الى مجهولى المأسوف على شبابه

By ليس فقيرا من يحب on 7:23 م

Filed Under:



السلام عليكم

ازيكم يا عيال يارب تكونو بالف خير
يلا ابلتكم رانيا مهيسه شويه وكاتبه رساله لحبيبها المجهول
اقرو الاحمر وسيبو الاسود ههههههههههه
وشوفو رومانسيتى المنيله على عينها دى
ههههههههههههههههههههههههههههههههههه




حبيبى فلتأتى ولتقترب منى اكثر واكثر

(تعالى ياض قرب متخفش ربنا يولعك بجاز جننتنى
مهو شوف هتيجى يعنى هتيجى فتعالى برضاك احسن )

ولنعوض ايام العذاب والشقاء والموت البطىء

(ايييييييه اصلى انطحنت فى شغل البيت وعمودى الفقرى اتقطم وطلعلى كالو فى قفايا من
كتر المسح والكنس والله يازمن لا بيدينا زرعنا الشوك ولا رضينا يازمن واييييييه )

ولنعوض كل لحظه بعادت فيها الظروف بيننا فالعمر يمضى سريعا

(اه ياض العمر مبقاش فيه قد اللى عدى يخربيتك عايزة اخلف دستتين عيال ومش هالحق )

اتركنى حبيبى اشد الرحال الى عينيك واغوص بداخلها ولتكن هى سكنى الابدى

( ايون هما دول عنيك نفسى امد صوابعى اخلى عنيك تنط بره وشك ومش هاكتفى بعنيك
لا دنا هاقلع عنين اللى يعرفوك اصلا)

لا سكنى سيكون قلبك

(هو كرشك ده هيكون بيتى ومطرحى وحياه امى لانط فى كرشك )


لا لا
انا لا اكتفى بهذا
فلاحتل كل خليه من خلايا جسدك

واذوب فى كل قطرة من دمائك

فلا يمكنك فصلى او انتزاعى من اوردتك وشرايينك

(لاااااااااااا كرشك مين يااااابه كرشك مش كفايه ابدا دنا لازم اكل من شحارتك
واطلع زمارة رقبتك فى ايدى وابقى ورينى هتمشى ازاى من غير الزمارة )

سترانى فى كل شىء وسترانى فى اى شيىء

(عليا النعمه عنيك تروح هنا ولا هنا لاقلعهالك واخليك تمشى اعور
اه منا مقعدش فى البيت زى الهبله واسيبك انت تمشى على حل شعرك انت
حلك الوحيد تتعور ومتشوفش من اصله )


ستغفو عيناك على وجهى

تعالى هنا متدورش وشك اياك تكون زهقت من خلقتى
ولا يمكن زهقت من خلقتى
بص ياض
شايف الحلاوة شايف الطعامه
جاتكم نيله عاملين زى القرع تمدو لبرة


وسترانى فى منامك

اه منا بردو منمش زى العبيطه وانت تعط فى الاحلام براحتك لااااااااااااااا
لو هيبقى فى لسه احلام يبقى تحلم بيا انا
مهو انا فيها لاخفيها

ساقاسمك انفاسك
(نفس نفس يا كده يا اما هاكبس على مراوحك اخليك تفطس و تخلص فى ايدى)

بارادتك ساقاسمك انفاسك

(غصب عنك اوعى تصدق نفسك قال بارادتك قال من يوم ما عرفتنى
تنسى موضوع الاراده ده خااااااااالص )

رغما عنك ساقاسمك انفاسك

(مهو طالما انا حبيتك يبقى ده قدرك المنيل معلش بقى استحمل هطلع عقدى
وكلاكيعى على جتتك )

احتاجك كثيرا احتاج ان القى همومى بين ذراعيك

احتاج ان ابثك الامى واحزانى

احتاج ان احتمى بك من قسوة ايامى

( الصراحه انا عايزاك علشان احطك فى وش المدفع
وافترى براحتى على حسك والصراحه كمان تعبت من الافترا على امى واخواتى
عايزة افش غلى فيك بقى )

