التامات من شر ما خلق سرعان ما تغلب احساس الالم والحزن بداخلها
على احساس الخوف وبعد صراع طويل مع الظلام وحاسه اللمس التى
اوشكت ان تتعطل من شده البروده
صعدت الى سطح المنزل
السماء غائمه كعيناها ومكتومه كتلك الدمعه التى تسكنها
نظرت حولها كل الانوار مطفئه وكل الابواب مغلقه وهدوء قاتل يعم ارجاء قريتها الصغيرة
هيا الناس دى نايمه كده ازاى رددتها داخل خلجات نفسها الحائرة
تأملت طويلا الظلام وشعرت ببروده شديده تسرى فى جسدها وفجأه
انفجرت فى بكاء عميق واطلقت صرخات مكتومه و بكت كما لم تبكى من قبل
فى غمرة بكائها وتسارع انفاسها انطلقت فى ضحك طفولى مردده
الله الدنيا بتشتى
توقفت للحظات
ابتلعت ريقها واخذت نفسك عميقا وزفرته بكل ما اوتيت من قوة
وانطلقت على السطح تجرى تحت زخات المطر وتفتح فمها ويديها لتلتقط حباته
وقد تبدل لديها احساس الحزن القاتل باحساس غامر بالسعاده والفرحه
والله العظيم انا مجنونه رددتها واطلقت ضحكه هزت ارجاء الظلام
انتهت
.......................................................
ملحوظه كبيرة
توفى الله والد اختنا سلمى مدونه رحله الى جزيرة الحب
البقاء لله يا سلمى ربنا يرحمه وجميع موتى المسلمين
و يدخله الجنه بغير مناقشه حساب ولا سابقه عذاب
دا لينك المدونه طبعا احنا كلنا هنا اسرة واحده ولازم نشارك بعض
فى الحزن والفرح
http://r7la.blogspot.com
يارب متشوفو حزن ابداااااااااااااااااااااا
اقعدو بالعافه والسلام عليكم
دموع مجمده تقف على حافه عينيها ولا تقوى على النزول
شعرت وكأن جبل يهبط فوق صدرها
تحتاج للتنفس
تريد ان تتنفس
فى قلبها ثورة لن تهدأ وفى عينيها دموع لو استسلمت لها لن تنقطع
تود ان تصرخ لعل صرخه تريحها وتزيل الهم عن صدرها
الدنيا بهمومها تهبط فوق رأسها
وبحور من السخط والحزن والغضب تقبع تحت قدميها
انها محاصرة ولا تستطيع الهروب
استغفرك ربى واتوب اليك
رددتها وسحبت الغطاء على وجهها فقد تختنق
الافكار السوداء بداخل رأسها وتهرب ولكن لا فائده
احست بالاختناق
لا تستطيع ان تغمض عيناها وعقلها لا يتوقف عن التفكير فى اللاشىء
الساعه الثالثه صباحا
هدوء قاتل يعم المكان والحاله الجويه سيئه جدا
الكل يغط فى نوم عميق فقط صوت انفاس شقيقتها الصغرى شريكتها فى
الغرفه تهذى كعادتها خلال نومها نبهتها وناولتها احدى قطع الحلوى
فالتهمتها وغطت فى نوم عميق
صوت حركه عقرب الساعه اصابها باختناق اكثر وكانه دوى مدفع فى اذنيها
والظلام القاتل اصابها باختناق اكثر و اكثر بالرغم من حبها الشديد للظلام
امسكت بالساعه نزعت البطاريه والقتها بعيدا مردده اخرسى بقه
تسللت من فراشها وفتحت باب الشقه بهدوء تاركه خلفها النائمين
فى هدوء وسكينه
صعدت الدرج وهى خائفه وتمتمت بصوت منخفض مكتوم اعوذ بكلمات
الله التامات من شر ما خلق سرعان ما تغلب احساس الالم والحزن بداخلها
على احساس الخوف وبعد صراع طويل مع الظلام وحاسه اللمس التى
اوشكت ان تتعطل من شده البروده
صعدت الى سطح المنزل
السماء غائمه كعيناها ومكتومه كتلك الدمعه التى تسكنها
نظرت حولها كل الانوار مطفئه وكل الابواب مغلقه وهدوء قاتل يعم ارجاء قريتها الصغيرة
هيا الناس دى نايمه كده ازاى رددتها داخل خلجات نفسها الحائرة
تأملت طويلا الظلام وشعرت ببروده شديده تسرى فى جسدها وفجأه
انفجرت فى بكاء عميق واطلقت صرخات مكتومه و بكت كما لم تبكى من قبل
فى غمرة بكائها وتسارع انفاسها انطلقت فى ضحك طفولى مردده
الله الدنيا بتشتى
توقفت للحظات
ابتلعت ريقها واخذت نفسك عميقا وزفرته بكل ما اوتيت من قوة
وانطلقت على السطح تجرى تحت زخات المطر وتفتح فمها ويديها لتلتقط حباته
وقد تبدل لديها احساس الحزن القاتل باحساس غامر بالسعاده والفرحه
والله العظيم انا مجنونه رددتها واطلقت ضحكه هزت ارجاء الظلام
انتهت
.......................................................
