ليس فقيرا من يحب

حفل توقيع كتاب هل تبحث عن السعاده + بنك دم المدونين

By ليس فقيرا من يحب on 11:16 م

Filed Under:

السلام عليكم

ازيكم يا عيال يارب تكونو بالف خير جميعا

طبعا محمد غاليه اخوكم وصاحبكم واخويا انا شخصيا وكفاءة

غنى عن التعريف ومدونته هل تبحث عن السعاده

النهارده انا جايه اعزمكم على حفله توقيع اول كتاب لمحمد

ل تبحث عن السعاده ياريت كل اللى يقدر وظروفه تسمح يروح

طبعا يا محمد يعلم ربنا ظروفى فمش ينفع اجى بس ان شاء الله

اكون فى حفله توقيع الكتاب التانى والعاشر

والمائه ويارب كده من نجاح لنجاح ودايما رافع راسنا نحن اخواتك من المدونين

تتشرف دار المصري للتشر بدعواتكم لحضور حفل توقيع

كتاب هل تبحث عن السعادة للكاتب محمد غالية بمكتبة

عرابى المهندسين وذلك يوم يالسبت الموافق 3/7/2010

فى تمام الساعة السادسة مساء

يلا اجرو روحو عند محمد فى الرابط ده وقولوله انكم رايحين وهتشدو

من ازره الا بالمناسبه ايه نشد من ازره دى ههههههههههههه

http://mohghalia.blogspot.com/2010/06/blog-post_27.html

الف مبروووووووووووك يا محمد وبالتوفيق يارب

ملحوووووووظه كبيرة

فى فكرة لمشروع خيرى اسمه بنك دم المدونين كل تفاصيلها

عند اخونا رحله البحث فى الرابط ده

http://searchjourney.blogspot.com/2010/06/bloggers-blood-bank-2nd-post.html

ياريت ندخل ونشوف تفاصيل الموضوع وكل اللى عنده اقتراح او

يقدر يساعد ميبخلش ربنا يسعد قلوبكم جميعا وييسر اموركم

اقعدو بالعافيه مع السلام عليكم

همسات حائرة

By ليس فقيرا من يحب on 10:49 م

التعليقات (38)

Filed Under:

السلام عليكم ورحمه الله وبركاته

ازيك يا ناس يا طيبين

وحشتوووووووووووووونى

ومقصرة جداااااااااااا معاكم انا عارفه

(وش مكثووووووووووووووف )

سامحونى وادعولى اطلع من حاله البله اللى بقيت فها دى

وارجعععععع اصدعكم من تاااااااااااااانى يارب تكونو بالف خير

ودى خاطرة باينلها رومانسيه ولا ايه

قولو رأيكم فيها بكل صراحه ومجامله هههههههه

همسات حائرة

وأسأل نفسى ليه باحبه

وليه روحى بتجرى عليه

وليه باتمنى اعيش جنبه

وليه نفسى يسكنى يوم جوة عنيه

...........

واسأل نفسى

ليه مش قادرة عنه ابعد

ولا قادرة فى يوم اقرب

وليه قلبى بيوجعنى

عشانه وحيد ومتغرب

..........

وأسأل نفسى ليه قلبى بقى انانى

وليه الغيرة قتلانى

وليه عيزاه ليا لوحدى

وميكونش لحد تانى

..........

وبتمنى سعات وسعات

لو يقف الزمن لحظات

ادوب فى دماه واسكن قلبه

وامحى من عقله وتفكيره كل اللى فات

..........

وأسأل نفسى ألف سؤال

ليه كل ده بيجرالى

ولا عمره خطر على بال

وليه بين لحظه والتانيه اتبدل حالى

وبسأل وامتى يجى اليوم ويجاوبلى على سؤالى

بسسس خلثثثثثثثثثثثت

حلوة ولا ملتوته

وحشتونى ياعياااااااااال

وسامحونى على غلاستى وتقصيرى

ملحوووووووووووظه كبييييييييييييييييرة

فى حمله للتبرع بالدم تفاصيلها عند اختنا خيخه

فى الرابط ده

http://nouranelshamly.blogspot.com/2010/06/blog-post_20.html

اقعدو بالعافيه مع السلام عليكم

عيد ميلاد قمر العيله+تحديث

By ليس فقيرا من يحب on 12:00 ص

التعليقات (64)