سأظل على امل ان القاك وتصعد الارض لتعانق عنان السماء

ساظل احلم بأن تتلاقى كل فصول عامى بين ذراعيك

وساظل انتظر ان تجدنى
وابكى بين يديك حزنا على بعد طالما مزقنى
وساعتها وقعتك هتبقى سوده وكل المحاضرات اللى سمعتها
وكل الحاجات اللى حصلتلى وانا قاعده مستنياك
هتطلع على عينك انت وعيالك واللى خلفوك
ربنا يتولاك يابنى والله وقعت ومحدش سمى عليك
ههههههههههههههههههههههههههههههههههههه وش فاتح سنانه على الاخر
*****************************
هزرنا وهيسنا يلا خدو الخاطرة الاصليه

حبيبى فلتأتى ولتقترب منى اكثر واكثر
ولنعوض ايام العذاب والشقاء والموت البطىء
ولنعوض كل لحظه بعادت فيها الظروف بيننا فالعمر يمضى سريعا
اتركنى حبيبى اشد الرحال الى عينيك واغوص بداخلها ولتكن هى سكنى الابدى
لا سكنى سيكون قلبك
لا لا انا لا اكتفى بهذا فلاحتل كل خليه من خلايا جسدك
واذوب فى كل قطرة من دمائك
فلا يمكنك فصلى او انتزاعى من اوردتك وشرايينك
سترانى فى كل شىء وسترانى فى اى شيىء
ستغفو عيناك على وجهى
وسترانى فى منامك
ساقاسمك انفاسك
بارادتك ساقاسمك انفاسك
رغما عنك ساقاسمك انفاسك
احتاجك كثيرا احتاج ان القى همومى بين ذراعيك
احتاج ان ابثك الامى واحزانى
احتاج ان احتمى بك من قسوة ايامى
وتأكد انى
سأظل على امل ان القاك وتصعد الارض لتعانق عنان السماء
ساظل احلم بأن تتلاقى كل فصول عامى بين ذراعيك
وساظل انتظر ان تجدنى
وابكى بين يديك على بعد طالما مزقنى


اقعدو بالعافيه مع السلام عليكم

35 التعليقات for this post

غير معرف

ههههههههههههههههه
يخربيت عقلك
وحبك الملهلب دا
الواد هيطفش يا بنتى
ايه الكلام الرومانسى الجامده دا
لالالالالالالالالالالالا
الصراحه رومانسيه بحق
ههههههههههه
وحشااااااااانى
وحشااااااااااااانى
وحشاااااااااااااااااانى
ولو اقولك حاسه انى سمعاكى وانا بقرا البوست
امممممممممممم
بجد بقا
الكلام جميل وكله حب ورقه من حبيبة قلبى رونى
ربنا يسعد قلبك يارب
وافرح بيكى قريب
ياااااارب

Posted on 28 نوفمبر 2010 في 8:55 م  

هههههههه
بخصوص الرومانزية الاولانية دى تتطفش اجدعها حبيب
خفى علي الحبيب المجهول شوية
اما بخصوص الرومانسية الحقيقة بجد كلماتها جميلة اوى وكلها احساس تسلم ايديكى واحساسك ياجميل
وربنا يكرمك يارب باللى يقدر قلبك ورومانسيتك الجميلة دى :)

Posted on 28 نوفمبر 2010 في 9:17 م  

ياااااااااااه
هل هلالك
ايه يا بنتي الكبت ده
بعبعي بعبعي ليجرالك حاجه
هههههههههههههههه


ربنا يرزقك الزوج الصالح
ااااااااامين

Posted on 28 نوفمبر 2010 في 9:24 م  

توائم يارانيا
موضوع دستين العيال ده ماتشيليش همه وركزى جهودك يبقوا توائم ان شاء الله
فى ست سنين تكونى جبت الدستة الاولى
لسه فيكى الروح بقى وعندك أمل
تدع ربنا يكرمك بالدستة التانية
ربنا يعترك بسرعة ياحبيبتى فى حبيبك المجهول
ومع كل اللى هيجراله ده انا واثقة ان الست مامته هتكون داعياله ومش بتقوم من على سجادة الصلاة أصلا
هو يطول ؟
الصنف ده موجود والله
زمانه جاى وهتجيبى العيال اللى نفسك فيهم :)

Posted on 28 نوفمبر 2010 في 9:52 م  

ايمو

هههههههههههههههه هههههههههههههههههه

اه طبعا انتو لازم تتعلمو منى الرومانسيه اصلا
حاكم اختك رومانزيه اوى يعنى ههههههههه
هههههههههههههههههه ربنا يخليكى ليا

