قانون الضرائب على القبور الجديد محفظتك اولا

By ليس فقيرا من يحب on 7:01 م

التعليقات (102)

Filed Under:


السلام عليكم ورحمه الله وبركاته

سيدى الرئيس

سيدى وزير الماليه

وما ستكم الا انا طبعا

اكتب هذه الرساله لاعرض على سيادتكم فكره جهنميه طحن و تجنن اخر حاجه

ايمانا منى بان كله بيصب فوق قفا الشعب المصرى وبانكم فعلا بتتعبوا جدا فى

التفكير ومحتارين تنضفوا جيب الشعب الغلبان ده ازاى ومحتارين تسرقونا بانهى

صورة وبأى مبرر اشى ضرايب على المبيعات واشى ضرايب على العقارات

فقلت يا بت شغلى مخك وركزى كده وفكرى معاهم ننضف جيب الشعب اكتر

ماهو نضيف ازاى وازاى ندفع اكتر عدد من ابناء مصر المحروسه للانتحار

بكل اشكاله وصوره بدأ من ضرب الدماغ فى الحيط مرورها بدلق الجاز

وشط عود كبريت انتهاءا بالخنق بواسطه حته دوبارة مربوطه فى السقف

واهو كله حمل بيخف من على عاتق سعاده سيادتكم المبجله انا قلت قبل كده

الشعب ده خسيس وعايز الحرق ويستاهل انكم تعملوا فيه اكتر من اللى عملتوه ده

وكمان شعب اعوج مستحيل تعرف تعدل عليه خط

المهم علشان مطولش عليكوا يا اخويا وانا عارفه ان المسؤليات على عاتق سياده

سعادتكم كتير وانتوا اصلا مش فاضيين لنا لان احنا اصلا مش من بقيت اهلكم

ولاحتى خلفتونا ونسيتونا هاقولك على الفكرة بس الاول عايزة اقولك يعنى ايه

بقى ضريبه على العقارات؟ طيب ماشى احنا الشقه فى بيتنا قيمتها اقل من 500 الف

لكن موظف غلبان كان شارى شقه ب 100 الف وبعدين يشاء القدر ان قيمته تعلى

ويساوى مليون الا ربع هو يا اخويا مازالت ظروفه مطينه بطين هيدفع منين بقى

ضرايب يعنى بذمتكم ودينكم عايزين الشعب كله يبقى ساكن عندكم بالايجار

فهماكم انا

بس ما علينا الشعب ده يستاهل اللى يجراله

متبرقليش كده خلاص هأقول الفكرة اهه

وهأقولكم على المكان اللى مجاش فى بالكو تاخدوا عليه ضرايب


المكان هو


المكان هو

هو


يوه قلتلك متبرقليش بعنيك

الترب يا معلمى القبوووووووووووووووووووووووووور نسينها انتوا

انا قلت افكركوا بس عايزاكم بسرعه تجتمعوا وتعملوا صيغه لقانون

الضرايب على القبور الجديد طبعا اللى مفيش على قبرة لوحه رخام

او زارع صبارة ده هيستثنى من الضرايب عايزاكو تركزوا على الترب

اللى مزروع فيها صبار كتير كل ما عدد الصبار زاد كل ما الضرايب

على القبر ده تزيد وكل ماكانت الاسماء اللى مكتوبه على لوح الرخام

اكتر كل برده ما الضرايب على القبر ده تزيد

كل ميت لازم يدفع الضرايب على القبر اللى ساكن فيه ان معرفتوش تتصرفوا مع الميت

وتخلوه يدفع عليكم وعلى اهله اخربوا بيتهم لو مدفعوش وحاولوا تفهموهم

ان مصر بتتقدم بيهم وان قانون الضرايب


محفظتك قصدى مصلحتككككككككككككككككككككككككككككككك اولاااااااااااااااااااااااااااااا

وبما اننا شعب غبى وناقص ربايه ميعرفش مصلحته فين فانتوا بعون الله تربونا

اكتر ما ربيتونا هذا واختم رسالتى بالدعاء لكل الرؤس الكبيرة باللزقان بغراء

على الكراسى سنه واتنين وعشرة وعشرين واللى عاجبه على الكحل يتكحل

واللى مش عاجبه ينزاح ويرحل

وعجبى ههههههههههههههههههههههههههه

معلش يا اخويا مش هاقدر اقولك على مرسل الرساله اصلى مش باحب التسقيف

على القفا على رأى راجل طيب كده

اقعدوا بالعافيه والسلام عليكم ورحمه الله وبركاته

اكفله وهيدخلك الجنه+تحديث

By ليس فقيرا من يحب on 7:07 م

التعليقات (79)

Filed Under:


السلام عليكم ورحمه الله وبركاته

تحديث

الف الف مبروك لحبيبتنا توتى (دموع القمر ) على الخطوبه

ربنا يسعدك يارب يا حبيبتى ويتمملك بخير وهاقلب العزاء فرح

وهازغرطلك اهه لولولولولولولولولولولولولى كفايه نفسى اتقطع يا اختى



كل سنه وانتم طيبين وبالف خير بمناسبه العام الهجرى الجديد

ويارب السنه دى تكون اجمل من اللى فاتت وكل واحد فينا يحقق

كل احلامه وامنياته يارب ربنا يسعدكم جميعا



ازيكم يا ناس يا طيبين يارب تكونوا بخير جميعا معلش اذا كنت اتأخرت وقصرت

معاكم ولكن ده كان لظروف غصب عنى

وياريت تدعوا لزوجه عمى بالرحمه والمغفرة ودخول الجنه بغير حساب

ولا سابقه عذاب وعمى وجميع موتى المسلمين

البوست ده مشاركه فى حمله اخونا طهر فؤادك ربنا يحفظه ويبارك فيه ويجعل جهده وعمله فى ميزان حسناته

بسم الله الرحمن الرحيم

وَاعْبُدُوا اللَّهَ وَلَا تُشْرِكُوا بِهِ شَيْئًا وَبِالْوَالِدَيْنِ إِحْسَانًا وَبِذِي الْقُرْبَى وَالْيَتَامَى

وَالْمَسَاكِينِ وَالْجَارِ ذِي الْقُرْبَى وَالْجَارِ الْجُنُبِ وَالصَّاحِبِ بِالْجَنْبِ وَابْنِ السَّبِيلِ

وَمَا مَلَكَتْ أَيْمَانُكُمْ إِنَّ اللَّهَ لَا يُحِبُّ مَنْ كَانَ مُخْتَالًا فَخُورًا) سورة النساء الآية 36 .


الحمله اسمها "اكفله وهيدخلك الجنه " ومن اسمها واضح انها عن كفاله اليتيم

ويكفينا تذكر قول رسول الله عليه افضل الصلاه والسلام

"انا وكافل اليتيم كهاتين فى الجنه واشار باصبعيه السبابه والوسطى "

بالله عليك فى منزله بقى افضل من انك تكون مع حبيبك وسيدنا

سيد الخلق اجمعين محمد صلى الله عليه وعلى اله وسلم فكفاله اليتيم

من أوسع ابواب الخير ومن افضل الاعمال التى تقربنا الى الله عز وجل

مع العلم ان كفاله اليتيم ليست فقط بمساعدته ماديا فقط وانما تمتد لتشمل

مراعاه مصالحه الدينيه والدنيويه وتهذيبه والعطف عليه وامداده الحنان الذى حرم منه

فكرة الحمله

اولا مساعده كل يتيم فى محيط حياتنا فى الشارع او العمارة او البيت ليس فقط ماديا وانما

معنويا بالحنو والعطف عليه وهذا علاج عظيم لمن يشكو من قسوة القلب كما نبهنا الهدى النبوى

عن أبي الدرداء رضي الله عنه أنه أتى النبي صلى الله عليه وسلم رجل يشتكي قسوة قلبه فقال له :

" أتحب أن يلين قلبك وتدرك حاجتك؟ ارحم اليتيم ، وامسح رأسه وأطعمه من طعامك يلن قلبك وتدرك حاجتك" .

أخرجه الطبراني وصححه الألباني

ثانيا مساعده الايتام فى دور الرعايه والجمعيات الخيريه زى دار الاورمان مثلا وده الموقع الالكترونى لها http://www.dar-alorman.com/

وفى كمان الرابط ده فى مجموعه من عناوين دور الايتام فى مصر


http://www.alameron.com/c101.html

ثالثا نشر فكرة الحمله فى المنتديات والمدونات واضافه لينكات

لدور الرعايه والجمعيات الخيريه لتعم الاستفاده


بصوا يا جماعه فى ناس كتير ممكن تكون عايشه ببركه ربنا واللى

جاى على قد اللى رايح وكل حاجه بس بلاش حتى نبخل بالحنان والعطف

على حبايبنا اللى ابتلاهم القدر بالحرمان من عطف وحنان اقرب الناس

ممكن كلمه طيبه او لمسه حانيه على رأس يتيم يكون ليها مفعول السحر فى نفسه

وقد ايه ممكن تعوضه الم فقده لوالديه او على الاقل تخفف الألم ده

مع ملاحظه ان فى اطفال اهلها على وش الدنيا وهما فعلا ايتام محرومين

من الرعايه والحنان

ده لينك الحمله وفكرتها على مدونه الا رسول الله

http://rasoulallah1.blogspot.com/2009/12/blog-post_09.html


وده لينك جروب الحمله على الفيس بوك


http://www.facebook.com/group.php?v=info&gid=200367833817

وانتم طبعا ولا اذكى على الله احد من اجمل الناس اللى ممكن حد يقابلها فى حياته

ياريت تشاركوا ويكفينا ثواب نيتنا فى المساعده

انى احبكم فى الله


النهارده عيد ميلاد مين ياترى

By ليس فقيرا من يحب on 9:19 م

التعليقات (138)

Filed Under:

السلام عليكم

زى النهارده يوم 12/8 سنه الف تسعميه اتنين و..... ولا بلاش

مش هاسيحلك فى المنطقه ياعم على (عد الجمايل بقى)

المهم انه من زمان قوووووووووووووى جه للدنيا حبيب قلبى

ونور عنيا ودنيتى كلها ابويا حبيبى

اول

وتانى

وتالت

يعنى علشان خاطر الناس الحلوة

الناس الحلوة

الحلوة قوى

الحلوة قوى قوى

يعنى علشان خاطر الشهامه والرجوله والكرم نحسبهم كذلك ولا نذكى على الله احد

يعنى علشان خاطر الناس الطيبه اللى ربنا ميحرمهومش مننا ونفضل قاعدين على قلبهم

(باصيتلك اهه ياراجل يا طيب يمكن تغمزنى بجوزين جنيهات فى الخباثه ولا حاجه)

والنهارده يوم ميلاد مين ياترى النهارده يوم ميلاد ابو رانيا السكرة

كل سنه وحضرتك طيب وبالف صحه وسلامه يارب يابا

كل سنه وانت جنبنا ومعانا يا اغلى الناس

ربنا ميحرمناش منك ابدا ويجعل يومى قبل يومك يارب

يلا خشوا على التورتات بقلب جامد

دى طبعا للفرجه بس من بعيد لبعيد ودى ليا انتوا عارفين انى باموت فى الشوكلاته والفراوله كمان دى برده للفرجه من بعيد لبعيد دى ممكن كل واحد يجى يا خد ورده منها (هع هع هع) والايسكريم ده اللى هيمد ايده عليه هاشرحه
طبعا انتم قريتوا اضرار الكولا والمشروبات دى وعارفين انها بتدمر الصحه

والسنان وكله كله وكمان المفروض نقاطع منتجات الكفرة دى بس انتوا حرين

بردوا اللى عايز يشرب مش هاحوشه ههههههههههههههههههههههههههههههههههههه كل سنه وانت طيب يا اجدع اب فى الدنيا

ربنا يخليك لينا يارب ويرزقك الصحه والستر وراحه البال

ويطمنك علينا ويرجعلك الغايب بالسلامه


بقولك ايه يا عم على بتك مزنوقه فى 100 جنيه كده تشترى شويه حاجات

وطبعا انا باهيصلك كده لله فى لله من غيراى حاجه مش علشان اثبتك والنعمه

ههههههههههههههههههههههههههههههههههههههههههههههههههههههههه

ربنا يخليك لينا يا حبيبى يارب


اكلنا وشربنا وهيصنااااااااااااااااااااا امشوا بقى هههههههههههههههههههههههه

صرخه+ تحديث ملوش لازمه

By ليس فقيرا من يحب on 3:14 م

التعليقات (108)

Filed Under:






السلام عليكم

تحديث

ياعيال متقلقوش عليا دا انا الاكتئاب بتاعى بياخد

كده يجى ساعه او ساعتين ولما يطول اوى بياخد يوم

بعد كده ولا كأن حاجه حصلت انا لا اكتؤاب ولا الجن الاحمر

ذات نفسه ممكن يغلبنى ههههههههههههههههههههه

وتانى هام اللى عارفنى كويس عارف ان موضوع الديموقراطيه

والاختيارات ده هزار وعارفين انى بارحب بالراى والرأى الاخر(اللى

هو نفس الرأى بس بطريقه تانيه ) هع هع هع

فقولو اللى فى نفسكم بصراحه وعلشان يكون الاختيارات فيها

موضوعيه هازيد عليها اختيارين

وندرفل

فانتاستك

شوفتوا باتكلم انجليزى لبلب ازاى يلا اختاروا

هههههههههههههههههههههههههههههههههههههه

استظرفنا كده وخلص التحديث



ازيكم يا ناس يا طيبين يارب تكونوا بخير فرد فرد

ونفر نفر طبعا بما انى مكتئبه ونفسوياتى مش مظبوطه اليومين

دولا وبما انكم اخواتى من ام واب تانين فحتما ولازما ولا بد

تتعكننوا معايا وتتخنقوا وتكتئبوا علشان تجاملونى

طبعا انتم عارفين ان انا موهوبه من بدرى قوى وتحديدا

من وانا فى اللفه وعارفين ان شعيرة يعنى مش اى كلام

فهتكبلكم حاجه كنت كتباها من ثانوى برده وجه وقتها وزى

ما انتم عارفين انى بارحب بالنقد البناء فعيزاكم تنقدوا براحه راحتكم

امممممممممممممممممممم اقولكم بدل ما تتعبوا نفسكم وتفكروا ممكن

اديكم نماذج للنقد وانتم اختاروا منها براحتكم

كلام رااااااااااااااااااااااااااااااااااااااااااااااااااااااااااااااااااااااائع

كلام يجننننننننننننننننننننننننننننننننننننننننننننننننننننن

كلام فوق الوصف

 ايه الروعه دى

عليا الطلاق موهوبه هههههههههههههههههههه

وكده يعنى علشان تعرفوا بس انى بارحب بالنقد وديموقراتيه

ملحووووووووووووووووووووووووووووزة كبيييييييييييييييييييييرة

اقروها بالصعيدى

 صرخه


قلبي صرخ وقالي خلاص

هموم دموع جرح ومافى إخلاص

مين يرضى الظلم مين

ما حدا من الناس

يقبل يتظلم وعلى قلبه ينداس

عارف انك ما تقدري تكتمي إحساس

وان قدرتي تكتمي

لازم هتيجى ساعة وتثوري على كل الناس

ارمي وراكى يا بنيتي والله عنده الخلاص


يلا اقعدوا بالعافيه ومش هاوصيكم تدعولى

سلام عليكم

العيد عيدنا وهنعيد

By ليس فقيرا من يحب on 2:26 م

التعليقات (137)

Filed Under:



السلام عليكم ورحمه الله وبركاته

كل سنه وانتم طيبين يا ناس يا طيبين

ربنا يسعد قلوبكم يارب ويكرمكم وفى يوم من الايام زى النهارده تكونوا

على جبل عرفات باذن الله ياريت تسامحونى على تقصيرى معاكم اليومين

اللى فاتو وتدعولى وانتم صايمين براحه البال وتيسير الامور

كل سنه وانتم طيبين مره تانيه

وربنا يعيد عليكم الايام وانتم بالف صحه وسعاده وقرب

من ربنا وجنب حبايبكم يارب

ملحوظه نونه

العيد ده مفيش استثناءات من العيديه لو مفيش فلوس يبقى فى لحمه


اقعدوا بالعافيه

السلام عليكم

دبسنى دبس ووومبروووووووووووووووك لمصر

By ليس فقيرا من يحب on 10:14 م

التعليقات (213)

Filed Under:



السلام عليكم

ياه يا عيال مع انى مش متابعه قوى للكورة بس

فرحت من قلبى وكنت هاتشل وانا بسمع الماتش

اتارى الفرحه حلوة يا جدعان

بس ابويا فلت منى النهارده اصل فى كاس الامم الافريقيه

كان بيحاسبنا الجون بجنيه وبعدين ممكن نتفاوض لما مصر تكسب

ونخليهم خمسه جنيه على بعض هههههههههههههههه

ان شاء الله كاس العالم بقى الجون بخمسه جنيه

مبرووووووووووووووووووووك لمصر وعقبال الجاى

ان شاء الله

جالى تاج من رئيس جمهوريه شومبونجو بذات فخامته وكمان من شوكلااااااااااااتتى

حبيبتى هاجاوب عليه لاحسن اروح فى حديد

اسمك؟

رانيا بنت على حفظنى الله ورعانى


سنك؟


لا بقى اللى عامل التاج ده جاسوس وعميل علينا نحن بنات حوا

يا راجل دا اكتر حاجه تخنق حوا انك تسألها انتى عندك كام سنه

وبعدين احنا عند العشرين والعمر بيقف وكل سنه بتعدى بعد العشرين

بتبقى مرار بعيد عنكم بس انا بقى ولا بيهمنى عندى 23 سنه و7شهور

.اسم مدونتك؟


ليس فقيرا من يحب



مجال دراستك؟

العلوم والتربيه مع شويه حبشتكانات فى علم النفس


.هل فكرت فى اغلاق مدونتك؟والسبب؟


لا ولله الحمد مفكرتش فى كده اسيبكم واروح فين يعنى

كابسه على مراوحكم دايما باذن الله هتروحوا منى فين؟؟؟؟؟



ايه رد فعلك لو حد قل ادبه عليك في المدونه؟

انا عندى منطق كده سفاله اللى قدامك متجبركش ابدا انك تكون سافل

فهاقوله ربنا يسامحك انا مؤدبه ومش هارد عليك


.أسوا مدونه دخلتها؟


لا الصراحه انا عطيت كتير فى المدونات فمش مركزة الحقيقه

.هيحصل ايه لايميلك بعد ماتموت؟


يا ساتر يارب بتفول فى وشى كمان هههههههههههههههههه
لا الموت علينا حق ولما اموت الايميل يتنيل بستين نيله
انا هابقى فى ايه ولا ايه يعنى

.اديت الباسورد لحد قبل كدة؟


ايون اديته لنوارة شطبتلى المدونه

.السفر بالنسبه ليك؟

دوخه وقرف وترجيع وموت روحى مش بترد فيا الا لما انزل من العربيه

وده فى حاله سفر النهار

متعه وروقان وحلم جميييييييل فى حاله السفر بالليل


المود بتاعك اية؟

يلهوى على المود والكلام النايتى اللى بيشلنى ده


لما حاجه تزعلنى بازعل ولما حاجه تفرحنى بافرح ولما حاجه

تخنقنى باتخنق عادى يعنى بس مودى فى اللحظه اللى باكتب

فيها هو حاله من التناحه المؤقته ربنا يكفيكو شرها

.بتعمل اية فى وقت فراغك؟

باجيب مصاصه او بنبونى واقعد اضرب وانا باتفرج على التلفزيون

او ادخل المطبخ واقعد اخترع اى حاجه او اروح اناكف فى امى

وبعدين عيب عليك يا راجل فراغ مين دا انا مانتخه 24 ساعه

.

