انه الحب

By ليس فقيرا من يحب on 10:30 م

التعليقات (184)

Filed Under:




السلام عليكم ورحمه الله وبركاته



ازيكم يا ناس يا طيبين يارب تكونو بخير جميعا



ياريت تسامحونى على تقصيرى معاكم الفترة اللى



فاتت بس خلاص انا قاعده على قلبكم من تانى اهه



ياريت تدعو لامنا الغاليه ام مالك بالشفاء العاجل

اسأل الله الكريم رب العرش العظيم ان يشفيها شفاء

لا يغادر سقما ولا الما امين

وياريت كمان كلنا نشارك فى مقاطعه الفيس بوك

يوم 24 من اكتوبر والتفاصيل هتلاقوها فى مدونه

الا رسول الله وده الرابط
http://rasoulallah1.blogspot.com/2009/10/facebook.html


نيجى للبوست


هى: من انت الذى تسكن خيالى وتحتل قلبى لماذا اتيت بدون سابق انذار ؟


ولماذا فاجئتنى واستعمرت نفسى وعقلى لم تدع لى فرصه ان اقاوم او حتى


حتى احاول فانول شرف اننى حاولت لقد خانتنى عيناى عندما وقعت عليك


وخاننى قلبى عندما احس بك وخانتنى يداى عندما لمستها ولم تبعد او تدافع

وخاننى عقلى عندما تصالح مع قلبى ورضى بك حبيبا


لقد خاننى كل جزء فى فجعل حبك يستعمره من انت ومن اين اتيت بتلك


القوة الجبارة التى جعلت استعمارى سهلا واحتلالى بسيطا


لقد نقضت العهد مع قلبى فقد عاهدته الا يسكنه احد ونقض قلبى العهد


كذلك بمجرد ان شعر بك نسى عهدنا وفتح ابوابه على مصراعيها


ترحيبا بك وبحبك خبرنى من انت ومن اى ارض نبت؟



هو: انا الحب الذى يعطر الحياه انا من داب فى سحر عينيك وضاع


فى دروب هواكى احاول جاهدا ان اعرف سبب وقوعى فى هواكى


انت دون الاخريات ما هذا الانجذاب التلقائى الذى شعرت به منذ


اللحظه الاولى ؟


هى: اعلم اننى لست على قدر الجمال الذى تمتلكه الاخريات ولست......


هو مقاطعا: انت فى عينياى اجمل من من على وجه الكون انت اجمل


زهرة فى بستان الحياه يكفينى من الدنيا حنانك الصافى الذى يعطر الحياه


يكفينى رقه قلبك وهدوء شكلك الذى يجذب اى شخص اليكى


يكفينى ابتسامتك الحنونه فمعها تدب الحياه فى قلب لقى حتفه منذ امد بعيد


يكفينى ان اغسل على ذراعيك همومى واحزانى وان ارى الحنان فى عيناكى


الصافيتين يكفينى يا حبيبتى يكفينى



وبكده يكون الواد ثبتها صح ويكون البوست خلص ههههههههههههههههههه


اقعدوا بالعافيه


السلام عليكم




حمله مدونتك هتنقذ طفلك

By ليس فقيرا من يحب on 3:00 م

Filed Under:


السلام عليكم

جائتنى دعوة من الاخ الفاضل طهر فؤادك



للمشاركه فى حمله مدونتك هتنقذ طفلك عن

مستشفى سرطان الاطفال 57357



تفاصيل الحمله موجوده فى الرابط ده ياريت اخوانى

واخواتى يطلعوا عليها ويساعدوا ولو بابسط حاجه



http://rasoulallah1.blogspot.com/2009/09/blog-post_23.html





ودى طرق التبرع والمساعده فى الحمله
1 - البنوك :- (ودى متركز عليها كتير فى وسائل الاعلام ومش هنخوض فيها ) .
2 - انترنت الخير :-يمكنك التبرع من خلال أستخدام ارقام انترنت الخير :
07775757 أو 07075757 بنفس سعر المكالمة العادية كما انه يمكنك حساب صافي
قيمة ما تبرعت به بأستخدام عداد الخير ...
3 - التليفون بامكانك الاتصال برقم 1468 أو 2357 من اي تليفون محمول
او برقم 09009555 أو 09000957 و التبرع لصالح المستشفى اثناء استماعك للرسالة الصوتية .
سعر الدقيقة جنيهان
4- بطاقة الائتمان :- خدمة جديدة تقوم بها مستشفى 57357 لتسهيل التبرع
بالتعاون مع بنك مصر و شركه Verisign العالمية لتأمين المواقع على الانترنت.
يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار
و ستقوم مؤسسه فيزا و ماستر كارد بتحويلها إلى دولار
.فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .
5 - البريد المصرى- يمكن التبرع فى اى فرع من فروع مكاتب البريد المصرى لحساب
رقم 26386
**** حملتنا على ال facebook -
- ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب
ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .
واليكم لينك الجروب على الفيس بوك :-
1 - http://www.facebook.com/group.php?gid=139959994897&ref=search&sid=100000133813777.2100342868..1
بقيه التفاصيل فى مدونه رسول الله والرابط بتاعها
وجزاكم الله كل خير
السلام عليكم

اسيرة الحنان

By ليس فقيرا من يحب on 9:00 م

التعليقات (213)

Filed Under:






السلام عليكم ورحمه الله وبركاته




ازيكم يا اخواتى اخباركم ايه



ان شا الله تكونو بخير



عايزة اقولكم على حاجه



انا احبكم فى الله







نيجى للبوست



دائما ما يأسر قلبى


دائما ما يرطب احساسى

دائما ما يداعب خيالى

معه اشعر انى اسعد امرأه فى العالم

ومعه اشعر انى ملكت الكون باسره

دائما ما اتمناه .... وكثيرا ما افتقده

وطوال الوقت احتاج اليه...احتاج اليه كثيرا

فلا يمكننى التنفس بدونه......

ولا يمكن ان اعيش دون ان يغمرنى

ويغمر من حولى

تاه منى اوقات كثيرة

تاه من كثيرين حولى فلم يعثر عليه

حتى الان وربما لن يعود مرة اخرى

تاه وترك حياتهم كالصحراء القاحله ..

تاه وترك معالم القسوة وقد كست وجوههم

وخيمت عليهم اشباح اليأس والاحباط

واستسلموا بكل سهوله لتلك الحياه القاسيه

ربما لو فتشوا قليلا لوجدوه.............

ربما لو شعر هو بحاجتهم اليه وبشوقهم

للعيش فى مملكته لعاد اليهم .....

يحتاج فقط ان يحاولوا

"""انه الحنان """

لاتبخل به على من حولك

اغمرهم دائما بعطفك وحنانك وتفهمك

اشعرهم دائما بحاجتك اليهم

لاتتوقف دائما عن نطق عبارة


" لا استطيع العيش بدونك"

" لا اتحمل ان اراك حزينا "

" انا استمد منك قوتى "

كلمات بسيطه لا تكلفك شيىء ولكن

لها مفعول السحر فى نفس من تخاطبه

صدقنى هيى الطريقه الوحيده لكسب العقول

وأسر القلوب

وهى الطريقه الاكيده لتكون انسان بكل ما

تحمله الكلمه بداخلها من معانى

اياك ان تبخل على من حولك بحنانك وعطفك

قولا وفعلا والا فلتتحمل جفاف حياتك وقسوتها


والسلام عليكم


هيييييييييييييييييه العيد جه

By ليس فقيرا من يحب on 6:34 م

التعليقات (250)

Filed Under:


السلام عليكم ورحمه الله وبركاته



وحشتوووووووووووووووووووووووووووووونى





وحشتووووووووووووووووووووووووووووووونى



وحشتووووووووووووووووووووووووووووووونى


كل سنه وانتم طيبين


كل سنه وانتم من ربنا قريبين



كل سنه وانتم متهنيين وفرحانين ومبسوطين


كل سنه والسعاده ماليه قلوبكم وراحه البال
والسعد والهنا محوطينكم


كل سنه وكل امانيكم قدام عنيكم وكل احلامكم متحققه


عيد فطر سعيد عليكم وعلى كل حبايبكم يارب
وعلى الامه الاسلاميه كلها


اسفه جدا على تقصيرى معاكم المده اللى فاتت



ومتشكرة لكل الناس الطيبين اللى سألوا عنى

وعايزة اقولكم انكم بجد اطيب واجدع اخوات
ربنا يكرمكم ويسعد قلوبكم جميعا يارب


طبعا انا عشمانه انى اطلع بمبلغ كويس من العيد ده


وطبعا بما ان معندناش فى البيت عيد السنه دى لانه


اول عيد بعد وفاه عمى ربنا يرحمه ويدخله الجنه بغير
حساب ولا سابقه عذاب

فالفلس هيشتغل وميرضيكمش انى اقعد مفلسه
فكل اللى يدخل يعيد عليا يسيب حاجه فى الكرتونه اللى