ملحوظه كبيرة
توفى الله والد اختنا سلمى مدونه رحله الى جزيرة الحب
البقاء لله يا سلمى ربنا يرحمه وجميع موتى المسلمين
و يدخله الجنه بغير مناقشه حساب ولا سابقه عذاب
دا لينك المدونه طبعا احنا كلنا هنا اسرة واحده ولازم نشارك بعض
فى الحزن والفرح
http://r7la.blogspot.com
يارب متشوفو حزن ابداااااااااااااااااااااا
اقعدو بالعافه والسلام عليكم
Atom Feed (xml)
40 التعليقات for this post
حالات اكتئاب غير مبرره لكنها معتاده
بيسموها دورات نفسية صعودا وهبوطا
لكن الحمد لله ان حصل الحدث اللي يخرجها من الحالة دي بسرعه
يارب بس ما تاخدش برد
:-)
الله الله
الناس كلها هتموت م الحر وانت الدنيا بتشتى عندك
والنبى خدينى اصوم رمضان عندكو فى الشتا
يا مراكبى
يا مرحبا يا مرحبا
اول مرة تزورنى شرفتنى جداااااااااااا
هى فعلا لما عملتها كنا فى عز الشتا واخدت برد
بس فرحتها بالشتا نسيتها موضوع البرد ده
ما اكثر الليالى القاتله يا استاذى الفاضل ومش دايما بتمطر علشان الحاله تنتهى
نورتنى جدا
فى حفظ الله
السلام عليكم
هههه هى فعلا مجنونة
بس انا اتخضيت عليها والله
البقاء لله
تحياتى
حلم بيعافر
هههههههههههههههههههههه
كده هنتضر نرجع بالزمن لورا يجى 7 شهور
وبردو مش هنحصل رمضان
احنا نشوف شيخ يفتى ان صوم رمضان فى الحر حرام هههههههههههههههه
نورتنى يا تميمى
فى حفظ الله
جوجو
وعليكم السلام ورحمه الله وبركاته
ازيك يا قمرى
متقلقيش عليها دى عايشه زى القرده
مش بتتهد اصلا ههههههههههه
سبحان من له الدوام
نورتينى يا قلبى
فى حفظ الله
ليه كده بس انا بحب الشتاء جدااااا وبكره الصيف موووووووت بسبب ان اكتئابى بزيد فيه بس سبحان الله بنام كتير جدا فى الصيف يمكن هروب من الملل والخنقة اللى فيه
جميل البوست تسلم ايديكى
والبقاء لله لسلمى فى وفاة والدها ربنا يصبرهم يارب
جميله اوى
حلوه اوى الحاله الجنونيه دى
تصدقى نفسى فى المطر
بيريح كتير بيخلى الواحد زى الطفل الصغير
تسلم ايدك
كونى بخير
ايوشه
انا باعشق فصل الشتاء ببرده وبطاطينه
وشوربه العدس والكاكاو
امتى يجى بقى امتتتتتتتى
الاجمل هو مرورك يا روح قلبى
والف مبروك النجاح
فى حفظ الله
الشوكه الناعمه
فصل الشتاء من اروع فصول
السنا برد ومطر ومتعه لا تنتهى
يارب يجى بقى طهقت من الحر
ازيك يا قمر يارب تكونى بخير
الاجمل هو مرورك
نورتينى جدا
فى حفظ الله
متاخر بس هعلق طبعا
انا عندى مصيبه كمل عليا الوصف ده
وصف حسسنى بالضيق قوى
ليه كده يعنى
بس قشطه
طلع امور فى الاخر وفى مطر من اللى بحبه
يبقى كده شكرا
انتى بقى بتجيبى الكلام المؤثر ده منين
اكيد انا اللى كنت مهيأ نفسى
نسيت اقول
صباح القشطه
بحس دايما ان المطر هبة ربانية
وكأن قطرات الماء طبطبت عليها وهى فى قمة حزنها
أنا عايزة أقول أنى باحس بالحاسيس دى..الصور اللى انت صورتيها بالكلمات..
صوت حركه عقرب الساعه اصابها باختناق اكثر وكانه دوى مدفع فى اذنيها...بالظبط كده..هو ده الحساس..و برده ابقى واقفة و أقول هى الناس دى نايمة ازاى..بس أنك تضحكى علطول من المطر ..مش جنان دى حاجة حلوة..أحلى حاجة اننا لو مقدر لينا اننا نتضايق يبقى نصفى بسرعة على الأقل..يا ريت أعرف اعمل كده..كلامك جمييل..
