افهمونى

By ليس فقيرا من يحب on 4:48 م

Filed Under:



السلام عليكم

ازيكم ياعيال وحشتوووووووووووووونى جداااااااااا

كل سنه وانتو بالف سعاده وهنا

دول كلمتين عبط كنت كتباهم من مده طويله باينله زجل او حاجه

انتو قولولى اسمه ايه عموما انا كل لما اقراهم افطس من الضحك

مش فاهمه ليه






عصفورة عالشجرة بتزقزق

شافتنى بابكى وشايله الهم

جات عندى علشان تتحقق

وتشوف مالى حالتى غم

قولتلها ومين هيسمعنى

قالت لى احكى دانا قلب ام

قولتلها الناس كده ظالمنى

معظمهم ولاحد فاهمنى

اقول يمين يقولوا شمال

والاخر ييجوا مهاجمنى

افهمنى يا اخويا انت وهو

نفسى فى حب يهزنى من جوة

يسرق حزنى ويغسل همى

ويحرك احساسى بقوة

نفسى فى انسان رقيق حساس

يغنينى انا عن كل الناس

ويكون مجنون طيب وحنون

ومشوفش منه غير الاخلاص

مين يقرى ومين يسمع ياختى

ومين هيقدر حالتى

قالتلى هما كده الناس

تقطعى فى قلبك ماتنولى احساس

الناس حكايتهم دى حكايه

وكلامهم على الفاضى يا ضنايا

لو فاهمين يمكن يحكموا صح

وهيا دى كل الحكايه

اقعدو بالعافيه مع السلام عليكم

51 التعليقات for this post

السلام عليكم
اكيد حكاية جميلة زيك
كلماتك بسيطة بس رقيقة وان شاءالله تحققى اللى بتتمنيه
تحياتى

Posted on 19 سبتمبر، 2010 5:15 م  

هى دى اعصفوره الى بتنقالك كل الاخبار


ماشى ماشى

بس والله كلامك مع العصفوره عاقل ورزين
امال مع البنى ادمين مشهيصه ليه

على ذكر البوست حبيت اقولك
ان الطيور على اشكالها تقع
اكيد فى حد بيحكى لعصفور هو كمان على امنياته فى حبيبته

وانشاء الله العصفور ده يقابل العصفوه بتعتك على اى شجره

وطبعا ينسوكى خالص ولا يجبوش سيرتك باتاتا


البوست جميل وبرىء اوى
وحاسه كده ابيض ونضيف اوى




تحياتى

Posted on 19 سبتمبر، 2010 5:50 م  

جوجو

وعليكم السلام ورحمه الله وبركاته

انتى الاجمل ياروح قلبى

اللهم امين ويسعدك يارب

انا معترفه انى مقصرة معاكى جدااااااااااا

نورتينى ياروح قلبى

Posted on 19 سبتمبر، 2010 6:02 م  

ممكن

ههههه لاءة دى عصفورة صحبتى باتكلم وافضفض معاها وبتسمعنى

ههههههههههههههه انا مشهيصه حرام عليك دنا نسمه هههههههههههههه

لا انا فيها لاخفيها قال ينسونى قال

ربنا يكرم الابرأ والانضف والاجمل هو مرورك

نورتنى جداااااااااااا

Posted on 19 سبتمبر، 2010 6:06 م  

مش عارفه انا كتبت تعليق في البوست اللي فات ومالقيتوش دلوقتي

مش عارفه فيه ايه

هو كبار السن تعليقاتهم بتختفي والا ايه

:)))