الاكلات المفضلة؟
 كل خيرات ربنا باكلها واخص بالذكر الحلويات المكرونه بالباشميل والفراخ المشويه

والفول والطعميه والفسيخ مع شويه بصل ولمون يلهوتى جناااااااااااااااااااااااان

الصفات التي اخدتها عن والدك؟


الجرأه من غير ابتذال والكرم الغير عادى مش انا دا ابويا

كان نفسى اخد من ابويا سرعه البديهه واللباقه وبعد النظر


الصفات التي اخدتها عن والدتك؟

الحنان الغير عادى والطيبه لدرجه الهبل والكسوف حتى لو اضيع حقى


اكتر 6 حاجات بتحبهم؟
مش هاقول مناجاه ربنا او قراءه ورد من القرءان فى وقت قلبك يكون مفطور

ومحتاج حد يخفف عنك وبعدين اشمعنى 6 يعنى انا هاقول 10 هه
  • حضن امى
  • دعوة امى ليا ربنا يسعدك لما الدنيا تستعجب لسعدك وهناكى
  • المناقرة مع ستى(جدتى) للى مش عارف ليفتكرنى شغاله ولا حاجه
ودى بتكون نموذج لصراع الاجيال عمرها ما اقنعتنى برأيها وعمرى ما اقنعتها برأيى
  • الاكسسوارات
  • المطبخ وافهموها براحتكم يمكن اكون باحب التلاجه او الحلل
واللى فى الحلل وفى الاخر يعنى احتمال اكون باحب اطبخ
  • الضلمه بس مش دايما لما النور يقطع بس كفايه لاحسن تعبت


اكتر 6 حاجات بتكرهم؟
مش هاقول برده باكره الظلم او اسرئيل او البطاله او مبارك او الخيانه

 او التطبيع او الاحساس بالعجر قدام مشكله لحد من حبايبى ولكن هاقول
  • باكره عمايل الشاى

  • باكره النت لما يستغبى عليا

  • باكره لما حد يولع النور او يتكلم وانا نايمه

  • باكره حد يدعى عليا مع انى عارفه ان الدعا على قد الظلم بس برده

  • باكره لما ابقى نايمه وتيجى ناموسه بنت حرام تفضل تزن على ودانى



شخصيتك نوعها ايه؟

متقلبه فيا كل المتناقضات عصبيه وهاديه
خجوله وجريئه عقلى كبير وعقلى اصغر من عقل اعيل عيل
مرحه وحزينه كل حاجه متناقضه فيا

.لماذا دخلت عالم التدوين من الاساس؟

كنت قاعده اتصفح النت لا بيا ولا عليا شفت مدونه فكرة انى اعمل مدونه

فضلت تلعب فى دماغى مده ورحت عامله مدونه

اهميه التعليقات بالنسبه لك؟

مهمه بطريقه غير عاديه احس انى باتواصل مع الناس واحس انهم

فعلا اتخنقوا منى ومن اللى باكتبه ولعلمكم فى ناس بتتاخد غياب

وهما عارفين نفسهم وهأخصم منهم اعمال السنه وكمان هاعملهم

كحكه كبيره فى الشهاده هه

.

احلي بوست كتبته مع ذكر السبب

بوست ليس فقيرا من يحب مش عارفه ليه الحقيقه

ومن احلى البوستات اللى كان التفاعل فيها عالى بوست العيد

وكميه الناس اللى عيدت عليا اينعم كان اورديحى لان الشعب كله مفلس

بس حسيت بكميه مشاعر طيبه غير عاديه

افضل مدونه قريتها

ياااااااااااااه كتير جدا مشاء الله كل حد مميز بحاجه

اهميه الانترنت

سكينه ممكن تعورنا وممكن تساعدنا بس فى الاخر

مبنستغناش عنها

اهدى التاج لكل الناس اللى عندى فى الريدر وكل اللى مش جاوب عليه
اقعدوا بالعافيه التعليقااااااااااااااااااااااااااااااااااااااات فوق

ملحوظه كبيييييييييييييييييييييييييييييرة

الريدر اتمسح منى بقدرة قادر وهارجع اجمعه من تانى باذن الله

اليه فى يوم الحب

By ليس فقيرا من يحب on 4:18 م

التعليقات (137)

Filed Under:




السلام عليكم


ازيكم يا ناس يا طيبين عاملين ايه فى التلج اللى احنا فيه ده


جه الشتا بايامه الحلوه ورومانسيته الغير عاديه ووالكاكاو السخنه


والبطاطين والبحلقه فى التليفزيون وشوربه العدس


يارب تكونوا بخير


دى من حجات كنت كتبتها من ثانوى اياكم ثم اياكم حد يتريق عليها هه


والا مش هاتحفكم بالباقى هع هع هع


لا يا جماعه قولو رأيكم بجد وبحق وحقيق


وادى البوست عيشو بقى فى النقد
انت أملى وامنياتى

أنت عمري وذكرياتي

أوهب لك كل حياتي

حتى ولو فيها مماتي

هافضل طول عمري أهواك

وعمري في يوم مهنساك

تبقى هنا تبقى هناك

قلبي هيفضل وياك

قولى بحبك تلقاني

قلبي وروحي وعمري فداك

متغبش عنى تانى

هافضل طول عمري استناك


اتمسوا بالخير والسلام عليكم
التعليقات فوق الموضوع اهه دوختونى وراكم ههههههههههه

انه الحب

By ليس فقيرا من يحب on 10:30 م

التعليقات (184)

Filed Under:




السلام عليكم ورحمه الله وبركاته



ازيكم يا ناس يا طيبين يارب تكونو بخير جميعا



ياريت تسامحونى على تقصيرى معاكم الفترة اللى



فاتت بس خلاص انا قاعده على قلبكم من تانى اهه



ياريت تدعو لامنا الغاليه ام مالك بالشفاء العاجل

اسأل الله الكريم رب العرش العظيم ان يشفيها شفاء

لا يغادر سقما ولا الما امين

وياريت كمان كلنا نشارك فى مقاطعه الفيس بوك

يوم 24 من اكتوبر والتفاصيل هتلاقوها فى مدونه

الا رسول الله وده الرابط
http://rasoulallah1.blogspot.com/2009/10/facebook.html


نيجى للبوست


هى: من انت الذى تسكن خيالى وتحتل قلبى لماذا اتيت بدون سابق انذار ؟


ولماذا فاجئتنى واستعمرت نفسى وعقلى لم تدع لى فرصه ان اقاوم او حتى


حتى احاول فانول شرف اننى حاولت لقد خانتنى عيناى عندما وقعت عليك


وخاننى قلبى عندما احس بك وخانتنى يداى عندما لمستها ولم تبعد او تدافع

وخاننى عقلى عندما تصالح مع قلبى ورضى بك حبيبا


لقد خاننى كل جزء فى فجعل حبك يستعمره من انت ومن اين اتيت بتلك


القوة الجبارة التى جعلت استعمارى سهلا واحتلالى بسيطا


لقد نقضت العهد مع قلبى فقد عاهدته الا يسكنه احد ونقض قلبى العهد


كذلك بمجرد ان شعر بك نسى عهدنا وفتح ابوابه على مصراعيها


ترحيبا بك وبحبك خبرنى من انت ومن اى ارض نبت؟



هو: انا الحب الذى يعطر الحياه انا من داب فى سحر عينيك وضاع


فى دروب هواكى احاول جاهدا ان اعرف سبب وقوعى فى هواكى


انت دون الاخريات ما هذا الانجذاب التلقائى الذى شعرت به منذ


اللحظه الاولى ؟


هى: اعلم اننى لست على قدر الجمال الذى تمتلكه الاخريات ولست......


هو مقاطعا: انت فى عينياى اجمل من من على وجه الكون انت اجمل


زهرة فى بستان الحياه يكفينى من الدنيا حنانك الصافى الذى يعطر الحياه


يكفينى رقه قلبك وهدوء شكلك الذى يجذب اى شخص اليكى


يكفينى ابتسامتك الحنونه فمعها تدب الحياه فى قلب لقى حتفه منذ امد بعيد


يكفينى ان اغسل على ذراعيك همومى واحزانى وان ارى الحنان فى عيناكى


الصافيتين يكفينى يا حبيبتى يكفينى



وبكده يكون الواد ثبتها صح ويكون البوست خلص ههههههههههههههههههه


اقعدوا بالعافيه


السلام عليكم




حمله مدونتك هتنقذ طفلك

By ليس فقيرا من يحب on 3:00 م

Filed Under:


السلام عليكم

جائتنى دعوة من الاخ الفاضل طهر فؤادك



للمشاركه فى حمله مدونتك هتنقذ طفلك عن

مستشفى سرطان الاطفال 57357



تفاصيل الحمله موجوده فى الرابط ده ياريت اخوانى

واخواتى يطلعوا عليها ويساعدوا ولو بابسط حاجه



http://rasoulallah1.blogspot.com/2009/09/blog-post_23.html





ودى طرق التبرع والمساعده فى الحمله
1 - البنوك :- (ودى متركز عليها كتير فى وسائل الاعلام ومش هنخوض فيها ) .
2 - انترنت الخير :-يمكنك التبرع من خلال أستخدام ارقام انترنت الخير :
07775757 أو 07075757 بنفس سعر المكالمة العادية كما انه يمكنك حساب صافي
قيمة ما تبرعت به بأستخدام عداد الخير ...
3 - التليفون بامكانك الاتصال برقم 1468 أو 2357 من اي تليفون محمول
او برقم 09009555 أو 09000957 و التبرع لصالح المستشفى اثناء استماعك للرسالة الصوتية .
سعر الدقيقة جنيهان
4- بطاقة الائتمان :- خدمة جديدة تقوم بها مستشفى 57357 لتسهيل التبرع
بالتعاون مع بنك مصر و شركه Verisign العالمية لتأمين المواقع على الانترنت.
يمكنك التبرع بأي عملة صدرت بها بطاقتك الائتمانية في أي بلد في العالم بما يعادلها من الدولار
و ستقوم مؤسسه فيزا و ماستر كارد بتحويلها إلى دولار
.فقط اضغط على اختيار دولار ,فنحن بحاجة إلى العمله الصعبة لتمويل عملية استيراد الأجهزة و المعدات الطبية .
5 - البريد المصرى- يمكن التبرع فى اى فرع من فروع مكاتب البريد المصرى لحساب
رقم 26386
**** حملتنا على ال facebook -
- ياريت كمان ياجماعة الى يحب يشارك بعمل شعار للحملة وعندة معرفة بالفوتوشوب
ويصمم شعار خاص للحملة يبقى جزاة الله خيرا وربنا يجعل عملة فى ميزان حسناتة ان شاء الله .
واليكم لينك الجروب على الفيس بوك :-
1 - http://www.facebook.com/group.php?gid=139959994897&ref=search&sid=100000133813777.2100342868..1
بقيه التفاصيل فى مدونه رسول الله والرابط بتاعها
وجزاكم الله كل خير
السلام عليكم

اسيرة الحنان

By ليس فقيرا من يحب on 9:00 م

التعليقات (213)

Filed Under:






السلام عليكم ورحمه الله وبركاته




ازيكم يا اخواتى اخباركم ايه



ان شا الله تكونو بخير



عايزة اقولكم على حاجه



انا احبكم فى الله







نيجى للبوست



دائما ما يأسر قلبى


دائما ما يرطب احساسى

دائما ما يداعب خيالى

معه اشعر انى اسعد امرأه فى العالم

ومعه اشعر انى ملكت الكون باسره

دائما ما اتمناه .... وكثيرا ما افتقده

وطوال الوقت احتاج اليه...احتاج اليه كثيرا

فلا يمكننى التنفس بدونه......

ولا يمكن ان اعيش دون ان يغمرنى

ويغمر من حولى

تاه منى اوقات كثيرة

تاه من كثيرين حولى فلم يعثر عليه

حتى الان وربما لن يعود مرة اخرى

تاه وترك حياتهم كالصحراء القاحله ..

تاه وترك معالم القسوة وقد كست وجوههم

وخيمت عليهم اشباح اليأس والاحباط

واستسلموا بكل سهوله لتلك الحياه القاسيه

ربما لو فتشوا قليلا لوجدوه.............

ربما لو شعر هو بحاجتهم اليه وبشوقهم

للعيش فى مملكته لعاد اليهم .....

يحتاج فقط ان يحاولوا

"""انه الحنان """

لاتبخل به على من حولك

اغمرهم دائما بعطفك وحنانك وتفهمك

اشعرهم دائما بحاجتك اليهم

لاتتوقف دائما عن نطق عبارة


" لا استطيع العيش بدونك"

" لا اتحمل ان اراك حزينا "

" انا استمد منك قوتى "

كلمات بسيطه لا تكلفك شيىء ولكن

لها مفعول السحر فى نفس من تخاطبه

صدقنى هيى الطريقه الوحيده لكسب العقول

وأسر القلوب

وهى الطريقه الاكيده لتكون انسان بكل ما

تحمله الكلمه بداخلها من معانى

اياك ان تبخل على من حولك بحنانك وعطفك

قولا وفعلا والا فلتتحمل جفاف حياتك وقسوتها


والسلام عليكم


هيييييييييييييييييه العيد جه

By ليس فقيرا من يحب on 6:34 م

التعليقات (250)

Filed Under:


السلام عليكم ورحمه الله وبركاته



وحشتوووووووووووووووووووووووووووووونى





وحشتووووووووووووووووووووووووووووووونى



وحشتووووووووووووووووووووووووووووووونى


كل سنه وانتم طيبين


كل سنه وانتم من ربنا قريبين



كل سنه وانتم متهنيين وفرحانين ومبسوطين


كل سنه والسعاده ماليه قلوبكم وراحه البال
والسعد والهنا محوطينكم


كل سنه وكل امانيكم قدام عنيكم وكل احلامكم متحققه


عيد فطر سعيد عليكم وعلى كل حبايبكم يارب
وعلى الامه الاسلاميه كلها


اسفه جدا على تقصيرى معاكم المده اللى فاتت



ومتشكرة لكل الناس الطيبين اللى سألوا عنى

وعايزة اقولكم انكم بجد اطيب واجدع اخوات
ربنا يكرمكم ويسعد قلوبكم جميعا يارب


طبعا انا عشمانه انى اطلع بمبلغ كويس من العيد ده


وطبعا بما ان معندناش فى البيت عيد السنه دى لانه


اول عيد بعد وفاه عمى ربنا يرحمه ويدخله الجنه بغير
حساب ولا سابقه عذاب

فالفلس هيشتغل وميرضيكمش انى اقعد مفلسه
فكل اللى يدخل يعيد عليا يسيب حاجه فى الكرتونه اللى

