السلام عليكم
اتولدت فى يوم مكنش باينله ملامح كانت عايشه زيها زى الكل البنات وبتحلم باليوم
اللى تتنيل على عينها وعين اللى خلفوها و تلاقى الفارس اللى يخطفها ويطير
جاتهم ستنين نيله الفرسان اللى بالطريقه دى جه ابن الابالسه الاهبل وخطبها
وعملوا الشبكه واتنجزوا اتجوزوا وكل الامورتمام وهيا خلاص حامل
عايشه بما يرضى الله لا عمرها أذت حد وبتحاول قدر الامكان متعملش ذنوب
ولولا الحرمانيه كانت تسجد لزوجها اللى معرفتش من الدنيا غيره وشالتله
جواها كل المشاعر الطيبه والحجات الحلوة
الذنب الوحيد اللى عملته هيا انها طلعت سمراء اللون هى دى غلطتها اللى لا تغتفر
اول مرة يعرف انها سمرا بعد كام سنه جواز الاهبل اصلا قريبها يعنى هيا لونها
ما اتغيرش بين يوم وليله
الواد الحيله كارهها وعايز يطلقها وفى بطنها ابنه
مبيحبهاش اصلها سمرا وهو نفسه فى واحده بيضا
وهيا يا قلبى رقدت هيا والفراش واحد من الاحساس بالمهانه وسوء المعامله
ماله اللون الخمرى ولا الاسمر والله دا سحره وجاذبيته ماليها حدود بس نعمل ايه
فى العالم الهبلة
وبيئذى مشاعرها ويجرحها ليه وليه قبل فى الاول الارتباط وهو عارفها مش
تايه عنها مين ضمنه انه هياخد امورة وبيضاء ويبقى سعيد معاها ومش
هتطلع عينه وعين اللى خلفوه
ولو ربنا اراد وخلف يا عين امه بنوته وطلعت سمرا ياترى هيقعد فوقها يموتها
ولا هيديها سم فى الرضعه
الناس دى بتفكر ازاى ؟؟؟
مين لسه غبى بالشكل ده ؟؟؟
ليه وافقت عليها وذنبها ايه انها قبلتك وهيا متعشمه بكل خير وفاتحه دراعتها على
الاخر لدنيا جديده احتمال تلاقى فيها شىء من راحه البال والطمأنينه اللى طول عمرها
بتحلم بيها
طب بلاش انا عارفه ان ده قدر ونصيب ليه ما سرحتهاش باحسان من غير
ما تئذى مشاعرها وتسبب ليها جرح وكسر عمره ما يداوى ليه كسرت ثقتها
فى نفسها ليه بيتها ودموعها على خدها
انا بكرهك وباكره كل انسان غبى
وانتى اوعى تخلى حد يكسرك ولا يكسر ثقتك فى نفسك
انتى حلوة علشان قلبك طيب
انتى حلوة علشان مرحه ودمك زى العسل
انتى حلوة علشان بتحبى الخير للناس
انتى حلوة علشان بتقدرى تخففى عن حد ألمه وحلوه علشان بتقدرى
تحنى على غيرك
انتى حلوة قوى علشان ملامحك هاديه ووشك صافى ومنور ولا البدر اصلك
ياروح قلبى ودنيتى بتصلى ومبتسبيش فرض وقريبه من ربنا
انتى بيضا ولا سمرا تخينه ولا رفيعه مناخيرك كبيره ولا صغيرة سنانك
مرصوصه ولا مترمه شعرك ناعم ولا خشن حلوة قوى
حلوة علشان ثقتك فى نفسك كبيره وعارفه انك مفيش زيك اتنين فى الدنيا
فى كميه الحنان اللى فى قلبك واللى ممكن تغرق الدنيا دى كلها
عارفه انك جميله قوى اصل عينكى بتدمع لما تشوفى حد قدامك بيتعذب
و قلبك رقيق اوى وبيصعب عليه الناس وبيبقى نفسك تعملى اى حاجه
علشان تدخلى السعاده على قلبهم حتى لو على حساب نفسك
انتى حلوة قوى وقلبك حلو قوى وعقلك حلو قوى وجواكى نضيف قوى
انتى طيبه قوى قوى
علشان كده اتأكدى ان ربنا شايلك كل خير ومسير الايام هتكافئك وربنا
هيبعتلك هديته
اتأكدى ان ربنا بيحبك قوى علشان كده ابتلاكى وانك مميزة قوى
ومفيش فى الدنيا حد زيك
لكل اخت حبيبه حست ان الايام جات عليها واتظلمت من اقرب الناس ليها
ان مع العسر يسرا
لكل اخت حسه وانا بكتب البوست ده انها بنتى اللى جبتها من قلبى
حتى لو انا اصغر منها فى العمر
انى احبك فى الله
ولكل انسان مخفش من ربنا وأذى مشاعر انسانه وكسرها وهانها
وأعدم ثقتها فى نفسها
بكرهك مع انى عمرى ما كرهت حد
اوعى تفكر انك كده شاطر واتأكد انك هتقع يا حلو وهيجى اللى يخلص
الذنب منك
معلش يا ناس يا طيبين من ساعه معرفت حكايه الانسانه اللى كتبت عنها
فى اول البوست و دمى بيغلى وجوايا ثورة على كل الرجاله الظالمه
وجوه قلبى كميه ألم على كل أخت من اخواتى اتعذبت واتظلمت
من غير ذنب او تقصير منها
فكان لازم افضفض معاكم شويه
ربنا يسعد قلبكم جميعا ومتشوفوش حيرة ابدا
اقعدوا بالعافيه مع السلام عليكم
اتولدت فى يوم مكنش باينله ملامح كانت عايشه زيها زى الكل البنات وبتحلم باليوم
