الى مجهولى المأسوف على شبابه

By ليس فقيرا من يحب on 7:23 م

التعليقات (35)

Filed Under:



السلام عليكم

ازيكم يا عيال يارب تكونو بالف خير
يلا ابلتكم رانيا مهيسه شويه وكاتبه رساله لحبيبها المجهول
اقرو الاحمر وسيبو الاسود ههههههههههه
وشوفو رومانسيتى المنيله على عينها دى
ههههههههههههههههههههههههههههههههههه




حبيبى فلتأتى ولتقترب منى اكثر واكثر

(تعالى ياض قرب متخفش ربنا يولعك بجاز جننتنى
مهو شوف هتيجى يعنى هتيجى فتعالى برضاك احسن )

ولنعوض ايام العذاب والشقاء والموت البطىء

(ايييييييه اصلى انطحنت فى شغل البيت وعمودى الفقرى اتقطم وطلعلى كالو فى قفايا من
كتر المسح والكنس والله يازمن لا بيدينا زرعنا الشوك ولا رضينا يازمن واييييييه )

ولنعوض كل لحظه بعادت فيها الظروف بيننا فالعمر يمضى سريعا

(اه ياض العمر مبقاش فيه قد اللى عدى يخربيتك عايزة اخلف دستتين عيال ومش هالحق )

اتركنى حبيبى اشد الرحال الى عينيك واغوص بداخلها ولتكن هى سكنى الابدى

( ايون هما دول عنيك نفسى امد صوابعى اخلى عنيك تنط بره وشك ومش هاكتفى بعنيك
لا دنا هاقلع عنين اللى يعرفوك اصلا)

لا سكنى سيكون قلبك

(هو كرشك ده هيكون بيتى ومطرحى وحياه امى لانط فى كرشك )


لا لا
انا لا اكتفى بهذا
فلاحتل كل خليه من خلايا جسدك

واذوب فى كل قطرة من دمائك

فلا يمكنك فصلى او انتزاعى من اوردتك وشرايينك

(لاااااااااااا كرشك مين يااااابه كرشك مش كفايه ابدا دنا لازم اكل من شحارتك
واطلع زمارة رقبتك فى ايدى وابقى ورينى هتمشى ازاى من غير الزمارة )

سترانى فى كل شىء وسترانى فى اى شيىء

(عليا النعمه عنيك تروح هنا ولا هنا لاقلعهالك واخليك تمشى اعور
اه منا مقعدش فى البيت زى الهبله واسيبك انت تمشى على حل شعرك انت
حلك الوحيد تتعور ومتشوفش من اصله )


ستغفو عيناك على وجهى

تعالى هنا متدورش وشك اياك تكون زهقت من خلقتى
ولا يمكن زهقت من خلقتى
بص ياض
شايف الحلاوة شايف الطعامه
جاتكم نيله عاملين زى القرع تمدو لبرة


وسترانى فى منامك

اه منا بردو منمش زى العبيطه وانت تعط فى الاحلام براحتك لااااااااااااااا
لو هيبقى فى لسه احلام يبقى تحلم بيا انا
مهو انا فيها لاخفيها

ساقاسمك انفاسك
(نفس نفس يا كده يا اما هاكبس على مراوحك اخليك تفطس و تخلص فى ايدى)

بارادتك ساقاسمك انفاسك

(غصب عنك اوعى تصدق نفسك قال بارادتك قال من يوم ما عرفتنى
تنسى موضوع الاراده ده خااااااااالص )

رغما عنك ساقاسمك انفاسك

(مهو طالما انا حبيتك يبقى ده قدرك المنيل معلش بقى استحمل هطلع عقدى
وكلاكيعى على جتتك )

احتاجك كثيرا احتاج ان القى همومى بين ذراعيك

احتاج ان ابثك الامى واحزانى

احتاج ان احتمى بك من قسوة ايامى

( الصراحه انا عايزاك علشان احطك فى وش المدفع
وافترى براحتى على حسك والصراحه كمان تعبت من الافترا على امى واخواتى
عايزة افش غلى فيك بقى )