Filed Under:

تحديث هاااااااااااام جدا

اختى العسوله الامورة صرصارة اكلت وشى وزعلانه جدا انى مش

احتفلت بعيد ميلادها ال 16 واللى كان موافق يوم 1/5 اللى فات

حقك عليا يا جميل انشغلت عنك

كل سنه وانتى طيبه يا عسل وعقبال 100 سنه وانتى عماله

تطلعى فى عنينا وتفترى علينا ههههههههههههههههههههه

بالمناسبه بقى يا سرسرورة خشى الهى يسترك شطبى المطبخ

وامسحيه ينوبك ثواب

ها تقدرى تعترضى

لسه عملالك عيد ميلاد على المدونه اهوه

ههههههههههههههههههههههههههههه

وادى التورته بتاعتك يا قمرى

الف هنا للى يتفرج ههههههههههههههههه

خلص التحديث

سنه و10 شهور عدو وكانهم عمر تانى وكأن الشهور والايام والدقايق

والثوانى بقت مضاعفه

ما يقرب من سنتين عدو فى بعدك وصدقنى مرهم اكتر بكتير قوى من فرحهم

حاجات حلوة قوى ضاعت وناس من اغلى الناس فارقونا من غير اى احتمال

اننا نشوفهم مرة تانيه

تعرف ان كل الدنيا اتلغبطت فى بعضها من يوم ما مشيت وبقى الفرح عمله نادرة قووى

وتعرف ان كل مناسبه عدت علينا سواء حلوة او وحشه مكنش ليها اى معنى فى غيابك

وعارف كمان انى بجد استحاله افرح غير لما ارجع احضنك من تانى واتخانق معاك من تانى

واغلس عليك من تانى ونتجمع ونقعد كلنا مع بعض ناكل ونهزر ونتكلم على سرير ابوك

واللى كنت باتعجب ازاى شايل كل البشر دى مع بعض ومحصلوش حاجه

اقولك على سر يا محمد انا كنت ومازلت باستمد منك قوتى وباحس كده انك

ضهر قوى الواحد يتسند عليه وميخفش من اى حاجه فى الدنيا ولما حد

يزعلنى اول حد اجرى عليه هو انت واسيبك تقنعهم

عارف يامحمد ان كلهم بيقولوا عليك اعقل واحد فينا وبيقتنعوا بكلامك قوى

مع انى متأكده ان مفيش فى العيله حد عاقل اصلا ههههههههههههههه

وحشتنى قوى يا محمد وحشتنى قووووووووووى

وحشتنا قووووووووووووى

بعد الرغى اللى فوق ده كله احب اقولكم هذا النبأ الهام

النهارده محمد على اخويا وحبيبى وكفاءة بيتم 23 سنه

كل سنه وانت اطيب واحن الناس

كل سنه وانت بالف سعاده وراحه بال وهنا

كل سنه وانت محقق كل احلامك وفرحان

ويارب كده بعد شويه نونو افرح بيك وبا ابو على وانتو عرسان

هتكونو احلى عرسان بجد وبعد ما تبقو عرسان بشويه نونو

تملو الدنيا رانيات صغيرين ههههههههههههههههه

يا اخواااااااااااااااااااتى ماشاء الله قمررررررررررررررررررررررررر

بتفكر فى ايه يا عمرى اكيد بتفكر

تجيبلى ايه هديه لما ترجع ان شاء الله هع هع هع

واخيرا يا حماده احب اقولك

عايز محبتك فى قلبى تزيد

عايزنى افتكرك وانت بعيد

اجرى على الويسترن يونيون وحولى رصيد هههههههههههههههههههههههههههههه

وحشتنى وحياتنا من غيرك وحشه قوووووووى كفايه غربه ياااااااااااااض

وادى التورته الف هنا

اقعدو بالعافيه مع وحشتووووووووووووووووووووونى والسلام عليكم

الطريق الى عتليت+هل تبحث عن السعاده

By ليس فقيرا من يحب on 10:00 م

التعليقات (20)