اللى تتنيل على عينها وعين اللى خلفوها و تلاقى الفارس اللى يخطفها ويطير
جاتهم ستنين نيله الفرسان اللى بالطريقه دى جه ابن الابالسه الاهبل وخطبها
وعملوا الشبكه واتنجزوا اتجوزوا وكل الامورتمام وهيا خلاص حامل
عايشه بما يرضى الله لا عمرها أذت حد وبتحاول قدر الامكان متعملش ذنوب
ولولا الحرمانيه كانت تسجد لزوجها اللى معرفتش من الدنيا غيره وشالتله
جواها كل المشاعر الطيبه والحجات الحلوة
الذنب الوحيد اللى عملته هيا انها طلعت سمراء اللون هى دى غلطتها اللى لا تغتفر
اول مرة يعرف انها سمرا بعد كام سنه جواز الاهبل اصلا قريبها يعنى هيا لونها
ما اتغيرش بين يوم وليله
الواد الحيله كارهها وعايز يطلقها وفى بطنها ابنه
مبيحبهاش اصلها سمرا وهو نفسه فى واحده بيضا
وهيا يا قلبى رقدت هيا والفراش واحد من الاحساس بالمهانه وسوء المعامله
ماله اللون الخمرى ولا الاسمر والله دا سحره وجاذبيته ماليها حدود بس نعمل ايه
فى العالم الهبلة
وبيئذى مشاعرها ويجرحها ليه وليه قبل فى الاول الارتباط وهو عارفها مش
تايه عنها مين ضمنه انه هياخد امورة وبيضاء ويبقى سعيد معاها ومش
هتطلع عينه وعين اللى خلفوه
ولو ربنا اراد وخلف يا عين امه بنوته وطلعت سمرا ياترى هيقعد فوقها يموتها
ولا هيديها سم فى الرضعه
الناس دى بتفكر ازاى ؟؟؟
مين لسه غبى بالشكل ده ؟؟؟
ليه وافقت عليها وذنبها ايه انها قبلتك وهيا متعشمه بكل خير وفاتحه دراعتها على
الاخر لدنيا جديده احتمال تلاقى فيها شىء من راحه البال والطمأنينه اللى طول عمرها
بتحلم بيها
طب بلاش انا عارفه ان ده قدر ونصيب ليه ما سرحتهاش باحسان من غير
ما تئذى مشاعرها وتسبب ليها جرح وكسر عمره ما يداوى ليه كسرت ثقتها
فى نفسها ليه بيتها ودموعها على خدها
انا بكرهك وباكره كل انسان غبى
وانتى اوعى تخلى حد يكسرك ولا يكسر ثقتك فى نفسك
انتى حلوة علشان قلبك طيب
انتى حلوة علشان مرحه ودمك زى العسل
انتى حلوة علشان بتحبى الخير للناس
انتى حلوة علشان بتقدرى تخففى عن حد ألمه وحلوه علشان بتقدرى
تحنى على غيرك
انتى حلوة قوى علشان ملامحك هاديه ووشك صافى ومنور ولا البدر اصلك
ياروح قلبى ودنيتى بتصلى ومبتسبيش فرض وقريبه من ربنا
انتى بيضا ولا سمرا تخينه ولا رفيعه مناخيرك كبيره ولا صغيرة سنانك
مرصوصه ولا مترمه شعرك ناعم ولا خشن حلوة قوى
حلوة علشان ثقتك فى نفسك كبيره وعارفه انك مفيش زيك اتنين فى الدنيا
فى كميه الحنان اللى فى قلبك واللى ممكن تغرق الدنيا دى كلها
عارفه انك جميله قوى اصل عينكى بتدمع لما تشوفى حد قدامك بيتعذب
و قلبك رقيق اوى وبيصعب عليه الناس وبيبقى نفسك تعملى اى حاجه
علشان تدخلى السعاده على قلبهم حتى لو على حساب نفسك
انتى حلوة قوى وقلبك حلو قوى وعقلك حلو قوى وجواكى نضيف قوى
انتى طيبه قوى قوى
علشان كده اتأكدى ان ربنا شايلك كل خير ومسير الايام هتكافئك وربنا
هيبعتلك هديته
اتأكدى ان ربنا بيحبك قوى علشان كده ابتلاكى وانك مميزة قوى
ومفيش فى الدنيا حد زيك
لكل اخت حبيبه حست ان الايام جات عليها واتظلمت من اقرب الناس ليها
ان مع العسر يسرا
لكل اخت حسه وانا بكتب البوست ده انها بنتى اللى جبتها من قلبى
حتى لو انا اصغر منها فى العمر
انى احبك فى الله
ولكل انسان مخفش من ربنا وأذى مشاعر انسانه وكسرها وهانها
وأعدم ثقتها فى نفسها
بكرهك مع انى عمرى ما كرهت حد
اوعى تفكر انك كده شاطر واتأكد انك هتقع يا حلو وهيجى اللى يخلص
الذنب منك
معلش يا ناس يا طيبين من ساعه معرفت حكايه الانسانه اللى كتبت عنها
فى اول البوست و دمى بيغلى وجوايا ثورة على كل الرجاله الظالمه
وجوه قلبى كميه ألم على كل أخت من اخواتى اتعذبت واتظلمت
من غير ذنب او تقصير منها
فكان لازم افضفض معاكم شويه
ربنا يسعد قلبكم جميعا ومتشوفوش حيرة ابدا
اقعدوا بالعافيه مع السلام عليكم
Atom Feed (xml)
101 التعليقات for this post
يا حبيبتى .. ربنا يصبرها وجعتينى اوى يا رانيا
ايه التخلف ده لسه فيه ناس كده
حسبى الله ونعم الوكيل .. وبعدين البعيد اللى مابيفهمش السمار ده نص الجمال
