ليس فقيرا من يحب

الطريق الى عتليت+هل تبحث عن السعاده

By ليس فقيرا من يحب on 10:00 م

Filed Under:

السلام عليكم ورحمه الله وبركاته

ازيكم يا ناس يا طيبين وازى اخباركم يارب تكونو بالف خير

البوست ده تلبيه لدعوة المهندس محمد على صاحب مدونه تخاريف ابوالعريف

والاستاذ سيد عبد الرازق صاحب مدونه قلم رصاص

وفيه المفروض نطالب بحق اسرانا المصريين ضحايا 1956و1967و1973

ضحايا بشاعه وعنف ووحشيه الصهاينه حيث قتل الاسرى رميا بالرصاص

ودهسا بالدبابات وباعترافاتهم وفى مذكراتهم الشخصيه

بكل صراحه انا مش باعرف اتكلم كلام كبير كده ومترتب ومنظم بس اعرف اقول اللى حسه بيه

دى مش اول انتهاكات الصهاينه كل يوم وعنف اسرائيل ووحشيتها فى تفشى وزياده

بدات بفلسطين سنه 1948

ولحد دلوقتى اولادى فى فلسطين وابائى بيعانو ودماء اخواتى بتنزف

حيوانات وكلاب ضاله وشارده منذ البدايه

ممارسات ساديه ووحشيه لا تصدر الا من اسرائيل ذلك الكيان الغاصب

طبعا حكومتنا عامله ودن من طين والتانيه من عجين

الناس دى اعدائنا وهيفضلوا اعدائنا مش ممكن يوم هننسى ده

ومفيش حاجه اسمها تطبيع ولا سلام مع القتله والهمجيين دول

واحنا لينا حق ولازم يوم ناخده

الدعوة انطلقت من مدونه الدكتورة ستيته

http://mosh3arfa7aga.blogspot.com/2010/05/blog-post_15.html

حاولت انزل مجموعه فيديوهات سرى للغايه (الطريق لعتليت ) مش عرفت لكن هتلاقوها تقريبا كلها

عند اخونا محمد صلاح مدونه راجل تحت الصفر

http://taht-alsefr.blogspot.com/2010/05/blog-post_16.html

ومدونه اخونا سيد قلم رصاص

http://2lamrosas.blogspot.com/2010/05/blog-post_16.html

واختم بالجمله دى ماضاع حق ورائه مطالب مع انى بصراحه مش مقتنعه بيها الشويه دول

وطبعا لازم امرر الدعوة ل 10 مدونين علشان باذن الله الدعوة تلاقى صدى

يمكن فى يوم حاجه تتغير اللى موجه ليهم الدعوة اخواتى اصحاب مدونات

احمد الصعيدى

طهر فؤادك

بالحب اتجمعنا

انسان عادى

حلم لسه ماستسلمش

امه الله

الشاعر الحزين

المهندس

واحد من العمال

حياه بكل ما فيها

شوكلاته

امرأه من ثلج

تنويه هاااااااااااااام

اخونا الغالى محمد غاليه صاحب مدونه هل تبحث عن السعاده يبدأ او انطلاقاته فى عالم الكتابه والطبع

بكتاب هل تبحث عن السعاده

حاليا بالمكتبات

البلد

عمر بوك استورز

سندباد

سنابل

ليلى

حنين

مدبولى

ادم المعادى

الكتب خان المعادى

مدبولى البحوث

فرشة قصر النيل

بوك اند بينز المنصورة

جارى استكمال التوزيع وقريبا بجميع مكتبات القاهرة وباقى المحافظات
ومكتبات الشروق وديوان

الف مبروك يا محمد وبالتوفيق دايما يارب

اقعدوا بالعافيه مع السلام عليكم

اسمحلى

By ليس فقيرا من يحب on 9:14 م

التعليقات (48)

Filed Under:

