رحل عام واتى عام

By ليس فقيرا من يحب on 9:44 م

Filed Under:




لملم عام 2010 أوراقه ورحل منذ ساعات
تاركا خلفه احزان لا تنتهى

وألم فوق الاحتمال تاركا خلفه معذبون كثيرون وحيارى اكثر تاركا اخوانى

واولادى فى غزة معذبون محاصرون بالجدر والاسوار ما ذنب اطفالى

فى فلسطين سيرحل العام ويتركهم غارقين فى همومهم واحزانهم وحاجتهم

كأعوام كثيرة مرت مرت يعيشون فى ظلم وقهر

اقف عاجزة امام حاجه وقهر اطفالى

لا استطيع ان اداوى جراحهم

لا استطيع ان احطم رأس الاحتلال

لا استطيع ان افعل شيىء

لا استطيع سوى ان اصرخ صرخه العجز

يالله انصر اخوانى فى فلسطين وفى كل مكان

فرج كربهم وكربنا اقض حوائجهم واجعل كيد اعدائهم واعدائنا فى نحورهم

رحل العام وبدأ عام جديد

جالبا معه عذابات لا تنتهى وفتن لا تعد ولا تحصى ومحاولات شتى

لتفتيت وحدتنا وتشتيت شمل مصرنا الحبيبه

البقاء لله رحم الله اخواننا من المصريين مسلمين ومسيحين

ولعن الله كل من ايقظ الفتنه

فقط لنعمل عقولنا ولنفكر سويا لمصلحه من هذا الاحتقان الحادث

الان ؟ ولمصلحه من العزف على وتر الدين واشعال الفتنه الطائفيه ؟

فى النهايه انها مصرنا مصرنا جميعا لنفق قبل ان نلحق بركب دول فتتتها نار الفتنه

والقائمه بها الكثير والكثير

كم اشعر بالاسى والحزن

يقتلنى احساسى بالعجز



رحل العام وبدأ عام جديد

عام وبرغم بدايته الحزينه جدا الا اننى اطمع فى ان يكون عام دافىء

تكافئنا فيه السماء بعطاياها وتهب لنا راحه البال والسعاده

امطرتنى امى بالقبلات و بالدعوات وتمنت كثيرا

ان تحمل سنه 2011 بطياتها الفرح لى ولاخوتى ولكل محروم

اخبرتنى امى انا رقم 11 رقم على حد قولها( مفتوح ومنه للسما

وهيكون فيه خير كتير ومش هيكون ابدا زى رقم 9 او 0 او الارقام المقفوله دى )

ها انا انتظر يا امى واعلم ان الخير قادم لا محاله فيكفينى قول رب العزة

(انا عند ظن عبدى فليظن بى ما شاء )

وانا اظن ان الخير قادم باذن الله

كل عام وانتم الى الله اقرب



16 التعليقات for this post

كل سنة وانتي طيبة وبألف خير وصحة وسعادة إن شاء الله

وبإذن الله عام سعيد تحققين فيه ما تتمنين

Posted on 1 يناير 2011 في 9:57 م  
غير معرف

حسبى الله ونعم الوكيل

Posted on 1 يناير 2011 في 10:00 م  

حسبى الله ونعم الوكيل

منهم لله
منهم لله
أنا صاحبى مينا وجرجس
عشره عمر
صداقه دراسه وعيش وملح
وجران
واحد يموت والتانى يتصاب
ليييييييه
وعلشان اييييه
لييييييه

مش عارف اقول غير حسبى الله ونعم الوكيل
يارب انته شاااهد يارب
منهم لله
كل واحد ولا يعرف ربنا ولا يعرف دين
ولا اسلام ولا مسيحيه ولا حتى بوزيه
يارب الرحمه من عندك يارب

Posted on 1 يناير 2011 في 10:51 م  

كل سنة وانتى طيبة وكل المصريين والعرب طيبين وبخير
ان شاء الله ربنا يصلح الاحوال كلها باذن الله