وكفاية ان كل السمر معروف عنهم ان قلبهم ابيض زى الفل وطيبين
بجد ف بوستك كفيتى ووفيتى
مافى بايدينا غير نقول حسبى الله ونعم الوكيل ف البنى ادم ده
ازيك يا رانيا
مش عارف اقول حاجه بجد
لكن الانسان اللي بيفهم
يعرف كويس انه اهم حاجه الدين الاخلاق
والطيبه والاصل
وطبعا مفيش حد ميعرفش حديث الرسول عليه الصلاة والسلام
" ............. فاظفر بذات الدين تربت يداك"
مش لاقيه كلام
غير حسبي الله ونعم الوكيل
ربنا يهديه اللي زي ده لازم يصعب عليكي علشان ماخفش من ربنا واللي مايخفش من ربنا يبقا مسكين
لازم ندعي له بالهدايه
وهي ربنا يجرها في مصيبتها ويخلفها خير منه
ويصبر قلبها
وان شاء الله عوضها خير
سلام
مين الاهبل اللي لسه بيفكر كده ؟
لا و مش اهبل بس
ده اهبل و اعمي (لانه مخدتش بالهع طول السينين دي يعني ؟؟)
أيه الهبل ده
هو فيه حد لسه كده
ما اللى خلقه ابيض وحليوه ومسمسم هو برضه اللى خلقها سمره
وبعدين ياااااااااااه هو مشمصرى ولا ايه ما يعرفش ان كل الامثال المصريه بتمدح فى جمال السمر
يعنى السماره على الاماره
والسمار نص الجمال
وبعدين ماهو ممكن يتجوز جميله الجميلات وتكرهه فى اليوم اللى جاه فيه الدنيا من اصله
ايه ده عبيط ده ولا ايه
انا متغاظه قوى من اللى قريته ده
اقولك ايه بس
فيه كتير من الشباب بيفكروا بالاسلوب دا بس الاكتر حبوا بجد سمرا بيضا اللى بيحب بجد عمره ما يفكر فى شكل الاهم الروح
حسبنا الله ونعم الوكيل
ربنا يهديه ويهدي أمثاله
بجد القصة دي توجع يارانيا
ربنا يكرم صاحبة القصه .. وهيعوضها خير ان شاء الله
تقبلي مروري
لما يشوف ابنه او بنته اودام عينه هيحن
ربنا يهديه :)
مسا الفل على ارق قلب لارق رانيا فى الدنيا كلها
ياه يا بنتى الكلام الجامد اوى ده كله
هو الرجل ده كان اتعمى فى عيونه لما ما شافش انها سمرا او حتى سوده غير وهى حامل يعنى هو عمره ما بص فى وشها قبل كده
وعسى ان تكرهوا شيئا وهو خير لكم
يا عالم مش يمكن ده الخير من ربنا سبحانه وتعالى وهى كده هتكون فى وضع افضل
حسبى الله ونعم الوكيل فى كل انسان بيغدر سواء الانسان ده رجل او انثى
ماحدش يستاهل ان ثقتنا تتهز بانفسنا حتى لو لحظه واحده
كلامك جميل اوى يا رانيا وباين فيه انه موجوعه من اللى حصل لصاحبة المشكله ربنا يفرح قلبك يا رانيا
تصدقي بالله انك ضيقتيني وحرقتي دمي
طبعا مش انتي
انا اقصد البوست بجد يحرق الدم
سوري ده ميتقلش عليه غير اهطل
ياجماااااااااااعه مفيش ست في الدنيا دي كلها مش جميله
كل ست ليها حاجه جذابه ومفيش واحده في الدنيا مش حلوه ومش هنقعد نقول مش مهم الشكل المهم الاخلاق
طبعا مهمه جدا الاخلاق لكن لكل واحده جذبيتها الخاصه اللي بتتميز بيها ودي ازواق
والسمار مش هنقعد نعمل زي العيال الصغيره بس فعلا ليه جذبيته الخاصه
بجد مش عارفه اقول ايه غير ان مفيش ست في الدنيا دي كلها وحشه نوهائيا ولازم كل واحده تحط في دماغها كده وتبرز الجميل فيها لالالالا مقصدش يوه يقطعني نعمل زي فتيات الاعلانات والكلبيات ومولدتشي لا يابنات اهدوا اهدوا
لحسن تبقي حوسه
كل منا يتميز بشي يختلف عن الاخر فيه بس
لكن لافندي ده مخدش باله بعد السنين دي كلها
يارب يارب يوعده بوحده بيضه اشطه هه اشطه تطلع عينه ويجي بقي يكلم
ايه السخافه دي والهطل ده ياسبحان الله
ربنا يهدي بجد
السلام عليكم
ازيك يارانيا هانم
يارب تكونى بخير
كلمة بكرهك دى قليلة على هذا الشخص (وان كنت حتى مستكتر عليه كلمة شخص)
لان واحد حتى ولو كان متخلف مش ممكن يفكر بالطريقه دى
****
(وبعدين ايه اللى انتى كاتباه ده!!! دى العروسه سمرا عيب عليكى يارانيا ده انا دافع 28000جنيه)
هههههههههههههههههههه
ســــــــــــــــلام
راجل ماعندوش رجوله
تحياتى
للاسف نوعية الرجال دى ما بتقرأش الكلمات دى ويمكن لو شافوا برنامج تليفزيونى بيتكلم عن المشاعر الانسانية الطبيعية بين الزوج والزوجة يقلبوا القناة على اعتبار انهم مش محتاجين يعرفوا حاجة لانهم مؤدين واجبهم على اكمل وجه
تعرفى لو حتى اتواجه بكلامك ده هتلاقى رده المحفوظ انا معملتش حاجة غلط او حرام!!