سأظل على امل ان القاك وتصعد الارض لتعانق عنان السماء

ساظل احلم بأن تتلاقى كل فصول عامى بين ذراعيك

وساظل انتظر ان تجدنى
وابكى بين يديك حزنا على بعد طالما مزقنى
وساعتها وقعتك هتبقى سوده وكل المحاضرات اللى سمعتها
وكل الحاجات اللى حصلتلى وانا قاعده مستنياك
هتطلع على عينك انت وعيالك واللى خلفوك
ربنا يتولاك يابنى والله وقعت ومحدش سمى عليك
ههههههههههههههههههههههههههههههههههههه وش فاتح سنانه على الاخر
*****************************
هزرنا وهيسنا يلا خدو الخاطرة الاصليه

حبيبى فلتأتى ولتقترب منى اكثر واكثر
ولنعوض ايام العذاب والشقاء والموت البطىء
ولنعوض كل لحظه بعادت فيها الظروف بيننا فالعمر يمضى سريعا
اتركنى حبيبى اشد الرحال الى عينيك واغوص بداخلها ولتكن هى سكنى الابدى
لا سكنى سيكون قلبك
لا لا انا لا اكتفى بهذا فلاحتل كل خليه من خلايا جسدك
واذوب فى كل قطرة من دمائك
فلا يمكنك فصلى او انتزاعى من اوردتك وشرايينك
سترانى فى كل شىء وسترانى فى اى شيىء
ستغفو عيناك على وجهى
وسترانى فى منامك
ساقاسمك انفاسك
بارادتك ساقاسمك انفاسك
رغما عنك ساقاسمك انفاسك
احتاجك كثيرا احتاج ان القى همومى بين ذراعيك
احتاج ان ابثك الامى واحزانى
احتاج ان احتمى بك من قسوة ايامى
وتأكد انى
سأظل على امل ان القاك وتصعد الارض لتعانق عنان السماء
ساظل احلم بأن تتلاقى كل فصول عامى بين ذراعيك
وساظل انتظر ان تجدنى
وابكى بين يديك على بعد طالما مزقنى


اقعدو بالعافيه مع السلام عليكم

كل سنه وانتم بالف سعاده

By ليس فقيرا من يحب on 12:28 م

التعليقات (48)

Filed Under:




السلام عليكم

وحشتوووووووووووووووووووونى قووووووووووى قوووووووووووووووووى يا عيال

كل عام وانتم بخير وكل عيد اضحى واحنا كلنا متجمعين

عيد سعيد عليكم وعلى كل احبابكم يااااااااااااااااااااااارب
بعوده الايام

ووش ميت من الكسوووووووف على تقصيرى البشع بس النت منيل على عينه

يارب تكونو بالف خير وان شاء الله السنه الجايه متجمعين على جبل عرفات

يلا باسم الله اغطسو فى اللحمه الف هنا وشفا ومحدش يتكسف يا عيال

دا بيتكم ومطرحكم بس محدش يخطف الاكل من التانى انا جيبالكم كتير اهو















































دعوة للخير يا اهل الخير

By ليس فقيرا من يحب on 11:07 م

التعليقات (20)

Filed Under:


السلام عليكم
دى دعوة من اخونا طهر فؤادك واخونا خالد همس الاحباب
ياريت نساهم فى النشر ربنا يسعدكم ومتشوفوش تعب ولا الم ولا حزن ابدا