هتقابلكم عند باب المدونه وانتم داخلين ماشى اتفقنا


ملحوظه صغننه


لازم الرجاله تدفع مفيش حل تانى اللهم لاقر ولا حسد


انتم بتشتغلوا والقشه معدن
يستنثى من العيديه من يدخلون ضمن فئه من هذه الفئات


1-العاطلين امثالى



2-الشباب دون 17 سنه



دولا غلبانين هيقسموا معايا فى الاخر

احنا اخوات بقه والمليان يصب على الفاضى


كل سنه وانتم طيبين مرة تانيه


والسلام عليكم

قد اظلكم شهر+انا حسيت بالايه دى النهارده

By ليس فقيرا من يحب on 4:02 م

التعليقات (168)

Filed Under:






بسم الله الرحمن الرحيم



كل سنه وحضراتكم طيبين ويارب تكونوا



كلكم تمام وبخير وصحه وعافيه



الايام الطيبه بتعدى بسرعه ازاى خلاص



اول عشر ايام من رمضان قربو خالص اهه



والعشرين الباقيين برده هيدعدوا بسرعه اكتر



حاولت اكتب فى حمله(قد اظلكم شهر)و



(انا حسيت بالايه دى النهارده)



لقيت مخى مهنج خالص وعطلان عن العمل



ومش عارفه اكتب ايه وبصراحه كمان لانى



مقصرة جدا فخايفه اكون من الذين يقولون



مالا يفعلون وادخل ضمن المقصودين بقول

رب العزة (أتأمرون الناس بالبر وتنسون



انفسكم وانتم تتلون الكتاب افلا تعقلون )



بس عايزة اقول لكل اخوانى ولكل حبايبى



ان من اعظم العبادات التى تقربنا الى الله عز



وجل الدعاء



بسم الله الرحمن الرحيم


" وإذا سألك عبادي عني فإني قريب أجيب



دعوة الداعِ إذا دعانِ فليستجيبوا لي



وليؤمنوا بي لعلهم يرشدون " البقرة 186



الايه دى لما باسمعها او اقرأها بحس



بطمأنينه وراحه بال غير عاديه وبحس



ان ربنا قريب قوى منى وبحس ان كل



مشكله فى العالم ممكن تتحل وكل حاجه

بحلم بيها لازم هتتحقق
وطبعا من الاوقات التى يستجاب فيها الدعاء



شهر رمضان فلازم نتتهز الفرصه وندعو الله



بكل ما نحلم بيه ندعوا الله بالهدايه وتيسير



الامور ندعوا بنصر المسلمين فى كل مكان



اللى نفسه يتجوز واللى نفسه فى الذريه



الصالحه اللى نفسه يموت شهيد واللى نفسه



يحج بيت ربنا اللى نفسه ربنا يفك كربه



واللى نفسه ربنا يطهره من الذنوب



واللى طامع فى مغفرة ربنا ادعى



كلم ربنا



قول كل اللى فى نفسك لح فى الدعاء



ناجى ربنا ربنا قريب منك وسامعك وهيقبلك



مهما قصرت ومهما بعدت ومهما الدنيا خدتك



ربنا قريب مننا قوى ورحيم بينا



ربنا حنين علينا قوى



يارب يارب



قولها من اعماق قلبك وحس بالراحه



والاطمئنان واوعى تشيل للدنيا هم



ياريت تدعولى من قلبكم علشان دعوة



المسلم لاخيه فى ظهر الغيب لاترد



ادعولى بتيسير الامور



ادعولى ان ربنا يكتبلى الخير حيث كان



ويرضينى بيه



اسأل الله الكريم رب العرش العظيم



ان يعتق رقابنا ورقاب ابائنا من النار



وان يرزقنا قيام رمضان وليله القدر



وان يعينا على مجاهده انفسنا ويحببنا



فى كل عمل يقربنا اليه


ملحوظه صغننه


ادعوكم للمشاركه فى الدعوة الكريمه



(انا حسيت بالايه دى النهارده)



والتفاصيل عند اخونا محمود ابو العزم



فى الرابط ده

http://journy-to-myself.blogspot.com/2009/08/blog-post_25.html
هناك دعوة كريمة - جزي الله من فكر فيها كل خير -
وهو دعوة افطار الصائم تفاصيل افطار صائم وهي
موجودة بالتفصيل علي مدونات … داليا قوس قزح ـ
اتمني من جميع المدونين والمدونات
دعم وتبني الفكرة ..
.