Filed Under:

السلام عليكم ورحمه الله وبركاته

ازيكم يا ناس يا طيبين وازى اخباركم يارب تكونو بالف خير

البوست ده تلبيه لدعوة المهندس محمد على صاحب مدونه تخاريف ابوالعريف

والاستاذ سيد عبد الرازق صاحب مدونه قلم رصاص

وفيه المفروض نطالب بحق اسرانا المصريين ضحايا 1956و1967و1973

ضحايا بشاعه وعنف ووحشيه الصهاينه حيث قتل الاسرى رميا بالرصاص

ودهسا بالدبابات وباعترافاتهم وفى مذكراتهم الشخصيه

بكل صراحه انا مش باعرف اتكلم كلام كبير كده ومترتب ومنظم بس اعرف اقول اللى حسه بيه

دى مش اول انتهاكات الصهاينه كل يوم وعنف اسرائيل ووحشيتها فى تفشى وزياده

بدات بفلسطين سنه 1948

ولحد دلوقتى اولادى فى فلسطين وابائى بيعانو ودماء اخواتى بتنزف

حيوانات وكلاب ضاله وشارده منذ البدايه

ممارسات ساديه ووحشيه لا تصدر الا من اسرائيل ذلك الكيان الغاصب

طبعا حكومتنا عامله ودن من طين والتانيه من عجين

الناس دى اعدائنا وهيفضلوا اعدائنا مش ممكن يوم هننسى ده

ومفيش حاجه اسمها تطبيع ولا سلام مع القتله والهمجيين دول

واحنا لينا حق ولازم يوم ناخده

الدعوة انطلقت من مدونه الدكتورة ستيته

http://mosh3arfa7aga.blogspot.com/2010/05/blog-post_15.html

حاولت انزل مجموعه فيديوهات سرى للغايه (الطريق لعتليت ) مش عرفت لكن هتلاقوها تقريبا كلها

عند اخونا محمد صلاح مدونه راجل تحت الصفر

http://taht-alsefr.blogspot.com/2010/05/blog-post_16.html

ومدونه اخونا سيد قلم رصاص

http://2lamrosas.blogspot.com/2010/05/blog-post_16.html

واختم بالجمله دى ماضاع حق ورائه مطالب مع انى بصراحه مش مقتنعه بيها الشويه دول

وطبعا لازم امرر الدعوة ل 10 مدونين علشان باذن الله الدعوة تلاقى صدى

يمكن فى يوم حاجه تتغير اللى موجه ليهم الدعوة اخواتى اصحاب مدونات

احمد الصعيدى

طهر فؤادك

بالحب اتجمعنا

انسان عادى

حلم لسه ماستسلمش

امه الله

الشاعر الحزين

المهندس

واحد من العمال

حياه بكل ما فيها

شوكلاته

امرأه من ثلج

تنويه هاااااااااااااام

اخونا الغالى محمد غاليه صاحب مدونه هل تبحث عن السعاده يبدأ او انطلاقاته فى عالم الكتابه والطبع

بكتاب هل تبحث عن السعاده

حاليا بالمكتبات

البلد

عمر بوك استورز

سندباد

سنابل

ليلى

حنين

مدبولى

ادم المعادى

الكتب خان المعادى

مدبولى البحوث

فرشة قصر النيل

بوك اند بينز المنصورة

جارى استكمال التوزيع وقريبا بجميع مكتبات القاهرة وباقى المحافظات
ومكتبات الشروق وديوان

الف مبروك يا محمد وبالتوفيق دايما يارب

اقعدوا بالعافيه مع السلام عليكم

اسمحلى

By ليس فقيرا من يحب on 9:14 م

التعليقات (48)

Filed Under:

السلام عليكم

ازيكم يا عيال وازى اخباركم يارب تكونو بالف خير مش هعتذر

على التقصير معاكم عشان انا بجد غلسه ومعنديش عذر بس هى

حاله ملل بايخه وشويه احباط ومش عارفه هتروح من عندى امتى

بس وحشتونى بجد عموما خدوا الخاطرة الرومانسيه تطرى الجو شويه

اسمحلى سيدى واميرى والملك المتوج على عرش قلبي أن أخطفك

من عالمك القاسي الجاف وألمه وعذابه وان احلق بك عاليا فوق

سماء مملكتي الجميلة

اسمحلى أن اصطحبك لعالمي السحري

عالمي الخيالي

عالمي المجنون

اسمحلى أن أنسيك الدنيا بكل همومها وإحزانها

اسمحلى أن أغوص داخل أعماق نفسك وأعيد هيكلتها من جديد

فاغتصب كل الهموم وأحررك من كل معاني القسوة ومن كل مسحات العذاب

اسمحلى أن أهديك نفسا حنونة هادئة متفائلة لاترى من الدنيا إلا الجانب المشرق

اسمحلى سيدى أن ننصهر ونذوب معا ونتحول لكيان واحد

اسمحلى أن أتنسم عبير أنفاسك

اسمحلى عشيقي ورفيقي أن أذوب في كل خليه من خلايا جسدك

اسمحلى أن احتل كل فكرة داخل عقلك

اسمحلى أن اشعر بكل نبضه من نبضات قلبك

اسمحلى فقربك هو سر الحياة

أعشقك يا سيدى ولن أتنازل عنك

اعشقك

اقعدوا بالعافيه مع السلام عليكم

الحقوووووووووووووووووووونى+تحديث

By ليس فقيرا من يحب on 10:10 م

التعليقات (64)

Filed Under:

السلام عليكم ورحمه الله وبركاته

ازيكم يا حبايب قلبى يا اطيب واغلى الناس

اخباركم ايه والله العظيم بجد باحس ان ليا عيله تانيه

ناس جدعه وطيبه وقلبها صافى فعلا جربت معاكو

احساس الحب من غير اى مصلحه ولا اى غرض

وعشان كده عايزة اقولكم

انى احبكم فى الله

انا جايه النهارده احتفل معاكو باعياد ميلاد كتيييييييييييير

طبعا الراس الكبيره فى الحفله دى هيا انا واعوذ بالله من قوله انا

خلااااااااااااااص للاسف الشديد ولسوء الحظ وللحظ المهبب المقندل

خلصت عامى 23 ودخلت فى عامى 24 اعااااااااااااااااااااااااااااااااااااا

سيبونى اعيط محدش يسكتنى ولا يهدينى

عينى عليكى يا رانيا اهىء اهىء اهىء

ليه بس كده باقيلى 36 سنه بس واطلع على المعاش

اهىء اهىء ههههههههههههههههههههههههههههههههه

اما بخصوص الروس التانيه فنبدأ ب

ست الكل مامتى 3/3

عادل البلد دى فيها حكومه 7/3

انوسه ابتسامه ملاك 17/3

ابوعلى اخويا حبيبى 20/3

محمد غاليه 25/3

محمد على ابو العريف 30/3

تحديث

انا مقدرش على زعل حنين القلب وكله الا عمورة اهو هو ده بقى الراس الكبيرة

ربنا يخليهولك ويفرحك بيه وبولاده باذن الله

عمر ابن حنين القلب عنده 28 يوم بس عقبال 100 سنه يارب

واللى نسيت اسمه ليه عندى قعده عرب ويجى يقولى وانا هاحتفله

عاملالكم اوبن بوفيه يجنننننننننننننننننننننننننن

محدش يتكسف احنا كلنا اخوات كله يمد ايده وياكل

الف هنا وشفا على قلبكم جميعاااااا

سيبكوا بقى من الرسميات والتورتات والحاجات دى وادخلوا باسم الله

ادى الفووووول

وادى سلطه الطحينه

وادى الكباب قصدى الطعميه

وادى سلطه خضرا

والبتنجان حبيب قلبى

يلا خشوا على التحابيش والمخلل افتحوا البرطمانات وكلو مش تتكسفوا

وادى البطاطسسسسسسسسسس

ولو حد عايز كشرى بالدقه يتفضل الف هنا

نخش على الخضااااااااااار وادى الخس

قزقزوا فى الفول الاخضر

وادى جرجير

وده بقى جوعضيض للى يحب برده هههههههههههههههههههههه

والعيش بنار الفرن مدوا ايديكم بس امانه عليكو تجمعوا المسامير لاحسن دى عهده هههههههه