السلام عليكم
جميل ما احسه قلبك و ترجمه حبر قلمك
حلوة القصة واجمل ما فيه اذكار الله
تحياتي
مستر زناتى
ههههههههههه روق يابنى
اشرب وانسى محدش واخد منها حاجه ههههههههههههههههه
على فكرة مش هيحس بالخاطرة دى
غير حد عدت عليه الليالى القاتله وعاش نفس الكابوس الخنقه ده
بس الاهم انك فى وسط كل السواد والهم والحزن
تشوف نقطه بيضا تاخد بايدك انا لقيتها فى المطر
مساءك سكر بالعسل وعليهم غذاء الملكات
نورتنى جدا يا ميدو
فى حفظ الله
موناليزا
عندك حق يا مونى
هو فعلا المطر وحبها للشتا انقذها
من الحاله الكابيه السودا اللى كانت عيشاها
علشان اصلا هى هبله ههههههههههههه
يارب تكونى بالف خير
نورتينى جدا
فى حفظ الله
روزى
دى حاجات بتتضخم جوانا فى لحظات الخنقه والاكتئاب
حركه عقرب الساعه حتى لو نفس حد جنبك
ربنا ميوريكيش حزن ابدا يا حبيبتى
نورتينى جدا جدا
فى حفظ الله
ذكرى رحيل قلم
وعليكم السلام ورحمه الله وبركاته
ربنا يخليكى يا حبيبتى
الاجمل هو مرورك
متحرمش منك ابدا ويارب تكونى وبابا بالف خير
فى حفظ الله
جميلة حالات الصراع اللي جوا البوست وكمية التضاد اللي يحملها تضاد ف المشاعر والاحاسيس وتنوعها ... موت من الضحك لما اخدت بطاريات المنبه انا وت المنبه بيعملي روشة ف دماغي وبيخليني هاكسره ههههه
لولا
السلام عليكم
جميييل
انطلاقه قويه
ممكن مننا كتيير يفكر فى كده بس مش كتيير الى بيعمل
كل سنه وانتى بخير
كلامك جميل
واحساسك رائع
ربنا يبعد عنك الحزن يا رب
والبقاء لله
تحياتي
تصوير جميل اوى فى الانتقال من حال الى حال تسلم ايدك وحشانى اوى ياقمر ربنا يرحم الفقيد وجميع موتى المسلمين اللهم امين
ورجعنا تانى:))
مساء الورد مساء العسل
انا كده اشتقت للمطر والله ولا يمكن بقول كده عشان حرانه؟
بس بجد بوسه هايل
كل سنه وانتو طيبين ورمضان كريم
ازيك ياطانت انا جيت ازورك
ومبسوطة انى هنا
هستناكى انت كمان تزورينى خلاص اتفقنا
رانيا
يارب تكني بخير
معلش مقصر
بس والله ظروف شديدة جدا والله المستعان
كل سنه وانتم بخير
اللهم بلغنا رمضان
ندعوكم لمشاركه فى مسابق رمضان فى مدونتى المتواضعه
البقاء والدوام لله للاخت الكريمه فى وفاة والدها ويارب يجعلها اخر الاحزان
بالنسبه ليكى شكلك مكتبئه
اتمنا انها تكون سحابة صيف وتروح لحالها قلبى معاكى
السلام عليكم
الحمد لله سبحانه مغير الأحوال من حال الى حال
بس الشتاء والصقيع إللى عندك ده منين أبعتى لنا شويه أحسن أنا من كتر الحر خلاص لدرجه أن المروحه أشتكت وبدأت تصرخ ريحونى ياقوم
وربنا يديم المطر والشتاء عندكم اليومين دول
وكل عام وأنتِ بخير حال
السلام عليكم
رانيا
كل سنة وانتي طيبة
كل عام انتى بكل خير
وسعاده يارب
حلوة قوى
احلى ما فى الدنيا مصاصه
يااه
والاحلى اننا كلنا عاوزين
نرجع عيال تانى
قصه مشوقه بس جميله
بس ازاى الدنيا شتا واحنا هخنموت
من الحر
يعنى
ولا القصه فى مكان تانى غير الجيره
ممكن القليوبيه ولا القاهره الجديده انتى عارفه بقه
فروق توقيت
ربنا يسعد
ايامك
السلام عليكم
بجد كلماتك جميله اوى واحساسك عالى جدا
عجبنى اوى اسلوبك فى التعبير
ياريت تشرفنى فى مدونتى
كل سنه وحضرتك طيب
كل سنة وانت طيبة ياوزتى
كل سنه وانتى طيبه ياقلبى رمضان كريم عليكى فينك مختفيه ليه يابت انتى طمنينى عليكى
ازيك يارب تكوني بخير
كل سنه وانتي طيبه وبخير وسعاده
رمضان كريم
كل سنة وحضرتك طيبة وبألف خير وصحة وسلامة إن شاء الله
:)
رمضان كريم
كل عام وانتم بخير
ورمضان كريم
تحياتى
كل عام وانت الى الله أقرب
ولفعل الطاعات أسبق
وإلى الجنة أرغب
رمضان كريم
رانيا
كل سنه وانتى طيبه
ربنا يججعله شهر الخير والسعاده والفرح لكى وللاسره والامه كلها
اما القصه فهى جميله وفيها وصف للاحداث بشكل مفصل
من الواضح ان بطله القصه كانت تعانى من مشكله ما والانطلاق وتغيير الحاله التى عليها قد تهدىء من حزنها
لكن فى النهايه القصه جيده
رحم الله المتوفى وادخله الفردوس الاعلى وادخلنا جميعا الفردوس الاعلى
آمين
ربنا يكرمك ويوفقك