مش عارفة اقول ايه بجد غير ربنا يصبرها ويعوض عليها ولو انى عارفة ان مفيش كلام ممكن يخفف عنها اللى هى فيه
تسلمى ياحبيبتى وربنا يحميكِ من اى سوء
لا حول و لا قوة إلا بالله ، للأسف الشديييد جدااااا إن التفكير ده كتر قوى اليومين دول
اتأثرت جداا بكلماتك و بوصفك للبنت ، حسيت كإنك بتطبطبى عليها و على كل انسانة مكلومة فى وضع مشابه لها ، و ما أكثرهن هذه الأيام
ربنا يوفقها فى حياتها ، و بالنسبة له فإذا لم يراجع نفسه و يتقى ربنا سبحانه و تعالى و يتوقف عن الظلم، فعليه إن يحترس "إن ربك لبالمرصاد"
و بالذات للظالم و بالذات لظالم المرأة
و كمان بيظلم معاها طفل لم يرى الحياة بعد، حسبنا الله و نعم الوكيل
ربنا يقويها و بإذن الله تفوق من الصدمة و تعيش حياتها احسن من الأول وإن شاء الله ربنا سبحانه و تعالى هيكرمها
ربنا يكرمك يا رانيا على مؤازرتك لهذه لفتاة و على كلماتك
ربنا ينفعك و ينفع بيكى
:|
انا علقت يا جدعان هنا ابل كده فين تعليقى
احنا بقى بيتعمل فينا الكلام دا ولا ايه
السلام عليكم
طيب هو اتجوزها ازي كان اعمي وفتح
ربنا يهديه وينور بصيرته اما هي عليها بالصلاة والدعاء اللهم ارزقنا الرضا بعد القضاء
ربنا يصبرها زيعوضها خير ان شاء الله وعسي ان تكرهوا شيئا وهو خيرا لكم
حسبنا الله ونعم الوكيل
بس دا بيستهبل ولا ايه يعني
هو يعني ماشافها انها سمرا الا بعد الجواز ولا حتى حد غصبه عليها
رجالة اخر زمن
ربنا ينتقم من كل ظالم
اي نعم في رجالة بتمووت في البياض وفي رجالة بتحب السمار جدا وكل واحد وليه زوقه لكن محدش غصبه يتجوزها من الاساس دا عبيط رسمي
ربنا يصبرها ويعوضها
روقي ياحبيبتي ومتحرقيش دمك ربنا هياخد حقها من الظالم دا
دمتي بحفظ الرحمن
من كلامك هو انسان مش كويس والانسان ديما مش بيعرف قيمة الحاجة الا بعد ما تضيع منة
مع خالص تحياتى
من كلامك هو انسان مش كويس والانسان ديما مش بيعرف قيمة الحاجة الا بعد ما تضيع منة
مع خالص تحياتى
يا زهرة بترتوى مطر ...مين علمك تكرهى
ياااااااااااااااه لسه فى حد بيفكر بالظلم والعنصريه دى بجد دا تخلف حسبنا الله ونعم الوكيل ربنا هياخد حقها وما ربك بظلام للعبيد خليها تثق فى كدا ربنا يصبرها ويعوضها خير يارب
انسان سطحي
ميعرفش يعني ايه مشاعر هيقدر مشاعر الاخرين ازاي
انسان اناني ميهموش غير نفسه
هيهتم براحة الاخرين ازاي
انسان اعمى القلب
هيشوف جمال الاخرين ازاي
وللاسف بقوا كتير اوي وربنا يرحمنا
ويخلق لنا في قضائه رحمة
تحياتي
السلام عليكم
ازيك يا حبيبتى وحشتينى أووووووووووووووى
ربنا يطمنى عليك يارب ويكرمك خير حبيبتى
تعرفى أنا مش مستغربه للكلام اللى كتبتيه
دا العادى بتاعهم بياخدو بنات الناس يلعبو بيهم
*************
بنت خالتى مرت بتجربه من هذا النوع
والحمدلله عاشت معاه بس شهر ولما عرف انها حملت ضربها وسقطها وكسر ليها أسنانها وياريته غريب يارانيا
دا ابن عمها يعنى لحمها
واتبهدلت ومافرحتش
وقدرنا نجيب حاجتها وعفشها اخدناه
وهى الان بين المحاكم وأقسام البوليس عشان عاوزه حقها
ورافعه عليه قضية خلع
ربنا ينتقم منهم اشد الانتقام
وحسبى الله وانت الوكيل فيهم
ياريت تشوفى البوست بتاعى يا رانيا الاخير محتاجه رئيك فيه اووووووووووووى
قلبى معاكم
عارفه يارانيا انا مره مامت احد العرسان طبعا انت عارفه كتار جدا طوابير بقه ام هند جت قالت لمامتى معلش بنتك سمرا انا اصلى عايزه اجوز ابنى لبنت بيضا زعلت اوى ايامها ياعنى هى مبصتش غير على سمارى بس بس عارفه والله ربنا كريم اوى انا دلوقتى واحده بجد وواثقه في نفسي اكتر والحمد لله اما بالنسبه لصحبت الحكايه فبجد ربنا يكرمها بحد يقدرها وبقولها بجد خليكى مع ربنا صلى الفجر وادعى ربنا اوى والله يمكن ده خير ليكى انو ابنك او بنتك متترباش مع حد سطحى وتافه بس السؤال ياترى أنت مكنتيش عارفه قبل ماتجوزى انو سطحى وتافه ؟؟؟
السلام عليكم
موضوع مؤلم للغاية
ثم إن الذى خلق الأبيض
خلق الإسود
بالعكس ممكن أن تكون
أعمال الإنسان أسود
اللون أحسن من الإنسان
أبيض اللون
خالص تقديرى
لا حول ولا قوة
الا بالله العلى
العظيم.فعلاً وللأسف
فيه ناس مخها ضيق كدهـ
وممكن يخرب بيته ويشرد أبنه
علشان اسباب زى دى.
