عن الكحك ولقاء الاسكندريه احدثكم بالتفصيل الممل

By ليس فقيرا من يحب on 11:33 ص

Filed Under:




السلام عليكم

ملحوظه كده على جنب البوست ده انا كتباه من تانى يوم اللقاء بس المنيل على عينه


النت كان فاصل اينعم هو خلاص الناس نسيت اللقاء اصلا بس مليش دعوة


البوست كابس على مراوحى ولازمن انفس




بخخخخخخخخخخخخخخخخخ


ازيكم يا عيال وحشتووووونى اوى اوى ومقصرة بدرجه غبيه


كان نفسى اشوفكم فرد فرد ونفر نفر ومبسوووووووطه جدا


انى رحت اللقاء وشوفت ناس زى الفل


ايه الطيبه دى يا عيال سبحان الله ناس عمرك ما شوفتها ولا شافتك واول ما تبص


فى وشها ترتاح وتحس كأنك تعرفها من زمان اوى اوى


حاله نفسيه جميله وحب نضيف وصافى لناس اتلاقت ارواحها قبل وشوشها


الحقيقه انى فعلا فرحانه جدا وخففتو عنى كتير وخرجتونى من حاله نفسيه سيئه


تيما ام يوسف ايه الطيبه دى يا ناس وايه الرقه دى لو سمحت ياعادل قولها يا تيما


مش معقوله تيما يكون عندها عيال شحوطات كده هههههههههههههههههههههههه


دا انتى طلعتى نونو خالص باحبك اوى يا اووووى يا طماطم ومعرفتش ارغى


معاكى مع انى نفسى اتكلم معاكى كتير اوى واكيد هيحصل باذن الله


انا تقريبا طول اليوم كنت قاعده كده مزبهله وعماله اتأمل فى وشوش الناس


بهدوء كده ومع انى اكتر واحده رغايه فى العالم الا انى مرغتش كتير اليوم ده


كانت حاله نفسيه كده مختلفه جدا


استاذ خالد دوشتك امبارح بس حقيقى حضرتك من الشخصيات الجدعه اوى اوى


واللى تحس كده بالفه غير عاديه ناحيتها ربنا يسعد ايامك وشكرا على انك


صيتلى فى موضوع الكحك ههههههههههههههههههه


احمد الهامى اللى جاى اخر اليوم مبسوطه اوى انى شوفتك لانك اخ جدع بجد


والف شكر على الشوكلاتات والمصاصه ويارب كده اردهملك وانت عريس فى الكوشه


بدراوى واحمد سو وخالو الصباغ ومحمد التركى وحمدى واحد وخلاص ومحمد جبريل


ومش اسف على الازعاج واحمد اسير الجراح ومهيج الجماهير واحمد سعيد وهيثم الفردوس الضائع وضيا بيوتيفل مايند


ومصطفى ريان ومحمود بطوط حبوب ورامى فايز وكريم فقرى وكيمو صوت من مصر


واخواته اللى زى العسل


انا مبسوطه اوى اوى انى شوفتكم والله وشكرا يابطوط لانى اول ما دخلت النادى كنت حسه انى


مسطوله وغلبانه لحد ما شوفتك انت ورامى وشبطت فيكم حسيت انى لاقيت نجده من السما


الف شكر يا ضياء على الجاتوه وسماح بقى هههههههه عقبال ما اكل جاتوه فرحك يارب


والناس اللى كانو فاكرنى ولد ربنا يسامحكم هه وادى الايام اثبتتلكم انى مش بشنبات


ههههههههههههههههههههه


دودو عاشقه الرومانسيه ايه يابت الجدعنه دى بجد ماشاء الله بميت راجل وطلع عينك اليوم ده