وعمرى ما كنت هاحتفل بالمناسبه دى من غير شوربه العدس مش تتكسفوا دى تجننننننننننن

ونخش على المشروبات وادى كركديه بس الصراحه جوجل بخيل جابلى كوبايه واحده ممكن تجيبوا من جوجل عادى هههههههههههههههههه

والحلبه مع انى معرفش هيا عامله فيها بنت ناس ليه

مش شبه الحلبه الحصا بتاعتنا بس جوجل قالى دى حلبه

وادى الشاى معمول على الراكيه وحبر كمان

وادى بلح الشام تحلوا بيه

وادى شويه برتقان عشان ابقى خلصت ضميرى انتشروا فيهم بقى

ههههههههههههههههههههههههههههههههههههههه

متزعلوش يا عيال اكيد كنتو جايين مفكرين الجاتوه للركب

معلش بقى عيد ميلاد شعبى لوكاااااااال هههههههههههههههههههههههههههه

كل عام وانتم الى الله اقرب

يلا بقى عايزة هدايا كتيييييييييييييييييييييييير

اقعدوا بالعافيه مع السلام عليكم

القدس تنادى (لا لتهويد القدس)

By ليس فقيرا من يحب on 7:46 م

التعليقات (27)

Filed Under:

السلام عليكم ورحمه الله وبركاته

ازيك يا ناس يا طيبين يارب تكونوا بخير جميعا البوست ده مشاركه فى حمله

لا لتهويد القدس واللى نادى بيها اخونا طهر فؤادك ربنا يكرمه ويجازيه كل خير

ويجعل جهده وجهد اى حد يشارك فى ميزان حسناته ببساطه الناس البعدا من

الصهاينه ربنا يشتت شملهم ويجعل كيدهم فى نحورهم ضموا مسجد بلال ابن رباح

فى بيت لحم والحرم الابراهيمى فى الخليل لقائمه التراث اليهودى دا غير الحفريات

اللى شغاله فى المسجد الاقصى واللى بتهدد اساسات المسجد وتهدد بسقوط اجزاء منه

محاولات لا تنتهى لتهويد القدس تهويد اراضيها وتهويد سكانها ومحاولات لهدم

المسجد الاقصى وبناء هيكلهم المزعوم

تفاصيل الحمله عند اخونا طهر فؤداك على الرابط ده

http://rasoulallah1.blogspot.com/2010/03/blog-post.html

ومعلومات اكتر عن القدس عند اخونا محمود فوزى فى الرابط ده

http://egyptandworld2.blogspot.com/2010/03/blog-post_06.html

ياريت كلنا نشارك فى الحمله ومنقولش ان البوست اللى هنكتبه ملهوش فايده

علشان يكفينا ثواب النيه ويكفينا اننا نفسنا الحال يتغير لو حتى باقل حاجه

اللهم أعز الإسلام والمسلمين وأذل الشرك والمشركين ودمّر أعداء الدين

واحمِ حوزة الإسلام واجمع كلمة المسلمين على الحق يا رب العالمين .

اللهم انصر دينك , وكتابك , وسنة نبيّك , وعبادك الموحدين .

اللهم أعد المسجد الأقصى لرحاب المسلمين , اللهم طهّره من اليهود الغاصبين

اللهم عليك بهم فإنهم لا يعجزونك يا قوى يا عزيز .

اللهم مُنزل الكتاب مُجرى السحاب هازم الأحزاب سريع الحساب

اهزمهم وزلزلهم يا قوى يا عزيز يا وهّاب.

اللهم آمين يا رب العالمين

القدس تنادى

القدس بتصرخ وتنادى

طهروا يا رجال كل الوادي

من كل خسيس من كل دنييء

بالشر بيخبط على بابي

حرروا يا رجال بلد الأقصى

واظهروا ليهم امجادى

وقولولهم مهما نفوذكم طال

بالخيبة هتخرجوا من بلادي

وهتعودى يا قدس أبيه

وتكيدي كل الاعادى

والسلام عليكم ورحمه الله وبركاته