انتى وحشااااااااانى اكتر ياروح قلبى هابقى اتصل بيكى ان شاء الله ارغى معاكى وشويه

امواااااااااااااااااااااااااااه

Posted on 28 نوفمبر 2010 في 10:32 م  

ايوش

ههههههههههههههه دى مش تطفش يابت

معقوله هيلاقى حنيه اكتر من كده دا يبقى طمع بقى هههههههههههههه

هههههههههههه تسلمى ياروح قلبى
ربنا يسعد ايامك يارب

باحبك

Posted on 28 نوفمبر 2010 في 10:33 م  

طبعا الاصلية أحسن كتير:) :D

Posted on 28 نوفمبر 2010 في 10:36 م  

رورو

هههههههههه ههههههههههههههههههه

ازيك يابت وازى اخبارك وحشاانى والله

هابعبع حاضر لاحسن افطس واحرمكم منى

مقصرة معاكى انا عارفه

بوسيلى نفسك

ربنا يسعد ايامك

Posted on 28 نوفمبر 2010 في 10:42 م  

:)))))

مش ممكن فطست من الضحك
ده لسان حال اغلب الستات

:))))

رومانسية واقعيه تهييييسيه

:))

Posted on 28 نوفمبر 2010 في 10:44 م  

رورو حفيده عرابى

هههههههههههههههه برافو عليكى طول عمرى نفسى فى توائم ههههههههههه
شويه كتير كده يجننونى
هههههههههههههه خلاص انا هاعمل بنصيحتك
لما اتكعبل هاخلف توائم توائم لحد ما اخلص الدستتين ولو فضل حيل اجيبلى عليهم جوزين كمان ولا حاجه ههههههههههههه

ههههههههههههههه ربنا يخليكى ليا يارشا
باحبك اوى والله العظيم انتى من احلى الناس اللى شوفتها
يارب يسعد ايامك ويفرح قلبك

اموااااااااااااااااااااااااااااااه

Posted on 28 نوفمبر 2010 في 11:03 م  

دكتور هيما

هههههههه قصدك التهييسيه يعنى

طب منا عارفه انها احلى كتير

رومانسيه مخلوطه بالتشرد ههههههههههههه
نورتنى

Posted on 28 نوفمبر 2010 في 11:05 م  

شموسه

حبيبه قلبى مقصرة معاكى قوووووووى

ربنا يسعد ايامك علطول

هههههههههه ربنا يصبرنا بقى

نورتينى جدا والله

اموااااااااااااااااااه كبيرة وحضن قد السمااااا

Posted on 28 نوفمبر 2010 في 11:09 م  
غير معرف

البت ضربت يا جدعاااااااااااااااان

ايه يا رانيا الرومازيه دي

انا سخسيا لميت الجيران م الضحك

رومانزيه اخر تسع حاجات

والكلام الجد ده جامد جدااااا

طول عمري بقول البت دي فظيعه


محدش عايز يصدقني


ابو العريف

Posted on 28 نوفمبر 2010 في 11:12 م  

ابو العريف

ههههههه وفظيعه دى مدح ولاذم

هى دى الرومانزيه الصح يامحمد اتعلمو بقى

ربنا يخليك ويارب كده مبسوط علطول

نورتنى

Posted on 28 نوفمبر 2010 في 11:35 م  

رانيا

ايه الكلام الرومانسى اللى جامد طحن ههههههههههههههههههه
على فكره انتى فى الرومانسيه مسه ميه
ربنا يرزقك بعيل ابن حلال يووووووووه اقصد بانسان فاضل يعرف قيمتك يا قمر ويجى بقى يشوف الرساله دى

زهراء

Posted on 29 نوفمبر 2010 في 12:05 ص  

ههههههههههههههههه
هتعملي ذيي
وعهد الله هنجيب ليهم لمس اكتاااااااااااااف:)

Posted on 29 نوفمبر 2010 في 12:51 ص  

انه الموت والهلاك العظيم

الله يخرب بيت اللي يفكر يهوب ناحية بيتكم هههههههههههه
أمه داعيه عليه من قبل ماتولده ويشوف الدنيا

"بارادتك ساقاسمك انفاسك
(غصب عنك اوعى تصدق نفسك قال بارادتك قال من يوم ما عرفتنى
تنسى موضوع الاراده ده خااااااااالص )
"
هههههههههههه