وخليتى بالك مننا كلنا ربنا يسعدك ويفرحنا بيكى يااااااارب


كل سنه وانتى طيبه يا حنونه وعقبال 100 سنه سعاده وهنا يا حماتى


مش انا خطبت عمر امبارح اهو ورور اربيه على ايدى كل سنه وانتى طيبه


دودو والحب الجميل راحو جابو تورته وجاتوه واحتفلنا بعيد ميلاد حنين


عقبال 100 سنه يا حبى وسلميلى على ام رودينا اللى كانت منورانا




زهراء القمر والحب الجميل ومارو قلب القطه وجوزها وسحورة مرمر ايه الطيبه والحنيه


والجدعنه دى يا عيال سبحان الله تدخلو القلب بدون استئذان حسيت بحنيتكم وخوفكم


علينا نحن الغلابه اللى جايين من الاقاليم وحرصكم انكم توصلونا لبر الامان هههههه


مرمر انا باحبك اوووووووووووووووووووى وسلام خاص للاستاذ اسامه على


تعبه معانا وجدعنته وبجد لما اخدتو موجه وديتوها المحطه واطمنتو انها ركبت


انا حسيت ان بجد الناس دى مش ناس عاديه انتو جواهر بجد


وانتى يا ايمو بنتك بهدلتنى خالص وعماله تقولى الزمالك ده مرض


وكبستنى وقالتلى لما انتى زملكاويه لابسه جزمه حمرا ليه بس انا مسكتلهاش


وقولتلها ما انتى لابسه جزمه بيضا زملكاويه لا تعايرنى ولا اعايرك


بس هى عندها حق وافحمتنى ههههههههههههه


بوسيلى عليا وبوسيلى نفسك واديكى حضن كبييييييييير اوووووووى


باحبكم اوى يا عيال


حنان الشافعى وشيمو اعترافات قلب وانجى ايه القمر ده يا عيال بجد انتو زى السكر


يارب يسعدكم ويفرحنا بيكم ومى رحيق الورد جايالى اخر اليوم انا مبسوطه بيكى


وكان نفسى اقعد معاكى من اول اليوم ربنا يسعد ايامك يارب ولينا قاعده تانى ان شاء الله


موجه حبيبتى تعبناكى معانا طول الوقت يا قمر وانتى اللى رحتى جبتيلنا الاكل ربنا يسعدك وافرح


بيكى قريب جنب عريس وحش وشرير بس ياله امرك لله مسيره يبقى طيب فى يوم


ههههههههههههههههههه


جوجو وجوزها انتو بجد زى السكر ما شاء الله ربنا يخليكم لبعض ويخليلكم ولادكم


وياريت يا جوجو تبطلى افترا على الراجل الزملكاوى الغلبان ده لانك شرانيه جدا هههههههه


والله حسه كأنى اعرفك من زمان


رشا حفيده عرابى هاديه اوى وتتحبى مبسوطه بجد انى عرفتك وانتى يابت يادموع


القمر متغاظه منك جدا علشان مش جيتى نفسى اشوفك يابت بجد وكيكى وميمى بردو


متغاظه منكم اوووى


لماضه وسالى مدونه حروف القدر وانا وماما صاحبه مدونه للخيبه جروب وابنها العسل


جوم تقريبا فى اخر اليوم مبسوطه انى شوفتكم اوى


الشوكه الناعمه ورورو سويت انجل وكيارا ومنونا ودكتورةعلا ود نوراهاتى


وكيكى وريم وداليا وناس حبايبنا كتار كلمونا فون وشاركونا بارواحهم


وتلت علينا دودو رساله رقيقه من الاستاذ حازم شلبى ياريت حد يقولى مدونته ايه


وفولتا كان جاى حد نشه عين و عمل حادثه


الف سلامه عليك يا فولتا وان شاء الله اشوفك مرة تانيه يارب اللى يكرهك هو اللى يتعب