المشكله فى شكلها وللا جمالها
المشكله فيه هو
عينه فارغه
حتى لو كانت جميله
بعد شويه وقت من الجواز
مش هيشوف جمالها
لان اصلا
عينه فارغه
قلبي وجعني
الصراحه اتنكدت علي الصبح وانا اصلا متنكده جاهزه
ربنا يصبرها ويرحمنا من دي عقول
فيه ايه يا رنا
معكره دمك ليه
هو الواد خلاص ما لوش حل انتهى
الوليه بتاعه حامل سمرا بقى ولا حمرا ولا بيضا يروح يتنيل على عينه بقى ويحمد ربنا
بس انت ما تعكريش دمك
ولا تزعلى
ملعون ابو اللى يزعلك
بس خلاص ...سلام
ماليييش دعوة انا عايز واحدة بيضا
ههههههههه والله انا مالاقى لابيضة ولا سمرا
مفيش امل واللى فى ايديه نعمة طفس وبيتامر
أنا مش قريت
بس جيت أقولك وحشتيني
السلام عليكم
في الاول ازيك يا جميله و يا رب تكوني بخير
بالنسبه للبوست بتاعك بجد راااااااااائع و مفيد جدا رغم المأساه اللي جواه و دموع الدم اللي بتسيل منه
المشكله دي للاسف موجوده و شوفتها بعيني في واحده زميلتي
بالظبط حصلها نفس كلامك و بعد قصة حب رهيبة اتحدت فيها اهلها و اهله
جه بعد ما خلفت يقولها انتى سمرا و مش حلوة و انا كان نفسي اتجوز واحده بيضا
حسبنا الله و نعم الوكيل
والله كلام زى الفل
يسلم الكيبورد اللى كتبتى عليه
ويسلم الايد اللى مشت عليه
بارك الله فيكى
قدر الله وماشاء فعل
كله خير
محدش يعرف الخير فين
هل مازالت هذه النماذج متواجدة في القرن الواحد والعشرين وهل مازالت هذه العقليات المتحجرة موجودة انا محلها افارقه واكسر وراءة مائة قلة لانه لايستحق الا هذا اما ان استسلمت لاحساس النقص الذي يزرعه فهيها فقولي عليها يارحمان يارحيم
تحياتي لك عزيزتي
ده انسان تافه
واكيد هي تستاهل شخص انضج وارجل من كده
قوليله فكرة بتقولك مش وقتك عقدوتوها من حاجة اسمها جواز يالا احسن
تحياتي ياقمر
السلام عليكم
الله يسامحه
والله انا مش عاوزه اقول حاجه غلط
مش حقول غير حسبى الله ونعم الوكيل فى كل حد بيظلم التانى
تحياتى
رانيا
جزاكم الله خير على الموضوع الهام ده
هو يعنى فجاه اكتشف لونها
يعنى مكنش عارف
ازاى يعني
وبعدين دي خلقه ربنا
ده غير انه مكنش ياخدها من الاول
كان قدامه البيضا ياسيدي
ولا يعنى ايه
فوق انه مش شرط انها خمريه او سمرا انها وحشه
والاهم انها هل معاملتها كويسه ولا لا
ولا انت هاتدور على لون بس
كأن اللون ده هو اللى هايسعده مش التعامل
بس هى لو بتحبه تحاول انها تتفاهم معاه
يمكن هو فيه حاله الملل اللى بتصيب المتجوزين
فممكن يكسروا الروتين اليومي
ويحاولوا يعيشوا من اول وجديد
بس طبعا لازم تكون حاطه فى نفسها انها مش ناقصه حاجه عشان مش بيضا
هو احنا رجعنا لعصر الجاهليه ولا ايه
ربنا يصلح الاحوال
ربنا يكرمك ويسعدك
حلو اوي الموضوع ومدونتك رائعة ..