حلوزه حكاية الإراده دي جدا
^^

واحب اضيف على كلام الأخت سوني2000

فكرتيني بالأخ ممدوح فرج وكلامه اللي يهلك من الضحك .. زي مثلا :

طببببببعا ياجماعه ..الراجل دا كان توقف فتره..وبعدين عمل كممممم باك

..وهوبا ..شيفت كروز لاين
هههههههههههه
كارثه الراجل دا

بوست فكرته حلوه .. في انك عملتي مقدمه بالرد ..وبعدين انهتيه بالأصل

بتحبوا تلفوا وتدورا معشر حواء
طبيعتكوا بقى ولا هتشتروهاااااااا؟

^^

كل سنه وانتي طيبه
والعباره في الوزاره
^^ ^^ ^^

Posted on 29 نوفمبر 2010 في 2:01 ص  

ربنا يديكى الصحه والصبر وتخلفى 10 دست يا رونى

الكلام الجد جامد جدا انتى عند كبت بيطلع كلام جامد جامد

تسلم ايدك يا قمر

Posted on 29 نوفمبر 2010 في 2:56 م  

السلام عليكم
دى مدرسه رومانسيه كلاسيكيه متوحشه من نوع خاص ياريت تتعلمها كل البنات
جميله اوى كلماتك تسلم افكارك
تحياتى

Posted on 29 نوفمبر 2010 في 3:29 م  

هههههههههه

سكر سكر

دمك شربات

ايه يا بنتى دا كله

قمه فى الرومانسيه

ابداع ما بعده ابداع

يخرب عقلك

بس هو يجى وانا ارسيه على الدور كله

ههههههه

شكلك كده عايزه تطفشيه من على الباب

طيب ياللا علشان تلحقى تجهزى القطه

وتدبحاله

هههههه

وحشتينى ... وحشتينى .. وحشتينى موووت

عليكى خفه دم محصلتش

قد ايه انتى شقاوووووه

ربنا يفرح قلبك يا اجمل رانيا

Posted on 29 نوفمبر 2010 في 4:00 م  

هههههههههههههه

الحب لله ان حبيبك اساشا من صديقى ولا اعرفه

ناهيك عن الحمدلله انى اصلا اصلا مش حبيبك الماسوف على شبابه

دمك سكر وكلامك جميل موتنى من الضحك

بجد تسلم ايدك

بس عل كده مش هنشوفك عروسه ابداً ابداً

تحياتى

Posted on 29 نوفمبر 2010 في 4:01 م  

سونى

ههههههههههههههههههه

تعالى يلا وسعتلك اقعدى جنبى

كان الله فى عونهم

ههههههههههههههههههه وحشااااااااااااااانى ياقمرايتى

Posted on 30 نوفمبر 2010 في 12:36 م  

قلم رصاص

ههههههههههههههه ههههههههههههههههههههههههه

ههههههه ربنا يتولاه بقى ميعرفش اللى مستنيه
طبعا اومال ايه خد بالك يا معلمى مسيرك تقع ومحدش يسمى عليك وهتنضرب ضرب

يلهوتتتتتتتتتتتتتتتتتى ههههههههههه
احنا احنا نلف وندور ياريسى؟؟؟؟؟؟؟؟ دا احنا نسمه هههههههه
دايما كدهوة ظالمينا
ربنا يسعدك ياريسى يلا شد حيلك الانتوخابات على الابواب

هههههههههههههههه نورتنى جدا والله

Posted on 30 نوفمبر 2010 في 12:36 م  

زهراء القمر

وحشتييييييييييييييييييييينى ياروووووووووح قلبى والله
شوفتينى رومانزيه ازاى تعالى اديكى كورس بقى
هههههههههههههه
ربنا يسعد قلبك وايامك
متخافيش هاحذف البوست لما الباشا يشرف احنا ما هنصدق نكعبله
نقوم نطفشه؟هههههههههههههههه
باحبك والله

Posted on 30 نوفمبر 2010 في 12:37 م  

جوجو

حبيبتى وحشااااااااااانى ازى نادر والعيال يارب تكونو بالف خير
هههههههههه هههههههههههههههه يااااااارب يا اوختشى
بس هما دستتين يادوب الحق اجيبهم اصلا
ربنا يسعدك
باحبببببببببببببببببببك
منورانى يااحلى وارق جوجو