الكلمات لطيغه ليه بتقولي عليها كده

تحياتي

Posted on 19 سبتمبر، 2010 6:14 م  

شموسه

ازيك ياروح قلبى انتى كبيرة السن انتى اعترض

واحتج ازيك ياروح قلبى

الف مليون سلامه عليكى يارب يشفيكى

انا مقصرة معاكى جدا سامحينى بقى

واحنا منسرقش تعليقات حد احتمال تكونى علقتى فى البوست اللى قبله اصل التعليقات فوق

متحرمش منك ابدا

انتى طيبه اوووووووووووووووووى

نورتينى والله

Posted on 19 سبتمبر، 2010 6:27 م  

يارب يوعدك بحب يهزك
هههههههههه
ومتعرفيش تفوقى منه
بكرا تندم يا جميل
هههههههههه
اسمعى كلامى
متستعجليش على الهم
بس انتى مصممه بقا
انتى حرة
نيجى للجد بقا .....
ربنا يسعدك ياحبيبت قلبى يارب
بانسان يحبك ويخاف عليكى ويكون مجنون وطيب وحنون
ويجنك ... معاه
هههههههههه
يابنتى انا قلتلك انك مشكله بس مشكله زى العثل
عثثثثثثثل
وبوست جميل جدا
عجبنى الصراحه
تصفيق من هنا لحد الصبح
الله يعافيكى يا اختى
وعليكم السلام

Posted on 19 سبتمبر، 2010 7:14 م  

على فكرة
فهمتك :)))

Posted on 19 سبتمبر، 2010 7:16 م  

طب هاتى شوكولاتة و انا اخليهم يفهموك
D:
و العيدية اطلعى بيها بدل ما اطلع ضد تخطف العصفورة بتاعتك
نيهاهاهاهاهاهاهاهاهاهاها

بس سؤال رخم و تطفلى جدااا
ليه لما تقريهم بتضحكى و بلاش تقولى مش فاهمة و الكلام ده هه مش عليا الكلام ^_*
يلا قولى و سرك فى التعليقات لا تقلقى
:))

Posted on 19 سبتمبر، 2010 7:20 م  

كلام جميل كلام معقول مقدرش أقول حاجة عنه
بس تعرفي العصفورة دي حكيمة اسمعي كلامها لان معاها حق فعلا
الناس حكايتهم دى حكايه
وكلامهم على الفاضى يا ضنايا
لو فاهمين يمكن يحكموا صح
وهيا دى كل الحكايه
دمت بكل الود عزيزتي

Posted on 19 سبتمبر، 2010 7:51 م  

ازيك يا جميل
ومين سمعك والله
بجد حلوة اوي
نفسي في عصفورة زي دي احكلها
تحياتي

Posted on 19 سبتمبر، 2010 8:20 م  

فكرتنى بقصيدة لدولة اسمها(خالص)

Posted on 19 سبتمبر، 2010 8:46 م  

بجد روعة روعة روعة من هنا للسنة اللي بعد اللي جاية

الكلمات بسيطة جدا جواها معاني عميقة جدا

انا عاوزة عصورة دي :D

Posted on 19 سبتمبر، 2010 9:35 م  

رانييييييييييا

لقد جاء البرنس ابو الزناتى

وبما انى مبعرفش اعلق على الشعر

حتى لو بتاع احمد شوقى

فعلق برضك

Posted on 19 سبتمبر، 2010 9:35 م  

الحب الجميل

ههههههههههههههههههه ياجدعان سيبونا
ناخد فرصتنا بقى الله نجرب ونكتشف بنفسنا هههههههههههههههههههه