احيانا ينتاب المرء منا حالة من العجز عن التفكير او الشعور بالتقصير تجاه الاخرين
واحيانا اخرى تتقاذفنا امواج الحياة وتجذبنا بعيدا عن شاطىء الحياة ولكن عندما يريد
الله لنا خيرا يرسل من ياخذ بايدينا او من يدلنا الى فعل الخير اومساعدة شخص ما
وتلك نعمة من الله نحمده ونقدسه عليها فالشكر للاخ الكريم صاحب مدونة طهر فؤادك
على دعوته الكريمة لمساعدة شخص مريض يحتاج منا المساعدة والى نص الرسالة
فاكر جمعية الامل (فرع سوهاج ) اللى كانت عاملة معرض ملابس لمساعدة مرضى
السرطان يارب تكون افتكرتها... المهم جت ليهم حالة بس صعبة شوية ومحتاجة كلنا
نتكاتف مع بعض ونساعدها وهكتبلك تفاصيل الحالة ويارب تنشرها ونحاول نساعدها
كلنا باللى نقدر علية ان شاء الله وهى على لسان الحالة طبعا ربنا يشفيها ويعافينا جميعا اللهم امين والمسلمين
بتقول :-اسمه بخيت محمود أحمد والذى يعمل بالهيئة العامة للتأمينات الاجتماعية بســوهاج وبيقول :-
حيث انني مريض بمرض ( السرطان فى الكلى ) وتم اجراء عملية لاستئصال الورم
على نفقتي الخاصة بتاريخ 26/11/2009 ثم تم دخولى الى معهد اورام اسيوط بتاريخ 5/12/2009
واوصى الطبيب المعالج بضرورة الاستمرار فى العلاج بدواء (sutent) وذلك لمدة 18 شهرا
حتى يتم الشفاء وتبلغ قيمة علبة الدواء 23 الف جنيها ونظرا لارتفاع سعر الدواء عن قدرتي
المالية فقد وافقت شركة فايزر للادوية على تخفيض 50% من قيمة الدواء
وحيث ان الدواء بعد تخفيض 50% تبلغ قيمته 11.500 الف جنيها
.ونظرا لظروفى المالية الصعبة حيث انني اعول اسرة فأرجو من سيادتكم التكرم
بالموافقة على مساعدتي لشراء هذا الدواء بصفة مستمرة أو مساهمة اهل الخير
ويعتبرهذا الدواء الوحيد فى علاجي الذى تحسنت عليه صحتي حيث اننى فى حاجة الى 6 جرعات
حتى اتماثل للشفاء .وجعلكم الله عونا للمحتاجين
0115428158العنوان/سوهاج- شارع ابو الحسن البصري خلف شارع 15
الى هنا انتهت الرسالة من صاحب الرسالة وبدا دورنا فى مساعدته كل بقدر استطاعته
فمن يريد النشر او التنويه عن الحالة فى مدونته او على موقع الفيس بؤك فشكرا له وجزاءكم الله خيرا
ومن يريد التبرع فيمكنه ارسال حوالة بريدية باسم السيدة / ماجدة بخيت محمد ابراهيم
وهى زوجة المريض على مكتب بريد سوهاج الفرعى بالحميات ورقم التليفون المذكور بعاليه يخص الحالة ايضا .
او من يرغب بارسال حوالة بنكية اوالتبرع نقدا فانا مستعد لاستقبالها وارسالها الى الحالة باليد ،
ولاى استفسار يمكنكم الاتصال برقم المريض بعاليه او الاتصال على رقمى 0101345140.
برجاء الاهتمام بالنشر ودعوة الاقارب والاصدقاء من خارج التدوين للمشاركة بقدر المستطاع .
ربنا يشفى كل مرضانا شفاءا لا يغادر سقما ولا الما ويبارك فى عمركم وصحتكم
السلام عليكم

عن الكحك ولقاء الاسكندريه احدثكم بالتفصيل الممل

By ليس فقيرا من يحب on 11:33 ص

التعليقات (71)

Filed Under:




السلام عليكم

ملحوظه كده على جنب البوست ده انا كتباه من تانى يوم اللقاء بس المنيل على عينه


النت كان فاصل اينعم هو خلاص الناس نسيت اللقاء اصلا بس مليش دعوة


البوست كابس على مراوحى ولازمن انفس




بخخخخخخخخخخخخخخخخخ


ازيكم يا عيال وحشتووووونى اوى اوى ومقصرة بدرجه غبيه


كان نفسى اشوفكم فرد فرد ونفر نفر ومبسوووووووطه جدا


انى رحت اللقاء وشوفت ناس زى الفل


ايه الطيبه دى يا عيال سبحان الله ناس عمرك ما شوفتها ولا شافتك واول ما تبص


فى وشها ترتاح وتحس كأنك تعرفها من زمان اوى اوى


حاله نفسيه جميله وحب نضيف وصافى لناس اتلاقت ارواحها قبل وشوشها


الحقيقه انى فعلا فرحانه جدا وخففتو عنى كتير وخرجتونى من حاله نفسيه سيئه


تيما ام يوسف ايه الطيبه دى يا ناس وايه الرقه دى لو سمحت ياعادل قولها يا تيما


مش معقوله تيما يكون عندها عيال شحوطات كده هههههههههههههههههههههههه


دا انتى طلعتى نونو خالص باحبك اوى يا اووووى يا طماطم ومعرفتش ارغى


معاكى مع انى نفسى اتكلم معاكى كتير اوى واكيد هيحصل باذن الله


انا تقريبا طول اليوم كنت قاعده كده مزبهله وعماله اتأمل فى وشوش الناس


بهدوء كده ومع انى اكتر واحده رغايه فى العالم الا انى مرغتش كتير اليوم ده


كانت حاله نفسيه كده مختلفه جدا


استاذ خالد دوشتك امبارح بس حقيقى حضرتك من الشخصيات الجدعه اوى اوى


واللى تحس كده بالفه غير عاديه ناحيتها ربنا يسعد ايامك وشكرا على انك


صيتلى فى موضوع الكحك ههههههههههههههههههه


احمد الهامى اللى جاى اخر اليوم مبسوطه اوى انى شوفتك لانك اخ جدع بجد


والف شكر على الشوكلاتات والمصاصه ويارب كده اردهملك وانت عريس فى الكوشه


بدراوى واحمد سو وخالو الصباغ ومحمد التركى وحمدى واحد وخلاص ومحمد جبريل


ومش اسف على الازعاج واحمد اسير الجراح ومهيج الجماهير واحمد سعيد وهيثم الفردوس الضائع وضيا بيوتيفل مايند


ومصطفى ريان ومحمود بطوط حبوب ورامى فايز وكريم فقرى وكيمو صوت من مصر


واخواته اللى زى العسل


انا مبسوطه اوى اوى انى شوفتكم والله وشكرا يابطوط لانى اول ما دخلت النادى كنت حسه انى


مسطوله وغلبانه لحد ما شوفتك انت ورامى وشبطت فيكم حسيت انى لاقيت نجده من السما


الف شكر يا ضياء على الجاتوه وسماح بقى هههههههه عقبال ما اكل جاتوه فرحك يارب


والناس اللى كانو فاكرنى ولد ربنا يسامحكم هه وادى الايام اثبتتلكم انى مش بشنبات


ههههههههههههههههههههه


دودو عاشقه الرومانسيه ايه يابت الجدعنه دى بجد ماشاء الله بميت راجل وطلع عينك اليوم ده