يخرب بيت كده
يالهوى؟
مش مصدقه بجد ان فى حد لسه بالمنظر ده
حسبى الله ونعم الوكيل
انا والله بكره الاشكال الغبيه اللى من النوع ده
ده ايه ده
مش معقول ده يكون بنىءادم
ده شكله بقى بيتلكك
ما دام هى قريبته وعارفها اكيد من زمان لسه جاى يكتشف كده؟
هو بيتلكك والله
وبعدين ماله اللون الاسمر؟ والله انتى عارفه
فى بنات كتير لونهم اسمر ولايق عليهم السمار اوى ولو لوانهم ابض مش هيليق عليهم
ده خفه اصلا وفيه جاذبيه زى ما قولتى
بجد حسبى الله ونعم الوكيل ده ايه الغباء ده
وزى ما قولتى برضه مادام مش عايزها ما يطلقها بالمعروف
يفتح سوره الطلاق ويتعلم منها ويطلقها بما يرضى الله
ليه الاهانه دى
استغفر الله العظيم
بجد
اتحرق دمى
منونه
ازيك ياروح قلبى
اه لسه فى ناس بتفكر كده
ربنا يسعدك يارب ومتشوفيش حيرة ابدا
نورتينى
فى حفظ الله
ابو العريف
ازيك يا محمد
مين يقرى ومين يسمع ومين يفهم
ربنا يسعدك يارب
نورتنى
فى حفظ الله
شمس النهار
اللهم امين يارب يهديه ويعوضها خير
ويسعدك يارب يا حبيبتى
يارب تكونى بخير
نورتينى جدا
فى حفظ الله
عادل
فى هبل كتير يا عادل
مش عارفه بيفكروا ازاى
يارب تون بخير
نورتنى
فى حفظ الله
برومس
تعملى ايه بس فى الامخاخ التخينه دى
مش هيفهم كده الا لما يجرب
ربنا يسعدك يارب يا حبيبتى
نورتينى
فى حفظ الله
رومانسى
اللى بيفكر كده مبيفهمش
اصلا فى الحب يا احمد
ربنا يسعدك
نورتنى
فى حفظ الله
قلم رصاص
ازيك ياريس
اللهم امين ربنا يسعدك ويتقبل
دعائك يارب
نورتنى جدا
فى حفظ الله
زى الهوا
ازيك يا قمر
يارب تكونى بخير
احتمال يحن بس مش واثقه
فى كده مش عارفه ليه
نورتينى
فى حفظ الله
لولا وزهراء
مساء الورد عليكم يا قمرات
فى ناس بجد بتفكر بطريقه غبيه
ربنا يسعدكم يارب ويريح بالكم
والارق هو مروركم يا حبايبى
نورتونى جدا جدا
فى حفظ الله
سمكه
معلش يا قمر انا كمان اتحرقت قوى
كلامك صح جدا بس فى ناس بتبص للامور
بطريقه تقليديه وضيقه قوى
هو مش هيعرف قيمه اللى فى ايده غير لما يجرب
حاجه تانيه وهيا ربنا يصبرها
ربنا يسعدك يارب
نورتينى
فى حفظ الله
المعتصم
وعليكم السلام ورحمه الله وبركاته
ازيك يا استاذنا
انا بخير الحمدلله
عندك حق
هههههههههههه السمار نص الجمال يازعيم
وبعدين عمال تذل فى الحرمه بال28 الف
بتوع الدهب هههههههههههههههههههه
ربنا يسعدك يارب ويتمملك ول N بخير
نورتنى
فى حفظ الله
لاسع افندى
وما اكثرهم يالاسع يا اخويا
ربنا يسعدك يارب
نورتنى
فى حفظ الله
موناليزا
عندك حق فى كلامك
ربنا يتقبل دعائك
ويكرمك يارب يا روح قلبى
ويسعد قلبك
نورتينى
فى حفظ الله
تاثير الفراشه
ازيك يا دكتورة
يارب تكونى بخير
ربنا يكرمك وكلامك حقيقى بجد
ربنا يتقبل دعائك ومتشوفيش
حيرة ابدا
نورتينى
فى حفظ الله
ابوعلى
ههههههههههههههههه
احنا اصلا بنسرق التعليقات هنا
فكل واحد بقى يخلى باله من تعليقه
نورتنى
فى حفظ الله
ذكرى رحيل قلم
وعليكم السلام ورحمه الله وبركاته
مش عارفه مهو ده هيجننى برده
اللهم امين ربنا يتقبل دعائك يارب
ويسعدك
نورتينى يا قمر
فى حفظ الله
نوارة
والله منا عارفه يا نوارة
اللهم امين
ربنا يكرمك ويسعدك يارب يا قمرايه
نورتينى
فى حفظ الله
تامر نبيل
عندك حق الانسان مش بيعرف قيمه الحاجه
الا لما تضيع منه
ربنا يكرمك يارب
نورتنى
فى حفظ الله
ويل
ظلم الناس وغبائهم
وكسرهم للناس يعلم اى حد يكره
نورتنى جدا
فى حفظ الله
طوبه دهب
ايون لسه فى يا دهب
اللهم امين
ربنا يكرمك ويسعدك يارب يا حبيبتى
نورتينى
فى حفظ الله
بسكوته
ايون كتير جدا بقوا كده
ربنا يرحمنا ويسعدك يارب
نورتينى فى اول زيارة للمدونه
وان شاء الله يدوم التواصل
فى حفظ الله
انوس
وعليكم السلام ورحمه الله وبركاته
ازيك يا انوسه ياروح قلبى
انتى كمان وحشانى اكتر
انا بخير الحمدلله
ربنا ميحرمنيش من سؤالك عليا
انوسه
ربنا يعوضها خير ان شاء الله
الدنيا مليانه بقصص اصعب من كده
ربنا يسعدك يا حبيبتى ويريح بالك
وميعذبكيش ابدا
نورتينى يا نوسه
فى حفظ الله
ماء تشرين