السلام عليكم

ازيكم يا عيال وازى اخباركم يارب تكونو بالف خير مش هعتذر

على التقصير معاكم عشان انا بجد غلسه ومعنديش عذر بس هى

حاله ملل بايخه وشويه احباط ومش عارفه هتروح من عندى امتى

بس وحشتونى بجد عموما خدوا الخاطرة الرومانسيه تطرى الجو شويه

اسمحلى سيدى واميرى والملك المتوج على عرش قلبي أن أخطفك

من عالمك القاسي الجاف وألمه وعذابه وان احلق بك عاليا فوق

سماء مملكتي الجميلة

اسمحلى أن اصطحبك لعالمي السحري

عالمي الخيالي

عالمي المجنون

اسمحلى أن أنسيك الدنيا بكل همومها وإحزانها

اسمحلى أن أغوص داخل أعماق نفسك وأعيد هيكلتها من جديد

فاغتصب كل الهموم وأحررك من كل معاني القسوة ومن كل مسحات العذاب

اسمحلى أن أهديك نفسا حنونة هادئة متفائلة لاترى من الدنيا إلا الجانب المشرق

اسمحلى سيدى أن ننصهر ونذوب معا ونتحول لكيان واحد

اسمحلى أن أتنسم عبير أنفاسك

اسمحلى عشيقي ورفيقي أن أذوب في كل خليه من خلايا جسدك

اسمحلى أن احتل كل فكرة داخل عقلك

اسمحلى أن اشعر بكل نبضه من نبضات قلبك

اسمحلى فقربك هو سر الحياة

أعشقك يا سيدى ولن أتنازل عنك

اعشقك

اقعدوا بالعافيه مع السلام عليكم

الحقوووووووووووووووووووونى+تحديث

By ليس فقيرا من يحب on 10:10 م

التعليقات (64)

Filed Under:

السلام عليكم ورحمه الله وبركاته

ازيكم يا حبايب قلبى يا اطيب واغلى الناس

اخباركم ايه والله العظيم بجد باحس ان ليا عيله تانيه

ناس جدعه وطيبه وقلبها صافى فعلا جربت معاكو

احساس الحب من غير اى مصلحه ولا اى غرض

وعشان كده عايزة اقولكم

انى احبكم فى الله

انا جايه النهارده احتفل معاكو باعياد ميلاد كتيييييييييييير

طبعا الراس الكبيره فى الحفله دى هيا انا واعوذ بالله من قوله انا

خلااااااااااااااص للاسف الشديد ولسوء الحظ وللحظ المهبب المقندل

خلصت عامى 23 ودخلت فى عامى 24 اعااااااااااااااااااااااااااااااااااااا

سيبونى اعيط محدش يسكتنى ولا يهدينى

عينى عليكى يا رانيا اهىء اهىء اهىء

ليه بس كده باقيلى 36 سنه بس واطلع على المعاش

اهىء اهىء ههههههههههههههههههههههههههههههههه

اما بخصوص الروس التانيه فنبدأ ب

ست الكل مامتى 3/3

عادل البلد دى فيها حكومه 7/3

انوسه ابتسامه ملاك 17/3

ابوعلى اخويا حبيبى 20/3

محمد غاليه 25/3

محمد على ابو العريف 30/3

تحديث

انا مقدرش على زعل حنين القلب وكله الا عمورة اهو هو ده بقى الراس الكبيرة

ربنا يخليهولك ويفرحك بيه وبولاده باذن الله

عمر ابن حنين القلب عنده 28 يوم بس عقبال 100 سنه يارب

واللى نسيت اسمه ليه عندى قعده عرب ويجى يقولى وانا هاحتفله

عاملالكم اوبن بوفيه يجنننننننننننننننننننننننننن

محدش يتكسف احنا كلنا اخوات كله يمد ايده وياكل

الف هنا وشفا على قلبكم جميعاااااا

سيبكوا بقى من الرسميات والتورتات والحاجات دى وادخلوا باسم الله

ادى الفووووول

وادى سلطه الطحينه

وادى الكباب قصدى الطعميه

وادى سلطه خضرا

والبتنجان حبيب قلبى

يلا خشوا على التحابيش والمخلل افتحوا البرطمانات وكلو مش تتكسفوا

وادى البطاطسسسسسسسسسس

ولو حد عايز كشرى بالدقه يتفضل الف هنا

نخش على الخضااااااااااار وادى الخس

قزقزوا فى الفول الاخضر

وادى جرجير

وده بقى جوعضيض للى يحب برده هههههههههههههههههههههه

والعيش بنار الفرن مدوا ايديكم بس امانه عليكو تجمعوا المسامير لاحسن دى عهده هههههههه

وعمرى ما كنت هاحتفل بالمناسبه دى من غير شوربه العدس مش تتكسفوا دى تجننننننننننن

ونخش على المشروبات وادى كركديه بس الصراحه جوجل بخيل جابلى كوبايه واحده ممكن تجيبوا من جوجل عادى هههههههههههههههههه

والحلبه مع انى معرفش هيا عامله فيها بنت ناس ليه

مش شبه الحلبه الحصا بتاعتنا بس جوجل قالى دى حلبه

وادى الشاى معمول على الراكيه وحبر كمان

وادى بلح الشام تحلوا بيه

وادى شويه برتقان عشان ابقى خلصت ضميرى انتشروا فيهم بقى

ههههههههههههههههههههههههههههههههههههههه

متزعلوش يا عيال اكيد كنتو جايين مفكرين الجاتوه للركب

معلش بقى عيد ميلاد شعبى لوكاااااااال هههههههههههههههههههههههههههه

كل عام وانتم الى الله اقرب

يلا بقى عايزة هدايا كتيييييييييييييييييييييييير

اقعدوا بالعافيه مع السلام عليكم

القدس تنادى (لا لتهويد القدس)