وخليتى بالك مننا كلنا ربنا يسعدك ويفرحنا بيكى يااااااارب


كل سنه وانتى طيبه يا حنونه وعقبال 100 سنه سعاده وهنا يا حماتى


مش انا خطبت عمر امبارح اهو ورور اربيه على ايدى كل سنه وانتى طيبه


دودو والحب الجميل راحو جابو تورته وجاتوه واحتفلنا بعيد ميلاد حنين


عقبال 100 سنه يا حبى وسلميلى على ام رودينا اللى كانت منورانا




زهراء القمر والحب الجميل ومارو قلب القطه وجوزها وسحورة مرمر ايه الطيبه والحنيه


والجدعنه دى يا عيال سبحان الله تدخلو القلب بدون استئذان حسيت بحنيتكم وخوفكم


علينا نحن الغلابه اللى جايين من الاقاليم وحرصكم انكم توصلونا لبر الامان هههههه


مرمر انا باحبك اوووووووووووووووووووى وسلام خاص للاستاذ اسامه على


تعبه معانا وجدعنته وبجد لما اخدتو موجه وديتوها المحطه واطمنتو انها ركبت


انا حسيت ان بجد الناس دى مش ناس عاديه انتو جواهر بجد


وانتى يا ايمو بنتك بهدلتنى خالص وعماله تقولى الزمالك ده مرض


وكبستنى وقالتلى لما انتى زملكاويه لابسه جزمه حمرا ليه بس انا مسكتلهاش


وقولتلها ما انتى لابسه جزمه بيضا زملكاويه لا تعايرنى ولا اعايرك


بس هى عندها حق وافحمتنى ههههههههههههه


بوسيلى عليا وبوسيلى نفسك واديكى حضن كبييييييييير اوووووووى


باحبكم اوى يا عيال


حنان الشافعى وشيمو اعترافات قلب وانجى ايه القمر ده يا عيال بجد انتو زى السكر


يارب يسعدكم ويفرحنا بيكم ومى رحيق الورد جايالى اخر اليوم انا مبسوطه بيكى


وكان نفسى اقعد معاكى من اول اليوم ربنا يسعد ايامك يارب ولينا قاعده تانى ان شاء الله


موجه حبيبتى تعبناكى معانا طول الوقت يا قمر وانتى اللى رحتى جبتيلنا الاكل ربنا يسعدك وافرح


بيكى قريب جنب عريس وحش وشرير بس ياله امرك لله مسيره يبقى طيب فى يوم


ههههههههههههههههههه


جوجو وجوزها انتو بجد زى السكر ما شاء الله ربنا يخليكم لبعض ويخليلكم ولادكم


وياريت يا جوجو تبطلى افترا على الراجل الزملكاوى الغلبان ده لانك شرانيه جدا هههههههه


والله حسه كأنى اعرفك من زمان


رشا حفيده عرابى هاديه اوى وتتحبى مبسوطه بجد انى عرفتك وانتى يابت يادموع


القمر متغاظه منك جدا علشان مش جيتى نفسى اشوفك يابت بجد وكيكى وميمى بردو


متغاظه منكم اوووى


لماضه وسالى مدونه حروف القدر وانا وماما صاحبه مدونه للخيبه جروب وابنها العسل


جوم تقريبا فى اخر اليوم مبسوطه انى شوفتكم اوى


الشوكه الناعمه ورورو سويت انجل وكيارا ومنونا ودكتورةعلا ود نوراهاتى


وكيكى وريم وداليا وناس حبايبنا كتار كلمونا فون وشاركونا بارواحهم


وتلت علينا دودو رساله رقيقه من الاستاذ حازم شلبى ياريت حد يقولى مدونته ايه


وفولتا كان جاى حد نشه عين و عمل حادثه


الف سلامه عليك يا فولتا وان شاء الله اشوفك مرة تانيه يارب اللى يكرهك هو اللى يتعب