لعلمك بقى السمار ده ليه سحر
وجاذبيه غير عاديه بس فى ناس غبيه
مش بتفهم
طبعا محدش بيعرف حد الا لما يعيش معاه
حتى لو عرف عنه مش هيعرف كتير
وفى الاخر كل شيىء قسمه ونصيب
ربنا يسعدك يارب يا حبيبتى
نورتينى يا قمر
فى حفظ الله
عمرو جويلى
وعليكم السلام ورحمه الله وبركاته
عندك حق بس نعمل ايه
فى ناس عقلها صغير قوى
يارب تكون بخير
نورتنى حضرتك
فى حفظ الله
نوراهاتى
اه والله يا دكتورة
موجودين وكتير كمان
ربنا يسعدك يارب
يارب تكونى بخير يا حبيبتى
نورتينى
فى حفظ الله
مونى
ممكن فعلا تكون فراغه عين
ربنا يكفينا شرها
ويسعدك ياقمر
نورتينى
فى حفظ الله
غربتى
بعد الشر عليكى من النكد
ووجع القلب
ربنا يريح بالك ويسعدك يارب
ويصبرنا جميعا
نورتينى
فى حفظ الله
فشكول
من اللى بيحصل يا عمو
مهو مش فاهم كده
حاضر مش هازعل
والله حضرتك عسل
ربنا يديك الصحه ويكرمك يارب
نورتنى جدا
فى حفظ الله
حلم بيعافر
ربنا يرزقك الزوجه الصالحه
مهو مش عارف قيمه النعمه اللى فى ايده
ربنا يسعدك يارب
نورتنى
فى حفظ الله
ميمى
انتى كمان وحشتينى يا احلى ميمايا
يارب تكونى بخير يا قمر
ربنا يسعدك يارب
فى حفظ الله
دودو
وعليكم السلام ورحمه الله وبركاته
انا بخير الحمدلله يا قمر
سبحان الله وكمان بعد قصه حب
كان اعمى يعنى وفتح
مش عارفه اقول ايه والله
ربنا يسعدك يارب ويريح بالك
نورتينى
فى حفظ الله
نوستر
الله يكرمك يارب
ويبارك فيك
نورتنى فى اول زيارة للمدونه
وان شاء الله يدوم التواصل
فى حفظ الله
مدحت محمد
ونعم بالله
محدش عارف الخير فين
ربنا يكرمك يارب
نورتنى
فى حفظ الله
خواطر
اه موجوده وكتير كمان
ربنا كبير
يارب يسعدك ويكرمك يارب
نورتينى يا حبيبتى
فى حفظ الله
فكرة من الزمن ده
هههههههههههههههه معلش ياقمر
اوعى تتعقدى ابدا
ربنا يسعدك ويرزقك الزوج
الصالح يارب
نورتينى يا قمر
فى حفظ الله
سلمى
وعليكم السلام ورحمه الله وبركاته
ازيك يا حبيبتى
ونعم بالله ربنا يكرمك ويسعدك يارب
نورتينى
فى حفظ الله
م محمود فوزى
جزانا واياك يا هندسه
مش عارفه الصراحه دا انسان تفكيره سطحى
بعيد عنك وبعدين مهوش موضوع ملل
دا فراغه عين وبعد عن ربنااحد يكون ليه
مواصفات معينه فى الانسانه اللى يتمناها
بس ده وهو على البر انما كده يبقى قله عقل ودين
شكلنا بنرجع لعصر الجاهليه بصحيح
ربنا يكرمك يارب ياهندسه
نورتنى
فى حفظ الله
غير معرف
ربنا يكرمك يارب
نورتينى او نورتنى
فى حفظ الله
ريمان
مش عارفه بيفكر ازاى والله انا شايفه
السمار نص الجمال وبعدين شكله
كان اعمى وفتح
بعد الشر عليكى من حرقه الدم
ربنا يسعدك ويريح بالك يارب يا حبيبتى
نورتينى يا قمر
فى حفظ الله
السلام عليكم ورحمة الله
سيدتي
أشكر لك حضورك ولا أرانا الله مكروها في عزيز لديكم
السلام عليكم
دا قصر نظر وقله عقل
حد يعرف الخير فين !!
ودمتِ بخير حال
الف شكر على سؤالك
الامتحانات جامده قوى
ربنا يستر
عاملين فينا الهوايل فى الهندسه دى
ربنا يخليكى على سؤالك يا رانيا
الف الف شكر
بجد انا اسف انى مش باجى عندك
بس المذاكره واخدانى جدا
الف شكر تانى
السلام عليكم ورحمة الله وبركاتة
بوست جميل جداااا جداااا بس معلش كانت الالفاظ قوية شوية بس طبعا عارفين لية وعذرينك جدا علشان الغليان الى بتقولى علية بس احب اطمنك ان ربنا كريم بعبادة وان الله مع الصابرين ... وان شاء الله تصبر وربنا يكرمها بالاحسن بأذن الله سواء بزوج صالح او زرية تقر عينها او يأجل لها دة كلة فى الاخرة ان شاء الله ....
قوليلها ماتبكيش على حد سابها لانها دايما حاتكون كسبانه
دا مش راجل
دا طفل وعايز لعبة يلعب بها و بس
خليه يتنيل على خيبته
هى نسبة الخلافات والطلاق زادت من قليل
ما هو من عمايلهم الرجاله دول
بيبصوا على الشكل والمظهر وبيسيبوا الجوهر
هو ده اللى ماشى اليومين دول
ده من النادر انك تلاقى حد يفكر فى الجوهر ويبعد عن الالشكل واللون والمظهر
تحياتى يا قمر
محدش عارف الخير فين
وذى ما حضرتك نوهتى ان لو واحدة بيضة كانت عشته هتبقى عاملة ازاى؟1!