Posted on 2 يناير 2011 في 2:36 ص  

حسبى الله ونعمه الوكيل
بجد الواحد حزين جدا والله

ربنا يعفى عنا جميعا من الظلم والقهر

جزاكى الله خيراً وعفاكى شراً

كل سنه وانتى طيبه يا رانيا

Posted on 2 يناير 2011 في 7:33 ص  
zanatoz

فى العام الجديد

وحدث ما حدث

فبالفعل لا للوحده الوطنيه ونعم للفتنه الطائفيه

نحن نتعرض لفتنه عواقبها كبيره

وما يحدث وسيحدث لايمكن تجاهله ولا يمكن السكوت عليه

ستحتشد المظاهرات

الويل فعلا لما هو ات

ولو الواحد مش قادر يحس بشعورهم

يقيسها على جامع وعلى عيد اضحى وعلى مسجد

الوداع للوحده

Posted on 2 يناير 2011 في 1:59 م  

ان شاء الله زوبعه فى فنجان
او سحابه شتاء تمطر مافى جعبتها وتنتهى سريعا

اسال الله ان تكون الاحداث عند حسن الظن


حسبنا الله ونعم الوكيل


تحياتى

Posted on 2 يناير 2011 في 2:09 م  

كل سنة وانتِ في سعادة وربنا يخسف باللي عمل العملة دي وايقظ الفتنة الارض
لولا

Posted on 2 يناير 2011 في 6:14 م  

ستظل مصر متماسكه رغم كيد الحاقدين والارهاب الاعمى الذي لا دين له

كل سنه وانتي طيبه يارانيا
وربنا يكرمك ويحقق كل ما تتمني

وخالص عزائنا لاخوتنا المسيحيين

Posted on 2 يناير 2011 في 10:18 م  

السلام عليكم رانيا هانم
تحياتى
العام الماضى رحل باحزانه وافراحه اللى كانت قليله
بس انت متوقعه يكون عام 2011 عام دافئ ازاااااى
المعطيات هى المعطيات والحال هو الحال ولا فيش اى اصلاح فى اى حاجه
احنا مكتوب علينا كده

Posted on 6 يناير 2011 في 1:25 م  

السلام عليكم ورحمة الله وبركاتة

ربنا يكرمك يارب والمسلمين

وان شاء الله سنة خير علينا بأذن الله تعالى وربنا يبعد عنا السوء اللهم امين والمسلمين

Posted on 15 يناير 2011 في 10:39 ص  

وحششششششششششششتينى ياقلبى

كل سنه وانتى طيبه

بسجل حضور
كنت هناااااااااااااااااااااااا
ورجعنا تانى
لولولولوى

Posted on 15 يناير 2011 في 10:09 م  

ربنا منتقم جبار وحسبى الله وانت الوكيل يارب

Posted on 15 يناير 2011 في 10:09 م  

بجد مدونتك جميلة
والبوست اللى فات دمة شربات ضحكت من قلبى
والبوست دة بقى اقولك ان ان شاء الله ربنا يعدل الحال وحسبى الله ونعمة الوكيل
تحياتى لصاحبة الدم اللى زى العسل

Posted on 19 يناير 2011 في 3:24 م  

السلامو عليكم

ايه ياقمر انتى عامله ايه
انا جاى اطمن عليكى ايه الاخبار
فينك يابنتى
بقالك مده منزلتيش حاجه
لالالا منقدروش على كده احنا ايوووووه بقى ياجدعان
هههههه
نزلى احجه جديده بقى
وابقى طمنينى عليكى ياقمر

تحياتى لشخصيه ابهرتنى

محمـــد التركــى

Posted on 24 يناير 2011 في 11:07 م  

يارب يتقبل منك و من كل ال بيحبوا مصر يارب احفظ مصر واحفظ الارواح ال فيها و بلغنا رمضان يارب و كلنا واصلين رحمنا وبنحب بعض

Posted on 17 يوليو 2011 في 6:45 م  
 

template By: Free Templates