رمضان جانا

By ليس فقيرا من يحب on 4:35 م

التعليقات (158)

Filed Under:




السلام عليكم ورحمه الله وبركاته

بسم الله الرحمن الرحيم

{ شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ


وَبَيِّنَاتٍ مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ


فَلْيَصُمْهُ وَمَن كَانَ مَرِيضًا أَوْ عَلَى سَفَرٍ فَعِدَّةٌ مِّنْ


أَيَّامٍ أُخَرَ يُرِيدُ اللّهُ بِكُمُ الْيُسْرَ وَلاَ يُرِيدُ بِكُمُ الْعُسْرَ


وَلِتُكْمِلُواْ الْعِدَّةَ وَلِتُكَبِّرُواْ اللّهَ عَلَى مَا هَدَاكُمْ وَلَعَلَّكُمْ تَشْكُرُونَ }


(185) سورة البقرة


خلاص اوشك شهر رمضان على البدء


شهر الرحمه والمغفرة والعتق من النيران


فيه تصفد الشياطين وتفتح ابواب الجنه


وتغلق ابواب النار

شهر فيه ليله خير من الف شهر

فلنغتنم احبائى الفرصه ولنجعل منه


فرصه لتجديد ايماننا والتقرب من الله


عز وجل باداء العبادات وصله الارحام


واخراج الصدقات والصوم عن كل ما يغضب الله عز وجل


باوصى نفسى قبل ما اوصى اى حد


بلاش تضيع الوقت قدام التلفزيون والمسلسلات


والطبخات والوصفات والفوازير والعباطات


اللى مش عارفه ايه علاقتها بشهر الرحمه


وليه الحاجات دى بتزيد وتتورم فى شهر رمضان


كمان ننتهز الفرصه ونصل ارحامنا ولو حتى


بمكالمه تليفون او رساله قصيرة مش هتخسرنا كتير


نحاول نهدى كده ونركز ونختم القرءان الكريم


على الاقل مرة فى شهر رمضان وكمان نقوم الليل


بصوا انا مش هاقعد ادى نصايح ربما اكون انا مقصرة فيها


بس هاقولكم


كل سنه وانتم طيبين ربنا يبلغنا رمضان

واسأل الله الكريم رب العرش العظيم ان يجعلنا من

عتقاؤه من النار فى هذا الشهر الكريم

كل سنه وانتم فى هنا وصحه وراحه بال

وسعاده وبركه ورضا ومحققين كل احلامكم

كل عام وانتم الى الله اقرب



ملحوظتين صغننين


-طبعا بما انكم عيال مش مشجعيين
كان نفسى نعمل ختمه سوا بس
خلاصى هاعملها مع جيرانا
بس لازم نحاول نختم
القرءان كله على الاقل مره

باذن الله خلال شهر رمضان

--ياريت نشارك كلنا فى حمله


قد اظلكم شهر والتفاصيل عند اخونا

فكر معانا ( يوم البهجه)

By ليس فقيرا من يحب on 1:58 ص

التعليقات (159)

Filed Under:



السلام عليكم


ازيكم يا اهلى وناسى



كل سنه وانتم طيبين وبصحه

وسلامه وهنا وراحه بال نفر


نفر وفرد فرد

كنت متوقعه انى لما اجى اكتب بوست


اشارك بيه فى يوم البهجه الكلام هيدلق


منى بكل سهوله واخرج بوست خفيف


من غير عناء الا انى اول ما بدات اكتب


البوست ملقتش كلام اكتبه واثبتتلى


التجربه العمليه ان دمى تقيل وحاولت


كتير استخف دمى فالموضوع بجد طلع


صعب اكتر مما كنت متخيله


ايه ده انتم رغايين كده ليه كل ده كلام


بصوا بقه انا هاكتب النهارده فزوره


واللى هيجاوب عليها هياخد هديه قيمه


دى قصيده للشاعرة ايمان بكرى واسمها

بحبك يا حمار
بيقولوا في مطرب مكار...بيغني بحبك يا حمار

الواد ده وصولي وكداب..ومنافق وكمان نعار

وإشمعنى لوحده اللي يحبك...كلنا بنحبك يا حمار

ده لأنك فعلا متفاهم... ومبرطع فينا ومش فاهم


وبتبعد عن أي تفاهم .. بعزيمة غبية وإصرار

العِشرة ما بينا ما بتهونشي..وإن هانت..برضو


ما نقدرشي

محكمة العدل ما تحكمشي.....وإن حكمت..


هتولع نار

مثلتوا علينا الثلاثية.. وبطولة وكانت جماعية

وعشان ما تكمل سداسية..عملتوا ألف حصار


وحصار

وفي وسط ميدان الحرية..فيه شعلة مسكاها وليّة

متكنش دي ليزا المخفية..مدية إشارة إنذار

وعلى العموم أنا حبيتك


وإلهي يا بعيد يخرب بيتك

لو يوم هتشُك في إخلاصي..وتصدق ده من الأشرار


هو سؤال ومافيهش هزار....هو أنت يعني حمار



يا حمار



علشان تصدق إن الفار.. ممكن يقول لأسد يا حمار



وبعاهدك والعهد أمانه..هتّنَّك على طول ويانا



حمورية أهلك عجبانا..يا واخدنا من الدار للنار



كل الحمير هنا عملت سين......واتفقت انك


بغل عظيم

هيوزعوا شربات برسيم .....علي العربخانه



وعلي الزوار



أنا مش حمّار هتخاف مني



مانا برضو حمار وأحمر منك



ما تنهق..قول أي حوار


بنقولك شيي..ما بتمشيشي....والحاااااا..



بنقولها ما بتجيشي



ونقولك هيييسس..ما بتهيسش..ومكمل بينا



المشوار


وعلشان كده إحنا إخترناك..وعلى حياتنا إستئمنا


ولا يوم هيجي يفرقنا...وهنفضل دايما وياك



طبعا القصيده خلصت ونيجى بقى للفزورة



يا ترى يا هل ترى مين هو الحماااااااااااار؟؟؟؟؟؟



اذا عرفت الحل قدامك حل من اتنين



يا تروح تسلم نفسك بنفسك يمكن ربنا



يكرمك وتاخد مؤبد بس



يا تروح تسلم نفسك برده



وطبعا الجايزة بتاعتنا للى يجاوب صح



اننا هتتصور مع الحمار صورة شخصيه



يمكن تنفعك ولا حاجه


المهم علشان ارضى ضميرى واضحكم

خدوا النكتتين دولا فى السريع

1-واحد عصبى درسه وجعه راح

للدكتور قاله اخلع سنانى كلها وسيبه


زى الكلب لواحده

2-موظف راح يدى صوته فى الانتخابات فاختار لا

وهو مروح قابل واحد صاحبه فسألو عملت ايه ؟

قاله علمت على لا لطم صاحبه وقاله روحت فى

شربة ميه فسأله الموظف ايه الحل ؟ قاله ارجع

بسرعه وصلح اللى كتبته واكتب نعم رجع

الموظف لرئيس اللجنة وقاله جيت اعلم على نعم

غصب عنى علمت على لا مسكه رئيس اللجنة من

ودنه وقاله احنا صلحناه لك اوعى تعمل كده تانى

3-مرة واحد محشش رايح يخطب واحده ابوها قاله

انت عليك الشقه راح قايل لابوها وانت عليك

الخمرة والبنات


هههههههههههههههههههههههههههه


انا طبعا باضحك لنفسى مقدما وعايزه


اشوف ناس مغمن عليها من الضحك


حتى لو مجامله اه اللى مش هيضحك


هاخرطه وانتم حرين هه


كل سنه وكل المدونين طيبين وبالف


صحه وسلامه يارب بمناسبه شهر


رمضان المبارك ويارب يجعلنا


جميعا من العتقاء من النار


ربنا يسعد قلبكم جميعا يارب


والسلام عليكم






الاشتراك في: الرسائل (Atom)
 

template By: Free Templates