وقد يكون ظاهريا الموضوع سىء
ولكنه قد يحمله فى باطنه الخير الكثير
السلام عليكم
اولا ايه يابت الهيصه والحرقه دى
هههههههههههههههههههههههههههههه
اسف عارف انك منغاظه بس المثل بيقول عيال بتتجوز عيال يجيبوا عيال
دا البيحصل الان الجواز كده وخلاص علشان عاوز يجوز او علشان هى تتجوز
يمكن مش عارف اوصلك بس واحد شاف بنت عجبته اجوزها بعد يومين زهق لازم هايطلقها عارفه ليه
لانها اختارت غلط وهو كمان وابويها
ليه انتى رميتى كل حاجه على الولد
اعتقد انك بتشوفى البنات وكمية الكريمات والبودره لما البت بكون ايه ابيض من الصينى اكيد بعد الجواز هايشوفها من غير الحاجات دى هاينصدم ودا البيحصل عدم المصدقيه
وكمان الاب الواد مبسوط واهله مبسوطين بس من هنا بس مشفش الواد دا بيفكر ازاى راجل ولا عيل ايه نظامه
والبنت الواد شيك ومعاه فلوس وكده
والواد البنت حلوه وعجباه بس جسديا
ودى المشكله ومشكلة مجتمع للاسف
ربنا بيقول فيما معناه اذا جائكم من ترضون دينه وخلقه فزوجوه والا سيكون فساد فى الارض ياترى يارانيا احنا بنفكر كده لو جالك واحد رغاى دى سيئه ممكن تكون قصادها صيفات حسنه جديده هاتقبلى واعتقد زى مالبنت ليها الحق تختار الواد كمان من ناحية انه يطلقها علشان طلعت سمره يعنى مش عارف بس اكيد الواد دا اهبل او فلوس ابوه كتير ههههههههه للاسف البنت هى المسكينه على الرغم انها مخطئه لانها لم تحسن الاختيار او انها كانت تتجمل لحد ماتيجى الفاس فى الراس وبعدين مينفعش الخلاص بس اهوه بقى فيه مشكله للاسف
حزين بجد على حال الشباب للاسف لو كل واحد يعرف ان الجسد فانى وبيكون رمه اكيد هايبص على الروح التى تسمو ويعرف انها اهم من كل الفتن
مش عارف انتى جبتى القصه دى منين بس نصيحه من انسان متحكميش على اى حاجه الا لما تسمعى من الطرفين لانه ممكن هو كمان يكون عنده اسباب لكده مش كده ولا ايه مش عارف تعليقى هايكون رد فعلك عليه ايه بس انا مش مركز واكيد بسبب انى لسه راجع من السفر وعاوز انام بس بجد دى مشكله كبيره سلام
على فكرة أنا اللي مقصر في حق حضرتك جامد جدا و يا ريت تعصريني
معلش أنا جاي أقول مليون مبروك بل مليون مبروك
و عقبال النهائي اللي لازما و لا بد نعملها كلنا مع بعض و نكتب تدوينة نبارك لمصر فيها بعد المباراة
حسبى الله ونعم الوكيل
ايه ده
مش عارفة ليه انهاردة بقا فى شباب بيفكروا بالطريقة المتخلفة دى
يعنى اهم حاجة الاخلااق
لان الاخلاق هى الى بتصنع بيت
هى الى بتصنع اسرة
هى بتجيب سعادة
انا هاعتبرة بوست خيالى لأنى لو شكيت لحظه انه حقيقى هاتصدم صدمة كبيرة اوى ان ممكن يكون لسه فيه حد بيفكر كدا
عيب يااااااااااااااااض
بدون تعليق
يمكن دى اول مرة ادخل فيها المدونة تقريبا
ب الملكلام الموجود تحسي كدة انة طال من القلب على طول على الكيبورد اترجم و حروفة بدئت تدخل القلب برض ة على طووول عشان كدة تحسي انها منها
التعليق بتاعي زي ما قال عادل امام ف الفيلم لابنة امك منخريها قبل الجواز كانت كبيرة ( و بعد الجواز قال اية صغرت ))
اكيد الاهمال من البنات بعد الجواز لانهم بيبانوا على طبيعتهم حاجة كدة ف السكرتة انتظروها عندي قريبا ههههههههههههه
صباااااااااااح حير طير لاحلى رانيا
وحشاانى كتيير
اخبااارك ايه
دعواااتك بجد نفسى اجيب تقدير السنة دى
وابقى طمنينى عليكى
توتى مرت من هنا وستعد ثااااااانيا ههههه
لا اله الا الله
السلام عليكم ورحمة الله وبركاتة
اخبارك اية
ربنا يطمنا عنك
وربنا يكرمك يارب والمسلمين ويبعد عنك كل سوءءءءءءءءءء اللهم امين
السلام عليكم ورحمة الله وبركاته...
بجد حسبي الله ونعم الوكيل في كل ظالم ومفتري عليهم ربنا
ربنا معاها ويواسيها في خداعها في اعز واقرب الناس ليها ربنا يصبرها
تحياتي
انا برضة مش بحب الرجالة الى من النوعية دى دة ربنا اوصانا بالنساء خيرا ق ص(استوصوا بالنساء خيرا فانهم عوان عندكم استحللتم فروجهن بكلمة من الله)ودة كان فى خطبة الوداع... ق ص (رفقا بالقاوارير)والرسول ص كان خير مثال وقدوة على المعاملة الحسنة من قبل الراجل للست.... ربنا يهدى كل عاصى ويصبر كل انسان على مابلاه
تحياتى ليكى على احساسك العالى
فهمت انها بنوتةرقيقة جدااا وشفافة جدا ..
ادى اللى فهمته فهمتى انتى بقى D:
يالا ارجعى فهمينى اللى فهمتهمولك D:
دمتِ بخير ..
أولا واضخ يا رانيا أنك بتحبى المطر جدا جدا..وثانيا بتحبى البنت اللى بتوصفيه
و ثالثا فى كذا جملة ينفعوا بداية قصة جامدة جدا و رابعا معلش إنى مكنتش بعلق الفترررة اللى فاتت دى
...............وحشتونى كلكم..
السلام عليكم
وفقكى الله حبيبتى
دمتى فى رعايه الله