اتجمعنا فى نادى التطبقيين بعد طبعا ما ضحكتو عليا وقولتولى ان اللقاء


فى نادى دار مصر ورحتو واقول للراجل اصحابى قالولى هنتقابل هنا يقولى دا


نادى خاص ومفيش حد اقوله والنعمه منا ماشيه مليش دعوة لحد ما كلمت الاستاذ خالد


وعرفت انكو غيرتو مكان اللقاء


وقال ايه كنت قاعده على البسين يا حلاوة يا ولاد الله يرحمك يا جدى لو كنت شوفت


البيسن ده مكنتش موتت اصلا ههههههههههههههههه كان نفسى بجد انزل الميه


بس يلا ملحوقه


اتمشينا على البحر علشان نروح متحف المجوهرات والناس اتصورت بس غيرنا رأينا


مرحناش المتحف ورحنا بحرى واتغدينا واكلنا التورته و رحنا للمراجيح


وكنت هاتجنن واركب بس للاسف الشديد بادوخ من المراجيح وبارجع وبابهدل الدنيا


خالص فقولت اخد ركن احسن بس كنت مبسوطه وانا شايفه العيال طايرين


فى الهوا وعمالين يصوتو واخدلى بالك يا تركى ويادودو ههههههههههه احساس روعه والله


خالو الصباغ وكاميرته واحمد سو وكيمو زوغو وراحو القلعه


وانا الاستاذ خالد وفاتيما ودودو وحنين وقفولى عربيه


المنشيه ورحت انا فى المنشيه اواجه اقدارى لحد ماروحت البيت وانا سعيده


جدا وهلكانه جدا ومش اكل لحد الوقتى اى حاجه لانى ضربت كتير امبارح


وتوته توته خلص اليوم ورانيا قاعده دلوقتى مهدوده


ملحوظه تخينه عامله اصلا اصلا علشانها البوست


انا عملت للناس دى كحك بسكر واعوذ بالله من قوله الكحك


صحيت ماما الساعه 12 بليل ليله السبت وقولتها قومى نعمل كحك


علشان الاقى حاجه اكسر بيها عين الناس دى طول السنه


هههههههههههه طبعا محدش يقدر ينكر انو اكل كحك


وانو كان كحك روعه بكل المقاييس وكان طعم بشكل غير عادى


محدش يشكر فيه ولا يقول روعه ولا يجنن ولا ايه يابت الشطارة


دى ولا تسلم الايدين اللى نقشت الكحك ولا اى حاجه خاااااااااااااااااااالث


انتو عارفين انى متواضعه ومبحبش الاطراء ولا المدح (وش بيغمز)


اياك حد اكل كحك كده ميجيش يعلق لاحظ سيتك انك عينك مكسورة


فتيجى تعلق احسن علشان اعرف اللينك وازوركم واحد واحد


ربنا يجمعنا فى الافراح دايما


متنسوش تدعو على جلال لانو فاصل النت وانا قربت يجيلى صرع منو

على فكرة يا عيال عمتى الحمد لله عملت العمليه وحالتها الوقتى مستقرة

الف حمد وشكر لربنا متحرمش منكم ولا من دعواتكم الطيبه


يلا اقعدو بالعافيه وسلام عليكم








افهمونى

By ليس فقيرا من يحب on 4:48 م

التعليقات (49)

Filed Under:



السلام عليكم

ازيكم ياعيال وحشتوووووووووووووونى جداااااااااا

كل سنه وانتو بالف سعاده وهنا

دول كلمتين عبط كنت كتباهم من مده طويله باينله زجل او حاجه

انتو قولولى اسمه ايه عموما انا كل لما اقراهم افطس من الضحك

مش فاهمه ليه






عصفورة عالشجرة بتزقزق

شافتنى بابكى وشايله الهم

جات عندى علشان تتحقق

وتشوف مالى حالتى غم

قولتلها ومين هيسمعنى

قالت لى احكى دانا قلب ام

قولتلها الناس كده ظالمنى

معظمهم ولاحد فاهمنى

اقول يمين يقولوا شمال

والاخر ييجوا مهاجمنى

افهمنى يا اخويا انت وهو

نفسى فى حب يهزنى من جوة

يسرق حزنى ويغسل همى

ويحرك احساسى بقوة

نفسى فى انسان رقيق حساس

يغنينى انا عن كل الناس

ويكون مجنون طيب وحنون

ومشوفش منه غير الاخلاص

مين يقرى ومين يسمع ياختى

ومين هيقدر حالتى

قالتلى هما كده الناس

تقطعى فى قلبك ماتنولى احساس

الناس حكايتهم دى حكايه

وكلامهم على الفاضى يا ضنايا

لو فاهمين يمكن يحكموا صح

وهيا دى كل الحكايه

اقعدو بالعافيه مع السلام عليكم

ايه ده هو ده العيد

By ليس فقيرا من يحب on 10:30 م

التعليقات (60)

Filed Under:






السلام عليكم

كل سنه وانتم طيبين ياعيال

عيد سعيد عليكم وعلى حبايبكم ويارب يجعل ايامكم كلها اعياد

كلو يمد ايده وياخد الخير كتير والحمد لله

بس هتلاقو وانتو ماشين كرتونه على باب المدونه

محدش ينسى العيديه بتاعتى ومفيش استثناءات الا العاطلين امثالى

بسسسسسسسسسسسسسسس غير كده كلو هيدفعععععععععع











وطبعا فى الليله المفترجه دى كان لازم نشهيص ونعمل دمااااااااااااغ كبيييييرة

لاحسن الواحد دماغه مششت من كتر الهم

يلا مش تتكسفو مدو ايدكم الخير كتير
هههههههههههههههههههههههههههههههههه


هههههههههههههههههه كل سنه وانتم فى سعاده وطاعه وراحه بال

اقعدو بالعافيه مع السلام عليكم


تفاصيل لقاء ابو الريش

By ليس فقيرا من يحب on 4:13 م

التعليقات (22)

Filed Under:



السلام عليكم
تفاصيل لقاء ابوالريش كلها هتلاقوها فى مدونه الاستاذ خالد همس الاحباب
فى الرابط ده

اسماء الادوية المطلوبة
اولا :
فيجام--امينو جلووبين ivig--ال 5 جرام ب 1170

ثانيا :
وان الفا نقط سعر ة 186 جنية

ثالثا: مينارين اسبراى ب 115 جنية


رابعا: بنتازا ب168 جنية

خامسا:
تينام


سادسا:
كولشسين المستورد

سابعا
بالميكورت-كالسيمات-ريميكاد حقن-الواحدة ب 3000 جنية
********


تفاصيل اليوم



تفاصيل التجمع الخيرى بمستشفى
ابو الريش اليابانى يوم السبت 28-8-2010



التجمع الساعة الثالثة عصرا امام المستشفى ونستمر لحد الخامسة مساء باذن الله

بعدها سنتوجه الى مكان الفطار الجماعى بمطعم ابو العز 117 شارع بور سعيد امام محطة


مترو السيدة زينب المحل يبعد امتار عن المستشفى


ودى قائمة الوجبات من رقم 1 حتى 12 لسهولة الاختيار برقم الوجبة





رجاء اختيار رقم الوجبة المفضلة لديكم مقدما لابلاغها لادارة المطعم قبل موعد الفطار

بساعتين على الاقل بالنسبة اللى هيطلب حمام الطلب قبلها ب24 ساعة على الاقل .
نداء هام جدا لكل انسان لا تستقل مبلغ التبرع ولا تخجل من تواضع القيمة مهما تكن حتى

لو كان مبلغ التبرع جنيه واحد فالحسنة بعشرة امثالها الى سبعمائة ضعف والله يضاعف لمن يشاء .

بالنسبة االى عايز يبعت حوالة بنكية البيانات المطلوبة لارسال الحوالة هى :

المرسل اليه : خالد عثمان هاشم بكر

رقم التليفون : 0101345140
البنك المرسل اليه : بنك مصر - فرع الاورمان - او فرع الجيزة

واللى قريب من الجيزة او الهرم اوالدقى ممكن يقابل الاستاذ خالد وياخد منه التبرع فى اى مكان قريب منه .

حاجة اخيره اللى عايز يتبرع لشراء لعب للاطفال ممكن نجمع الفلوس وفيه اقتراح من داليا قوس قزح

انها تنزل معاهم وتشتريها من الموسكى يوم الجمعة 27-8 بعد الفطار ان شاء الله.
ده ايميلات الناس المسئولة عن اليوم
kouskoza7@hotmail.com
kh_cyc2006@hotmail.com



و ده ارقام ممكن تبعتوا رسالة عليها او تسالوا على اى شىء خاص باليوم ده

داليا صاحبة مدونة قوس قزح
0148693432
خالد صاحب مدونة همس الاحباب
0101345140
ياااااااااااااااااااارب يجازيكم كل الخير وبجد الظروف اصعب منى انى اشارك
لكن هاكون معاكم بقلبى
كل سنه وانتم طيبين وبالف سعاده
السلام عليكم

 

template By: Free Templates