اتجمعنا فى نادى التطبقيين بعد طبعا ما ضحكتو عليا وقولتولى ان اللقاء


فى نادى دار مصر ورحتو واقول للراجل اصحابى قالولى هنتقابل هنا يقولى دا


نادى خاص ومفيش حد اقوله والنعمه منا ماشيه مليش دعوة لحد ما كلمت الاستاذ خالد


وعرفت انكو غيرتو مكان اللقاء


وقال ايه كنت قاعده على البسين يا حلاوة يا ولاد الله يرحمك يا جدى لو كنت شوفت


البيسن ده مكنتش موتت اصلا ههههههههههههههههه كان نفسى بجد انزل الميه


بس يلا ملحوقه


اتمشينا على البحر علشان نروح متحف المجوهرات والناس اتصورت بس غيرنا رأينا


مرحناش المتحف ورحنا بحرى واتغدينا واكلنا التورته و رحنا للمراجيح


وكنت هاتجنن واركب بس للاسف الشديد بادوخ من المراجيح وبارجع وبابهدل الدنيا


خالص فقولت اخد ركن احسن بس كنت مبسوطه وانا شايفه العيال طايرين


فى الهوا وعمالين يصوتو واخدلى بالك يا تركى ويادودو ههههههههههه احساس روعه والله


خالو الصباغ وكاميرته واحمد سو وكيمو زوغو وراحو القلعه


وانا الاستاذ خالد وفاتيما ودودو وحنين وقفولى عربيه


المنشيه ورحت انا فى المنشيه اواجه اقدارى لحد ماروحت البيت وانا سعيده


جدا وهلكانه جدا ومش اكل لحد الوقتى اى حاجه لانى ضربت كتير امبارح


وتوته توته خلص اليوم ورانيا قاعده دلوقتى مهدوده


ملحوظه تخينه عامله اصلا اصلا علشانها البوست


انا عملت للناس دى كحك بسكر واعوذ بالله من قوله الكحك


صحيت ماما الساعه 12 بليل ليله السبت وقولتها قومى نعمل كحك


علشان الاقى حاجه اكسر بيها عين الناس دى طول السنه


هههههههههههه طبعا محدش يقدر ينكر انو اكل كحك


وانو كان كحك روعه بكل المقاييس وكان طعم بشكل غير عادى


محدش يشكر فيه ولا يقول روعه ولا يجنن ولا ايه يابت الشطارة


دى ولا تسلم الايدين اللى نقشت الكحك ولا اى حاجه خاااااااااااااااااااالث


انتو عارفين انى متواضعه ومبحبش الاطراء ولا المدح (وش بيغمز)


اياك حد اكل كحك كده ميجيش يعلق لاحظ سيتك انك عينك مكسورة


فتيجى تعلق احسن علشان اعرف اللينك وازوركم واحد واحد


ربنا يجمعنا فى الافراح دايما


متنسوش تدعو على جلال لانو فاصل النت وانا قربت يجيلى صرع منو

على فكرة يا عيال عمتى الحمد لله عملت العمليه وحالتها الوقتى مستقرة

الف حمد وشكر لربنا متحرمش منكم ولا من دعواتكم الطيبه


يلا اقعدو بالعافيه وسلام عليكم








71 التعليقات for this post

وعليكم السلام ورحمة الله وبركاته
:D

Posted on 11 أكتوبر 2010 في 12:05 م  

هو كان روعة اه :)
الكحك يعني
:D

Posted on 11 أكتوبر 2010 في 12:07 م  

امشششششششششششى يا ضيا

لاحسن هاخلى الدكتور ميعرفش يخيط فيك غرزة هههههههههه

ازيك يا عم وازى اخبارك انا قولتلك

مبحبش الاطراء ولا المدح مش كفايه روعه دى

ههههههههههههههه لا بجد انت ماشاء الله شخصيه جميله ومحترم ومبسوطه انى شوفتك والله يارب يكرمك ويسعد ايامك

