السلام عليكم
ايها الشعب
ايها الاصحاب
ايها العيال
افرحووووو ارقصووووووووووووو
وفرقعو الصواريخ فى سماء البلوجر
انا جيت من تانى بعد ما غياب طويل عن مدونتى اللى زى ما يكون حد عاملى عليها عمل
لا طيقاها ولا طايقه افتحها بس انا هاجبيب هذوكا المؤذى من قفاه بعون الله
واحب اطمنكم احنا عملنا زار وطفشنا العفاريت وجيييت
بعد ما مشيت كل مقاطيم الرقبه والاشكال المنيله على عينها اللى كانت قارفه الواحد فى عيشته
اصلى ِمكنتش عارفه اجى قبل ما امشيهم ^_^
اينعم همو مش مشيو قوى يعنى بس اهو نص العما بقى
ومع ان ناس كتير شايفه ان الثورة منجحتش وان مفيش ايتوها حاجه اتغيرت الا
انى متفائله جدا وحاسه ان الخير جاى باذن الله
من انهو اتجاه بقى مش عارفه بصراحه
تقولولى ليه بتقولى كده هاقولكم اهو مجرد احساس مع ان الدنيا بايظه
بايظه بايظه ودماغى ورمت من كتر الاحداث البشعه والغباء
اللى بيحصل ده
واوقات كتير الواحد بيحس انى تيتى تيتو وزى ما روحتو التحرير زى ما جيتو
اصل انا ما نزلتش بس كنت مع الثورة قلبا وقالبا حتى لو من تحت اللحاف
حتى لو كنت خلاص كنت قربت ابث وعنايا تتعمى من كتر
البحلقه فى التليفزيون وع النت
انا مبسوطه قوى انى عاصرت الفترة دى بكل احداثها الحلوة والقاسيه
ومعاصرتى للثورة هتدينى مساحه كبيرة للفشر على
عيالى باذن الله يكفى انى اقولهم ان امكم كانت ثورجيه قديمه
هههههههههههههههه
وكانت شاهده بذات نفسوياتها على نفاق وغباء وتحول
ناس كتير قوى
وهاسمعهم فيديوهات باسم يوسف ونقعد نضحك اوى
ونحزن كمان
ايييييييه ايام
يلا بقى المهم انكم وحشتونى وجيت اقولكم خلونا ننشط شويه
متشمتوش الفيسبوك فى البلوجر
وعلى فكرة بنتى حبيبتى ومدونتى ليس فقيرا من يحب
يلا بقى المهم انكم وحشتونى وجيت اقولكم خلونا ننشط شويه
متشمتوش الفيسبوك فى البلوجر
وعلى فكرة بنتى حبيبتى ومدونتى ليس فقيرا من يحب
تمت خلاص السنتين وعليهم شهر كمان
كل سنه وانتى طيبه يا مدونتى وحقك عليا علشان اهملتك
كل سنه وانتى طيبه يا مدونتى وحقك عليا علشان اهملتك
مع انك عرفتينى بناس استحاله كنت اعطر فيهم فى حياتى
سامحينى بقى يلا
هاااااااااااا
صااااااااااااااااااااااااااااااافى يا لبن
هيييييييييييييييييييييييييييييييييييييه
هييييييييييييييييييه
مدونتى صالحتنى
كل سنه وانتو طيبين يا عيال بعوده الايام
اوعو تنسونى من دعواتكم
ومحدش يزعل منى لو مقصرة معاه
وارجع واقولكم افرحووووووووووو ارقصووووووووو
وبعدها اقعدو بالعافيه
Atom Feed (xml)
29 التعليقات for this post
كل سنه وحضرتك طيبه
رمضان كريم
وحمد الله على السلامه يا جى بعد غياب
اشتقنالك وانتظرنا عودتك وكنا فى الانتظار
دا انت والله من الاصدقاء الاخيار
حمدلله ع السلامة
يا قمرررررررررررررررررررررررر
:)
وحشتينى جدا
والبلوجر نورررررر
بس فلوس الكهربا عليكو
كل سنة وليس فقيسرا زى الفل وبخير
ونشيطة
ومجننانا بشقاوة صاحبتها
وسلامى لماما
وبسكوتها الحلو
:))
بسم الله الرحمن الرحيم
حمدلله عالسلامة
نورتي مدونتك
اول مرة آجي هنا بس شكلي هجيب كرسي وشمسية واستنى كتير
كل سنة وانتي طيبة وما تمشيش تاني
:)
بسم الله
الف حمدا الله على السلامه
اخيرا رجعتى انا سعيد انى اول تعليق
واكيد عمرك ما هتنسى التعليق ده
وكل سنه ومدونتك بنتك حبيبتك طيبه وبكل خير
اتمنى تقدمى جديد باذن الله
شيدى حيلك
ربنا معاكى واحنا هنشجعك
يالا يا رانيا انطلقى.......