ربنا يخليكى يا حبيبتى دى شهاده انا اعتز بيها

ويارب يخليكى على دعواتك الحلوة ويباركلك فى بنوتك وتفرحى بيها

وهى عروسه يا رقيقه

وبعدين جننى مين دنا اجنن عشرة زيه

ربنا معاه بقى هههههههههههههههه

نورتينى جداااااااااااااااا

Posted on 19 سبتمبر، 2010 9:35 م  

هو انا علقت ولا لسه

السايكو ضاربه معايا يا ست الحاجه

اعوووووووووووووووو

Posted on 19 سبتمبر، 2010 9:37 م  

رانيا رانيا رانيا

رانيا التى فى خاطرى وفى دمى

نحبها كما نحب البلاى ستيشن والفيفا

شعر نثر سجع تصريع جناس ناقص


اى خدمه

فيش اجمل من كدهو

Posted on 19 سبتمبر، 2010 9:38 م  

نفس الشجرة والعصفورة
نفس الحلم بنفس الصورة
طفل برىء ساكن جوانا
بيرسم حلمه على السبورة
والعصفورة بتسمع منا
تجرى تدور على احلامنا
مهما تغيب بترجع تانى
تحيى بعد اليأس أملنا
كل العصافير حلوة شطورة
كل العصافير جوانا مكسورة
عايشة بريشة ما بين جناحين
أما صحيح والله فزورة
ريشة وجواها حلم و طاير
جوة الحلم بنت جميلة
جوة البنت طفلة بريئة
شايفة الدنيا فى الشبورة
لسة بتحلم مهما الدنيا عملت فيها
تغزل منها وتعمل تنورة
صحيح امورة

Posted on 19 سبتمبر، 2010 10:27 م  

سويت

ههههههههههههههه مفيش شوكلاته وهيفهمونى غصب عنهم هههههههههه

ومفيش عيديه لان الفلس اكل منى وشرب اصلن

هههههههههههههههههه ملكيش دعوة باضحك ليه

هههههههههههههههههه سرى فى التعليقات هههههههههههههههههههههه

وحشااانى اوى يانور
نورتينى ياروح قلبى

Posted on 19 سبتمبر، 2010 11:05 م  

خواطر

هههههههههههههه طبعا عصفورة حكيمه

مش مربياها علىايدى ههههههههههههههه

ربنا يخليكى يا حبيبتى مقصرة معاكى ومكسوفه منك والله

ربنا يخليكى ليا باحبك جدا والله

Posted on 19 سبتمبر، 2010 11:07 م  

كلام من قلبى

ازيك يا حبيبتى انا بخير الحمد لله

انتى الاحلى ياروح قلبى

لو العصفورة مش موجوده اخترعى عصفورة فى خيالك واحكيلها

وهى هتسمعك

نورتينى يا قلبى

Posted on 19 سبتمبر، 2010 11:08 م  

حلم بيعافر

هههههههههههههههههههههه خلاص عليك ياشيخ

نورتنى يا محمد

مقصرة معاك انا عارفه

Posted on 19 سبتمبر، 2010 11:08 م  

اعقل مجنونه

انتى الاروع من هنا لحد السنه الجايه ياروح قلبى

ربنا يخليكى ولا يحرمنى منك

نورتينى جدا

Posted on 19 سبتمبر، 2010 11:09 م  

زناتى باشا

هههههههههههههههههههههه انت بس مجرد بصتك

على البوست دا شرف ليه من غير حتى ما تعلق

هههههههههههههههههه ربنا يخليك يا ميدو

اخبار الدراسه ايه رحت الكليه ولا لسه مطنش

ربنا يسعدك يارب

نورت مدونتى والمدونات المجاورة

Posted on 19 سبتمبر، 2010 11:10 م  

اسماء واحلام

لا تعليق على روعه كلماتك

وموهبتك واحساسك

يارب يخليك ويسعدك

نورتنى جدا والله

Posted on 19 سبتمبر، 2010 11:11 م  

كلااااامك عجيني :)


حلوو اوي

Posted on 20 سبتمبر، 2010 12:17 ص  

رانيااااااااااااااا

بوست خفيف اوى ويحمل شقاوه وعقل ونضج كلامك اكتر من رائع

ان شاء الله هتقابلى الحب الحقيقى بس كل حاجه فى وقتها يا قمر

الخوف يا رورو انك تقابلى الحب مش فى وقته الحقيقى خدى بالك كله بميعاد اوعى تستعجلى يا قمر

ربنا يهب لكى زوج صالح مرفوع ذكره فى السماء


زهراء

Posted on 20 سبتمبر، 2010 1:52 ص  

اااااااااااه وانا اقول انتي بتعرفي كل حاجة ازاي
اتاري اللعصفورة بتيجي تقولك :)
بجد كلام جميل انتي ليه بتقولي عليه يضحك وكدا
عموما ربنا يرزقك باللي يحبك وتحبيه ويكون ليكي زوج صالح وانا كمان يرزقني بواحد :)