هتقابلكم عند باب المدونه وانتم داخلين ماشى اتفقنا


ملحوظه صغننه


لازم الرجاله تدفع مفيش حل تانى اللهم لاقر ولا حسد


انتم بتشتغلوا والقشه معدن
يستنثى من العيديه من يدخلون ضمن فئه من هذه الفئات


1-العاطلين امثالى



2-الشباب دون 17 سنه



دولا غلبانين هيقسموا معايا فى الاخر

احنا اخوات بقه والمليان يصب على الفاضى


كل سنه وانتم طيبين مرة تانيه


والسلام عليكم

قد اظلكم شهر+انا حسيت بالايه دى النهارده

By ليس فقيرا من يحب on 4:02 م

التعليقات (168)

Filed Under:






بسم الله الرحمن الرحيم



كل سنه وحضراتكم طيبين ويارب تكونوا



كلكم تمام وبخير وصحه وعافيه



الايام الطيبه بتعدى بسرعه ازاى خلاص



اول عشر ايام من رمضان قربو خالص اهه



والعشرين الباقيين برده هيدعدوا بسرعه اكتر



حاولت اكتب فى حمله(قد اظلكم شهر)و



(انا حسيت بالايه دى النهارده)



لقيت مخى مهنج خالص وعطلان عن العمل



ومش عارفه اكتب ايه وبصراحه كمان لانى



مقصرة جدا فخايفه اكون من الذين يقولون



مالا يفعلون وادخل ضمن المقصودين بقول

رب العزة (أتأمرون الناس بالبر وتنسون



انفسكم وانتم تتلون الكتاب افلا تعقلون )



بس عايزة اقول لكل اخوانى ولكل حبايبى



ان من اعظم العبادات التى تقربنا الى الله عز



وجل الدعاء



بسم الله الرحمن الرحيم


" وإذا سألك عبادي عني فإني قريب أجيب



دعوة الداعِ إذا دعانِ فليستجيبوا لي



وليؤمنوا بي لعلهم يرشدون " البقرة 186



الايه دى لما باسمعها او اقرأها بحس



بطمأنينه وراحه بال غير عاديه وبحس



ان ربنا قريب قوى منى وبحس ان كل



مشكله فى العالم ممكن تتحل وكل حاجه

بحلم بيها لازم هتتحقق
وطبعا من الاوقات التى يستجاب فيها الدعاء



شهر رمضان فلازم نتتهز الفرصه وندعو الله



بكل ما نحلم بيه ندعوا الله بالهدايه وتيسير



الامور ندعوا بنصر المسلمين فى كل مكان



اللى نفسه يتجوز واللى نفسه فى الذريه



الصالحه اللى نفسه يموت شهيد واللى نفسه



يحج بيت ربنا اللى نفسه ربنا يفك كربه



واللى نفسه ربنا يطهره من الذنوب



واللى طامع فى مغفرة ربنا ادعى



كلم ربنا



قول كل اللى فى نفسك لح فى الدعاء



ناجى ربنا ربنا قريب منك وسامعك وهيقبلك



مهما قصرت ومهما بعدت ومهما الدنيا خدتك



ربنا قريب مننا قوى ورحيم بينا



ربنا حنين علينا قوى



يارب يارب



قولها من اعماق قلبك وحس بالراحه



والاطمئنان واوعى تشيل للدنيا هم



ياريت تدعولى من قلبكم علشان دعوة



المسلم لاخيه فى ظهر الغيب لاترد



ادعولى بتيسير الامور



ادعولى ان ربنا يكتبلى الخير حيث كان



ويرضينى بيه



اسأل الله الكريم رب العرش العظيم



ان يعتق رقابنا ورقاب ابائنا من النار



وان يرزقنا قيام رمضان وليله القدر



وان يعينا على مجاهده انفسنا ويحببنا



فى كل عمل يقربنا اليه


ملحوظه صغننه


ادعوكم للمشاركه فى الدعوة الكريمه



(انا حسيت بالايه دى النهارده)



والتفاصيل عند اخونا محمود ابو العزم



فى الرابط ده

http://journy-to-myself.blogspot.com/2009/08/blog-post_25.html
هناك دعوة كريمة - جزي الله من فكر فيها كل خير -
وهو دعوة افطار الصائم تفاصيل افطار صائم وهي
موجودة بالتفصيل علي مدونات … داليا قوس قزح ـ
اتمني من جميع المدونين والمدونات
دعم وتبني الفكرة ..
.

الاشتراك في: الرسائل (Atom)
 

template By: Free Templates