Posted on 11 أكتوبر 2010 في 12:14 م  

والله لو اعرف انك كنتى جايه اللقاء كنت جيت

على رجلى من عندنا لاسكندريه كمان

صباح الفلوالخير والنور والبنور عليكى

سالفل عليكى وحشانا يا ستو هانم

لو هتروحى اى لقاء قريب تانى قوليلى وهاجى والله هاجى

Posted on 11 أكتوبر 2010 في 12:35 م  

انا عاوز اجى اى لقاء هتيجى فيه

وبما انى مجيتش اللقاء ده

هعملكم احتلال هنا

هييييييييه

Posted on 11 أكتوبر 2010 في 12:39 م  

التعليق السادس على حسى انا بس

Posted on 11 أكتوبر 2010 في 12:39 م  

والسابع على حس كل من دخل المدونه ولا صللى على النبى

Posted on 11 أكتوبر 2010 في 12:39 م  

والتامن رقيتك من عين الحسود يا فقرا يا من يحب انت

وسمعنى احلى سلام بيقول

الواد ده حلو سابق سنه

Posted on 11 أكتوبر 2010 في 12:40 م  

تسعه من اجل ضحايا حرب العيش والطماطم والدواجن تلت ايام حداد عليهم

Posted on 11 أكتوبر 2010 في 12:40 م  

العاشر عشان اولا العاشر من رمضان

عشان ريهام اختى


عشان موبايل ال 7610

وعشان احلى كوبايه شاى شاربها من شويه

Posted on 11 أكتوبر 2010 في 12:40 م  

حداشر لاى حاجه ينفعها الحداشر

او عشان اليوم اللى بعد العاشر من رمضان

وسمعنى احلى سلام بيقول

العتبه جزاز والسلم نيلو فى نايلون

Posted on 11 أكتوبر 2010 في 12:41 م  

اتناشر معرفش ليه

Posted on 11 أكتوبر 2010 في 12:41 م  

ههههههه

طب واحدة واحدة

الهى تنوكس يا جلال

الكحك كان تحفة و عينا ف الأرض اهون

احنا كمان انبسطنا جدااااا بيكم

احنا اتقابلنا قبل كدا مئات المرات عبر مدوناتنا و تعليقاتنا و اخبارنا و احزاننا و افراحنا ..كان فاضل بس الوشوش تتقابل

كل اللى جبتى سيرتهم فعلا ناس زى الفل
يستاهلوا كل حد فينا ينزل من بيته و بلده عشان يقعد معاهم و ياكل عيش و ملح و لو حتى ميلحقش يتكلم معاهم
بس يكفى يطل ف وشهم


انا نونو؟!!
متفرجيش علينا البشرية
اطلعلكو الركم الكومى طيب
انا من مواليد الحرب ..73 يعنى
كل سنة و احنا طيبيين


انتى حد طيب قوى
و حبوبة قوى
و ينطبق عليكى اللى قولتيه علينا
قلوب عارفة بعض
و بينهم آلفة غريبة
و مش غريبة برضو

عقبال كل مرة و تكونى اول واحدة
بوسيلنا ايد ماما الغالية
و قوليلها مكسورى العينو ..بيقولولك تسلم ايدك و عاوزين كل مرة من دا يا طنط ربنا يخليكى لينا

بوسات و حضونات
يا حبيبة قلبى

Posted on 11 أكتوبر 2010 في 12:41 م  

تلتاشر بقى عشان عقده نحس البوم والغربان والرقم تلتاشر

Posted on 11 أكتوبر 2010 في 12:42 م  

معلش عشان انا داخل سباق يا تنت فاتيما

تعليقك مش هيتحسب التلتاشر

Posted on 11 أكتوبر 2010 في 12:42 م  

بسم الله الرحمن الرحيم

اعزائى الطلبه

الان مع برنامج

احتل صديقك المدون

Posted on 11 أكتوبر 2010 في 12:43 م  

اختى بتقولك

بواا بف بف بولايتا بوا تو

هى ست اشهر بس بتعرف لغات يعنى

Posted on 11 أكتوبر 2010 في 12:43 م  

هما لو كملوا عشرين يبقى انا كده زى الفل

Posted on 11 أكتوبر 2010 في 12:43 م  

تعتاشر اعزائى الطالبات والطالبات

Posted on 11 أكتوبر 2010 في 12:43 م  

عشرين وختم النسر يتحطلى طبعا بعد الاحتلال المدوى ده

Posted on 11 أكتوبر 2010 في 12:44 م  

بس اخر حاجه بنصبح على الحاج حسن الاسمر والاستاذ شايل سيفه والاستاذ سايب سيفه

وبنصبح على كل العوالم والرقاصات والزمارين والطبالين

وسمعنى سلام اشتقتلك يا سلاحى

Posted on 11 أكتوبر 2010 في 12:45 م  

يعنى ماما تعمل لنا الكحك الجميل ده والمدونات كلها تعرف هههههههه
ميرسى بجد وتسلم ايدين ماماوقولى لها كل ولادك الى اكلم من الكحك بيدعولك بالصحة وطولت العمر بس المرة الجاية عاوزين لحمة بقى مش كلو كحك يعنىىى
اخوكى: اسامة حسنى