Posted on 30 نوفمبر 2010 في 12:37 م  

حنين

وعليكم السلام ورحمه الله وبركاته

هههههههههههه نحن نختلف خااااااااااالث اهوة اتعلمو منى بقى
ههههههههههههه
طبعا لازم كل البنات تتعلم طبعا اومال هنشردهم ازاى
ههههههههههههه تسلمى يا حبيبتى
نورتينى جداا

Posted on 30 نوفمبر 2010 في 12:37 م  

مرمر

هههههههههههههههههه

شوفتينى وانا رومانسيه يا سحورة هههههههههههههه
دى اقل حاجه عندى على فكرة

ههههههههههههه هتفتنى عليا اخص عليكى دى مكنتش بيتزا اكلناها سوا
لا اطمنى مش هنطفشه هنجر ناعم لحد ما نشنكله ونفاجئه بقى بالرومانسيه بعد كده
وبعدين هى القطه ذنبها ايه انا ادبحه هو واخلص ههههههههههههههه
وحشااااااااااااااااانى قوووووووووووووووى والله
وحشااااااااااااااانى
باحبك بجد
ربنا يسعد ايامك ويخليكى ليا

Posted on 30 نوفمبر 2010 في 12:37 م  

ممكن

هههههههههههههههه هههههههههههه ههههههههههه
قدر ولطف معاك ربنا ياممكن يا اخويا


هههههههههههههه هههههههههههههه
حرام عليك اومال هجيب دستتين العيال منين قال مش ابقى عروسه قال ههههههه

تسلم يارب ربنا يسعدك
نورتنى جدا

Posted on 30 نوفمبر 2010 في 12:38 م  

ههههه حلوة ورومانسية لابعد الحدود تخلي الحبيب المجهول يأخذ ذيله في سنانه ويقول يافكيك
أضحك الله سنك عزيزتي
دمت بكل الود

Posted on 30 نوفمبر 2010 في 8:38 م  

دمك خفيف جدا
وع فكره وانا بقرأ البوست قلت المفروض كانت تكتب الكلام المكتوب بالاسمر لوحده لانه حلو بجد وفرحت لما لاقيتك كاتباه.
البوست الاصلي رائئئئع والافتراضي اروع

Posted on 4 ديسمبر 2010 في 5:47 م  

سلام عليكم

فعلا ليس فقيرا من يحب

المتحابون في الله تحت ظل الرحمن يوم لا ظل الا ظله

فعلا إبداع أختي لاحرمنا الله حسك المرهف


كل سنة وانتم طيبين

تحياتي

Posted on 9 ديسمبر 2010 في 9:30 م  

السلامو عليكم

رانيا فى حاجه غريبه
انا فاكر والنعمه انى علقت على البوست ده عندك فاكر كويس قوووى
بس مش لاقى التعليق
هو انا علقت غلط ولا ايه
وبعدين كان فيه برضو بوست عيد ميلاد والدك
ولا انا مهيس ولا ايه

ماعلينا

كل سنه وانتى طيبه يارونى
ويارب سنه سعيده عليكى يارب

تقبلى تحياتى
والنبى ابقى قوليلى التعليق راح فين
والبوست كمان
الله يخرب بيت الميه اللى لحسه مخنا

محمـــد التركـــى

Posted on 31 ديسمبر 2010 في 11:12 م  

ان شاء الله خير

Posted on 1 يناير 2011 في 11:19 م  

السلام عليكم رانيا
تحياتى
رحل 2010 وكان عام الله بيه اعلم
اما عام 2011 فزى ما بيقولوا اول القصيده .........
عارفه عام 2011 فيه الانتخابات الرئاسيه .. وربنا يستر على البلد
تحياتى

Posted on 10 يناير 2011 في 10:01 م  

سورى يا رونى
محمد يا تركى انت مش مهيس ولا انا كمان
الهانم رانيا حاطه التعليقات من فوق البوست مش فى نهايه البوست زى الناس
رانيا مختلفه شويه وبعدين حصل معايا نفس حوارك ده بالظبط انى علقت على بوست تانى خالص

وشكرا

Posted on 3 مايو 2011 في 5:09 م  
 

template By: Free Templates