Posted on 20 سبتمبر، 2010 3:35 ص  

كلام راااااااااائع
اوعدها يارب

^_^

Posted on 20 سبتمبر، 2010 5:14 ص  

اصحى يا نايم ووحد الدايم

أرجوا من المدونين الموقرين أن يضعوا شعار الحملة واسمها فقط فوقها

(حملة الجسد الواحد)

في الشريط الجانبي لمدوناتهم كدلالة على وحدة صف أمة محمد

http://dndanh111.blogspot.com/2010/06/blog-post_14.html

ومن أجل قيام الولايات المتحدة الإسلامية

http://dndanh111.blogspot.com/2010/06/blog-post_17.html

جعله الله في ميزان حسناتكم .. آمين

Posted on 20 سبتمبر، 2010 5:14 ص  

يارب تلاقي الانسان ده

Posted on 20 سبتمبر، 2010 8:08 ص  

جميله
كالعاده
واله زى العسل
يارب ينولك من تتمنينه يارب
ونفرح بيكى يارب

Posted on 20 سبتمبر، 2010 9:26 ص  

السلام عليكم ورحمة الله وبركاتة

اخبارك اية

وكل سنة وانتى طيبة

وحلو الشعر الحلبنتيشى دة :)

وربنا يرزقك بالزوج الصالح والزرية الى تقر عينك اللهم امين والمسلمين

Posted on 20 سبتمبر، 2010 11:23 ص  

ههههههههههههههههه

بالحضضضضضضضضضضضضضن
وحشتينى يا خالتى اوووووووووووووووووووووووى

Posted on 20 سبتمبر، 2010 1:44 م  

يالهوووووووووووووووووووى على العبط يا ناس
لو كل العبط كده يبقا اهلا بيه

والله روعه يا بت
وجميييييييله
كتيرررررررررررررررررررر

وحشتينىىىىىىىىىىىىىىىىىىىىىى

اخبارك ايه

وفينك

Posted on 20 سبتمبر، 2010 1:48 م  

أسمحيلى أعلق أول زياره ليا عندك و عجبنى كلامك كتيييييييير و مش ليكى حق تدحكى لانها حلوه اوى
ربنا يعطيكى اللى بتتمانيه

Posted on 20 سبتمبر، 2010 6:17 م  

اتمنالك كل الحب واتمنالك انسان صادق صريح مش كاب مخادع يحبك وتحبيه ويخلصلك وتخلصيلو وتعيشى اجمل قصه حب ذى الى حلمتى بيها فى دماغك بظبط

Posted on 21 سبتمبر، 2010 2:07 ص  

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

Posted on 21 سبتمبر، 2010 10:03 ص  

انتي تحفه
بجد

Posted on 21 سبتمبر، 2010 6:36 م  

جمييييييييييييييييلة جداَ تسلم ايدك كل سنة وانتي في حب وسعادة
لولا

Posted on 22 سبتمبر، 2010 2:21 ص  

لو قرأت النص ده بدون ما أعرف الكاتب
هقول على طول دي واحدة

الأدب الأنثوي التلقيدي

عصفورة ’’ ةشايلة الهم ’’ ومحدش هيسمعني
يعني وحدة وهم وغم وحساسية مفرطة

بس حلو :)

Posted on 24 سبتمبر، 2010 8:48 م  

بسيطة وجميلة بجد

:)

تحياتي

Posted on 26 سبتمبر، 2010 3:14 ص  

كلامك دمه خففف ومعبر عن ناس كتير فى مثل حالك
بس خدى بالك من العصافير علشان معروف عنها انها فتانه وبتنقل الكلام خصوصا لماما
ربنا يحقق كل أمنياتك

Posted on 26 سبتمبر، 2010 6:42 م  

اممممممم
تسلم الايادى جميلة جدا الخاطرة
متشكرين على الكعك يا رانيا هانم
وسعدت جدا بمعرفتك ومقابلتك امس
وان شاء الله نلتقى دائما على خير
على فكرة مصيتك عند فاتيما
ههههههههه
تحياتى