By ليس فقيرا من يحب on 7:46 م

التعليقات (27)

Filed Under:

السلام عليكم ورحمه الله وبركاته

ازيك يا ناس يا طيبين يارب تكونوا بخير جميعا البوست ده مشاركه فى حمله

لا لتهويد القدس واللى نادى بيها اخونا طهر فؤادك ربنا يكرمه ويجازيه كل خير

ويجعل جهده وجهد اى حد يشارك فى ميزان حسناته ببساطه الناس البعدا من

الصهاينه ربنا يشتت شملهم ويجعل كيدهم فى نحورهم ضموا مسجد بلال ابن رباح

فى بيت لحم والحرم الابراهيمى فى الخليل لقائمه التراث اليهودى دا غير الحفريات

اللى شغاله فى المسجد الاقصى واللى بتهدد اساسات المسجد وتهدد بسقوط اجزاء منه

محاولات لا تنتهى لتهويد القدس تهويد اراضيها وتهويد سكانها ومحاولات لهدم

المسجد الاقصى وبناء هيكلهم المزعوم

تفاصيل الحمله عند اخونا طهر فؤداك على الرابط ده

http://rasoulallah1.blogspot.com/2010/03/blog-post.html

ومعلومات اكتر عن القدس عند اخونا محمود فوزى فى الرابط ده

http://egyptandworld2.blogspot.com/2010/03/blog-post_06.html

ياريت كلنا نشارك فى الحمله ومنقولش ان البوست اللى هنكتبه ملهوش فايده

علشان يكفينا ثواب النيه ويكفينا اننا نفسنا الحال يتغير لو حتى باقل حاجه

اللهم أعز الإسلام والمسلمين وأذل الشرك والمشركين ودمّر أعداء الدين

واحمِ حوزة الإسلام واجمع كلمة المسلمين على الحق يا رب العالمين .

اللهم انصر دينك , وكتابك , وسنة نبيّك , وعبادك الموحدين .

اللهم أعد المسجد الأقصى لرحاب المسلمين , اللهم طهّره من اليهود الغاصبين

اللهم عليك بهم فإنهم لا يعجزونك يا قوى يا عزيز .

اللهم مُنزل الكتاب مُجرى السحاب هازم الأحزاب سريع الحساب

اهزمهم وزلزلهم يا قوى يا عزيز يا وهّاب.

اللهم آمين يا رب العالمين

القدس تنادى

القدس بتصرخ وتنادى

طهروا يا رجال كل الوادي

من كل خسيس من كل دنييء

بالشر بيخبط على بابي

حرروا يا رجال بلد الأقصى

واظهروا ليهم امجادى

وقولولهم مهما نفوذكم طال

بالخيبة هتخرجوا من بلادي

وهتعودى يا قدس أبيه

وتكيدي كل الاعادى

والسلام عليكم ورحمه الله وبركاته

دمعه حائرة

By ليس فقيرا من يحب on 4:32 م

التعليقات (89)

Filed Under:

في عيناي دمعه حزينة حائرة

وفى قلبي جروح عميقة غائرة

أود أن اهرب ولكن إلى أين

انى محاصرة

من الهم والأحزان قلبي يعتصر

سأموت كمدا وحزنا

اشعر انى احتضر

ياالهى عطفك كبير

ولسوف انتظر

كل سنه وانتم طيبين يارب بمناسه المولد النبوى الشريف

ويارب تكونوا جميعا بالف خير

اللهم صلى على سيدنا محمد بقدر حبك فيه

اللهم صلى على سيدنا محمد ابن عبدالله ماضاقت الا وفرجها الله

اللهم صلى على سيدنا محمد عدد من صلى عليه وعدد من لم يصلى عليه

اللهم صلى على سيدنا محمد صلاه الرضا وارضى عن اله واصحابه كل الرضا

عليه افضل الصلاه والسلام

السلام عليكم

مبرووووووووووك

By ليس فقيرا من يحب on 5:36 م

التعليقات (117)

Filed Under:

السلام عليكم

طبعا انا جايه النهارده احتفل معاكو بيوم الحب

بس مش الحب اللى فى دماغكم

لااااااااااااااا والف لا ااااااااااااااااااااا

ده حب تانى خااااااااااااااااالث خاااااااااااااااااااالث

مع انى مخبيش عليكم هاتجنن ويجيلى دبدوب ابيض كبييييييييييير

وماسك قلب احمر فى يوم الحب بس الصراحه لسه الحلم ده مش اتحقق

ادعوا بقى يا عيال انه يتحقق وابن اللذينا ييجى بقى ويجيبهولى

الموهم

علشان مارغيش كتير

انا جايه ابارك لاخويا وحبيبى وصاحبى وكفاءه حسن ابوعلى

علشان أخد تأجيل من الجيش الحمدلله مليووووووووووون مبروك

ياابو على يا غالى يا أحن وأرق وأغلى واحلى ابوعلى فى العالم

يارب يسعدك يارب لما الدنيا تستعجب لسعدك وهناك انت ومحمد

واشوفكوا بقى فى الكوشه ان شاء الله انا طبعا فرحانه لابوعلى

فرحه مضاعفه مش علشان هو صاحبى ومخزن اسرارى وصديقى

الصدوق بس انما علشان هو دايما بيجيبلى كل جديد فى دنيا المصاصات

والشوكلاته والسوماتش ومحدش يقول همى على بطنى

هههههههههههههههههههههههههههه

بحبك يا ابوعلى وفرحانه ليك فوق ما تتخيل

وطبعا انا كنت نادرة لو اخدت تأجيل اضربلك نار فهأنتهز الفرصه

واضربها هنا فى المدونه يلا بسرعه كل واحد ياخدله ساتر

طووووووووووووووى طوووووووووووى طووووووووووى

ههههههههههههههههههههههههههههههههه

وطبعا بما انى مش اعرف ازغرط فى الحقيقه

لكن زغروتى على الكيبورد تجنننننننننن

ادى زغروطه هههههههههههههههه

لولولولولولولولولولولولولولولولولوللى

يلا يا عيال النهارده اوبن داى اضربوا براحتكم وكل اللى نفسه فى حاجه

ياخدها من بين القوسين

(فراخ بكل اشكالها - لحمه بكل اشكالها برده - رز منوع- مكرونه بشاميل -

-مكرونات منوعه- شوربه عدس واقطع دراعى لو حد هوب ناحيتها هههههههههههه)

كفايه عليكم كده ومفيش حلو علشان سنانكم

اقعدوا بالعافيه مع السلام عليكم

تحت زخات المطر

By ليس فقيرا من يحب on 7:50 م

التعليقات (87)

Filed Under:

السلام عليكم

ازيكم يا عيال وحشتتتتتتتتتتتتتتتتونى قوى اخباركم ايه نفر نفر

وفرد فرد مبروووووووووووك عليكم وعلينا كاس الامم ودى

زغروطه مساهمه منى فى هذا الحدث لولولولولولولولولولولولولولولولوولولولولى

كفايه بقى نفسى اتقطع وبعدين شوربه العضم اللى شربتها معملتش حاجه فى موجه البرد

دى وحسه ان ايديا معوجه وانا بكتب ادعوا بقى الدنيا تشتى علشان موجه البرد دى تروح

مع انها الصراحه منعشه جدا جدا خصوصا لو لعبتوا ماتش غسيل زى اللى لعبته النهارده

كفايه رغى وخدوا البوست ده

تحت زخات المطر كل شيىء فى العالم يتلون بلون مختلف

كل المشكلات قابلة للحل وكل الأسود قابلة للترويض

تحت زخات المطر هى اروع النساء واكثرهن اثارة

وهيا الأرق بين بنات جنسها

حالمة هى رقيقه هادئه ومسالمة تأسر قلبك وتحتل كل كيانك

فلا تستطيع مقاومة جاذبيتها وسحرها ولا تملك الا الاستسلام لها

تحت زخات المطر يمتلىء قلبها القاسى حبا وحنانا

وتسرى الروح فى جسد وقلب لقى حتفه منذ امد بعيد

تحت زخات المطر تتغير ابجديتها فلا تنطق الا كل رقيق وعذب

كل نظرة من عينيها تحمل بداخلها سحر العالم

وكل زفرة من داخلها تحمل هموم العالم وعذاب العالم وراحه العالم

تحت زخات المطر هى طفله مجنونه لا تعرف من الالوان سوى اللون الوردى

ولا تعرف من اللغات الا لغه الشعر

لن تملك تحت زخات المطر الا ان تحتويها بين ذراعيك وتشعرها بالأمان

فلطالما عاشت فى حرمان منه

طبعا انا كاتبه البوست ده ومش فاهمه فيه حاجة فللى يفهم حاجة

يفهمنى هو الغرض منه ايه ههههههههههههه

اقعدوا بالعافيه مع السلام عليكم