كان هنا
شريف صابر
يا هلا وغلا
نورتى يا رونى يا عسولة
عاملة ايه اخبار الحر معاكى ايه
كل سنة انت بخير وصحة يارب
صورة البنوتة دى سبحان الله الخالق شبه بنت اختى بالظبط حتى الكلبظة وحركة رقبتها وجمالها وشعرها نسخة طبق الاصل سبحان الله
عمرو
وانت طيب يارب
الله اكرم وبعوده لايام
والله يسلمك هههههههههه ونورتنى جداااااااااااا
يارب تكون بالف خير
ربنا يسعدك
طمااااااااطم
حبيه قلبى
ازيك يا ست الكل يا رقيقه
عامله يا حبيبتى وحشاااااااااااااانى قوى قوى بجد
ياستى فلوس الكهربا بسيطه كفايه بس انى اطمن عليكى
لازم اشوفك قريب ياوليه وحشتييييييييييييييينى بجد
وباحبك بجد
الله يسلمك يا غاليه وكل سنه وانتى بالف
صحه وسعاده وراحه بال
دودو
الله يسلمك يا قلبى
نورتى الدنيا كلها يا ست الكل
يارب كده تفضلى فى وسطنا دايما
كل سنه وانتى بالف صحه وسعاده وراحه بال يا حبيبتى
شريف
ههههههههه
الله يسلمك يارب ويسعدك
اهو جيت اكبس على مراوحكو من تانى
وانت طيب يارب وبالف صحه وسعاده
بعوده الايام
حاضر هانطلق طالما هتشجعنى
ههههههههههههههههه نورت هنا يا شريف
مامه مازن
وحشتيييييييييييييييينى قوووووووووووووووى قوووووووووووووووووى
يا قلبى عامله ايه يا ست الكل
يااااااااااه فكرتينى بايام زمان وايام النشاط فى التدوين والتعليقات
انا مفيصهع خالص فى الحر
هههههههه الله بنت اختك شبه الامورة دى نفسى اخلف بنت شبها قووووى
اول لما تشوفى بنت اختك عضيهالى عضات كتيييييير فى دراعها وخدودها
كل سنه وانتى طيبه الحمد لله انك بخير
هااااااااااااى
ازى حضرتك
يارب تكونى دايما بالخير
نورتينا نورتينا بجد ماينفعش البلوجر من غير حضرتك
ودة كلام بجد مش هزار ولا مجاملة
ما انا بصراحة وبامانة مش بعرف اجامل بجد
وفعلا فى ناس كتيييير مش ينفع البلوجر من غيرهم وحضرتك فعلا واحدة منهم
من اول ما بدأت تدوين اصلا
وحشتينا جدااااا
بلاش تغيبى عننا تانى
وبالتوفيق دايما
كل سنه ومدونتك بخير يابت
طيب لما احنا عيال انت ايه
عموما الف حمدالله على السلامه
وخلى البخور عليا عشان تطفشى العفاريت
ياه النور عما عنيا هههههههه
تحياتى
حمد الله بالسلامه يا رووووووووونى
وحشتينا كلنا
وكل سنه وانتى طيبه وبعوده الايام
وكل سنه ومدونتك طيبه ومش تغيبى عنها ولا تهجريها تانى
وابقى افشرى ذى ما انتى عايزه على ولادك وانا مش ح افتن عليكى هههههههههه
نورتى البلوجر يا حبى
ههههههههه
تصدقى عرفت انت طالعه مجنونه لمين
اول مره اعرف انك برج الحمل شكلى هحبك
يا حونينه وطيبه
وقلبك ابيض من الحليب اصلى حمل ههههههههه