Posted on 3 أكتوبر، 2010 3:17 م  

السلام عليكم
جميله اوى
ماشاء الله
وحشتينى بجد

Posted on 7 أكتوبر، 2010 10:30 م  

السلامو عليكم

أزيك يارونى
بدلعك على فكره
وخده بالك

أنا بجد سعيد جدا انى اتعرفت بشخصيه جميله زايك
بجد أنتى أنسانه مهزبه جدا ومحترمه
وكمان دم خفيف جدا
وشخصيتك خرافه بجد

اهم حاجه ان يكون اليوم عجبك
لانه بجد عجبنى جدا وعجب كل الناس
بصراحه انا مكنتش متخيل اليوم هيطلع بالجمال ده
وبسم الله ماشاء الله
كل الناس كلهم بلا استثناء
محترمين جدا جدا جدا
الحمد لله انى اتعرفت على الناس الجميله ديه

وسعيد اكتر انى عرفت انسانه فى قمت الاخلاق زايك يارونى
ده اسم الدلع بتاعك
اوك

ابقى زورينى على طول بقى
علشان انا مش هاجى هنا خالص
ههههههههه
طبعآ لا انا هبات هنا على طــــــــول

تحياتى لأنسانه محترمه جدا
وليست فقيره لانها تحب

محمــــد التركــــى

Posted on 10 أكتوبر، 2010 9:47 م  

كان نفسي اكون معاكم في الجو الجميل ده ان شاء الله تتعوض المره اللي جايه

Posted on 11 أكتوبر، 2010 8:52 م  

كل لقاء وانتم طيبين ويارب سعدا ومتجمعين على الخير يارب

Posted on 12 أكتوبر، 2010 9:46 م  

ربنا يجمعكم في الخير دايما

ويكفيكم شر الناس الهبلة

مفرقت الجماعات

:))

Posted on 12 أكتوبر، 2010 11:13 م  

يا رانيا انا شكرتك كتير اوى على الكحك ليه التسيح ده يا بنتى
وازاى احمد يجيبلك شيكولاته ومش تدينى منها ده انتى وقعت سودا

ده انا وربنا لما حد بيجيب لاولادى حلويات بدور على الشيكولاته واخبيها عشان اكلها انا وخصوصا لو كادبورى بس مش بالبندق ههههههههه طفاصه بقى

هو فعلا كان يوم جميل جدا جدا وانا كمان انبسط اوى اونى شوفتك وشوفت كل الناس الجميله

وكنت اسعد طبعا لما سمعت صوت الشوكه الناعمه
واكتر انبساط لما اتصلت بيا شخصياً دكتورة علا صيدلانيه طالعه نازله
انا بجد بحبها اوى لانها حد رقيق وجميل جدا

وبجد يا رونى الكحك كان حلو اوى تسلم ايدك انتى وماما

والف حمد الله على سلامه طانط وربنا يطمنك عليها

Posted on 15 أكتوبر، 2010 12:50 م  

نسيت انتى يا بت انتى جالك منين احساس انى مفتريه هو انتى كنتى شيفانى بفترى ع الراجل ولا حاجه ولا كنت سيباه لحظه واحد

ده انا كنت لازقه فيه ومش عايزة ابعد عنه لحظه واحده بطلى افترى على خلق الله بقى عشان ربنا يبعتلك حد كويس
ده انتى مفترى بجد

وبعدين البت لولو بنت ايمى كانت فعلا متهده كل الزملكاويه جدا حتى مامتها اولنا وحياتك

بس بجد انا هاخد بنصيحتك جدا وهبطل افترى يا ختى عشان ربنا يكرمنى

بجد ميرسيه ليكى يا رونى وميحرمنيش من منك ولا من كلامك الجميل اللى زيك يا قمر
ربنا يسعدك وافرح بيكى يارب

Posted on 15 أكتوبر، 2010 12:54 م  
 

template By: Free Templates