خلاص طلعنا جران سكنين برج عالى ههههههه
طلما هي بخخخخخخخخخخخخ
يبقا ياامييييييييييييي
:))))
اهلا اهلا بالحبايب الغايبين
ونوروا تاني البلوجر
كل سنة وانتي طيبة ورمضان كريم
يا سمينا
ازيك يا قلبى وحشتيييييييييي قوووووووووى
ربنا يخليكى ليا يا بطتى وعارفه اللى عندك طبعا
الف مليون مبروك النجاح والخطوبه
ربنا يسعدك ويوفقك فى حياتك وميحرمنيش منك ابدا
ربنا يسعدك ويخليكى ليا
باحبك يابت وربنا
موووووووووووااااااااااااااااااااه
جايدتى
وانتى بالف خير وسعاده وراحه بال
يا ست الستات
اه بقى كلنا عيال فى بعضياتنا هههههه
ربنا يسعدك يارب ومتحرمش ابدا
لولا انى عارفه انك تطفشى اجدعها عفريت مكنتش خليت البخور عليكى ههههههههه
سحوووورتى
الله يسلمك يا قلبى
وحشتييييييييييينى قووووى ازيك البنات وابوهم وازيك
كل سنه وانتى طيبه يارب يا حبيبتى
هههههه الفشر ده ما اقولكيش ما انتى عارفانى بقى
هههههههههه بس اياكى تفتنى عليا وتقولى انى كنت من منازلهم ههههههههه
وحشاااااااانى وعاوزة اشوفك قريب بقى
باحبك ياوليه ههههههههه
امممممممممممممموووووواااااااااااااااااااه
جايدتى
هههههههه ايون انا حمل اصلى اصلى
هههههههههههههههه
اسمى ده غرور ولا ايه ياوليه ههههههههه
انا بقى معرفش انك ساكنه معايا فى نفس البرج وباحبك قوى
هه
شمس النهار
ههههههههههههههه ايه الخضه النايتى دى
اسمها يا امااااااااااااااااااا يا امه كده يعنى هههههههههههه اتخضى صح
البلوجر منور بيكى يا غاليه
كل سنه وانتى بالف سعاده يا ست الكل
بعوده الايام
وحشاااااااااااااانى قووووووووووووى
باحبك
حمدالله على السلامه ومش تعملي كده تاني
كل سنه وانت طيبه
الله يسلمك يا سمسم
وحاضر مش هاعمل كده تاانى
والف الف مليوون مبروك الخطوبه ربنا يسعدك ياااااارب
صباح الورد
نص رومانسي جميل وحزين فأشد الحب
أعذبه وأكثره ألم هو الإنتظار هو
الحنين هو الشوق فكيف يمكن نسيانه ؟
كل سنة وأنت طيبة يارب
تحياتي وإحترامي
طب كل سنه وانتى طيبه
هه
يلا
اولا كده كل سنه و انتى طيبه ...
البوست اخدنى ف مود تانى لحد ما قلتى كلمه "رومانزيه" :D
بس بوست رومانزى رومانزى يعنى :D
كل سنة و انت طيبة غاااليتى .. كل سنة و أنتى جميلة و رااائعة كما أنتى ..
بجد وحياة ربنا تحفة وعجبنى جدا
اصلى بعيد عنك رومانزية
ههههههههههههههه
كل سنة وانتى طيبة
السلام عليكم
ازيك يا رانيا
طب انت عايزه عشرين عاما وانا جيت بعد الهنا بسنه متأخر قوى
دى فشكوول الجديده بعد فشكوول القديمه ما ضاعت وانتحرت فى بحر اسكندريه قبل اجتماع المدونين بـ عشرون عاما
تحياتى