Posted on 11 أكتوبر 2010 في 1:40 م  
غير معرف

أمممممممممممممممم
انا مش اكلت كحك
اصلى كنت ضربة الصبح تورته وشوب شاى باللبن
ههههههههههههه
مكنش فيه مكان
بس البنت لولو اكلت وبتقولك سلم ايدك يا طنطى
مبسوطه كتير يا رونى انى شوفتك وشفت قلبك الابيض الحنون
مبسوطه كتير انى اتعرفت على كل الناس الحلوة اللى جت اللقاء واللى كلمتهم
لا جلال راجل طيب وجميل وهيضبط النت ان شاء الله
بس قوليه عيب علييييييييييييك
وصل النت احسن لك
ههههههههههههه
بحبــــــــــــــك
أووووووووووووووى

Posted on 11 أكتوبر 2010 في 2:12 م  
غير معرف

ابوسلك عليا ماشى
طيب ابوسلك نفسى ازااااااى
هههههههههههههههههه
وصح يا ست انتى لما انتى زملاكويه لبسه جذمه حمرا ليه
هههههههههههه
البنت عندها حق
ولا ايه؟؟؟

Posted on 11 أكتوبر 2010 في 2:26 م  

ازيك يا رونا وحشاننننننننننننننننننننننننى جدييييييييييييى والله العظيم

ازاى التجمع اتنسى احنا لسه فاكرينه وهانعيش على ذكراه لحد التجمع الجاى ان شاء الله

بس افهم من كده انك اتبسطى وهاتتكرر
ولا مره وعدت هههههههههههه

والله انت عثوله وجميله وانا حبيتك خالث
ربنا يسعد قلبك
كان نفسى اكل من الكحك بس والله ماليش فيه خالص بس كفايه انك انت وماما حطيتو ايدكم فيه زبده يا اخواتى زبده
هههههههههههههههههههه

ربنا يفرحنى بيكى يارونا يا رب
انت يابت انا جيت علقت على البوست اللى فات تانى يوم التجمع وديتى تعليقى فين يابت قبى بالتعليق لشرحك هههههههههههههههه

وحشتينى وربنا ياخد بتاع النت يارب علشان تشتركى عند واحد تانى خالللللللللص

Posted on 11 أكتوبر 2010 في 2:50 م  

رانيااااااااااا

تسلم الايادى على الكحك ويارب عقبال ما تعمليه فى بيتك صح كده شوفتى انا عارفه التقاليد ازاى هههههههه

كل لقاء وانتى بخير
عن جد تشرفتى بالكلام معاكى والمره الجايه يكون الكلام اكتر ان شاء الله

زهراء

Posted on 11 أكتوبر 2010 في 2:55 م  

ههههههههههه بت انتى زى العسل بجد بس اعذرينى جيت اخر اليوم ما انى عارفة بقى :((((
بس تعوض ان شاء الله انتى طلعتى صغنونة خالص مكنتش متوقعاكى كده
امورة بجد
تسلميلى حبيبتى واشوفك دايما سعيدة وبخير
مووواه

Posted on 11 أكتوبر 2010 في 3:01 م  

كل دي خلق حضرت؟
انا قريت عند اكتر من حد حضر اللقاء ومحسيتش بكمية الناس دي كلها الا عندك
رغايه رغي ههههههههههه

ومنه لله جلال ،، قاطع النت عن بلاد ماوراء الترعه دا ههههههههه

والحمدلله على نجاح اللقاء
وربنا يسهل ويتكرر تاني وتالت

عيني في السما
عشان مدوقتش الكحك

وبما اني مدوقتش الكحك
إذن أنا محضرتش
وبالتعويض في المعادله

إذن أنا زعلان اني محضرتش

وهو المطلوب اثباته

هههههههههه

سلاموا عليكوا

Posted on 11 أكتوبر 2010 في 3:09 م  

وحشتينى يا مجرمه قوى قوى

انتى ح تزلينى بالكحك
انا صحيت ماما بدرى علشان تعمله
بس الواحد ميقدرش ينكر انه كان جميل تسلم ايدين ماما واللى ساعد ماما

بجد يا غاليه كان يوم جميل الواحد ما يقدرش ينكر اغلبيتنا كنا نعرف بعض وبنشارك بعض فى كل مناسبتنا وافراحنا واحزاننا لكن مكنش ناقص غير ان الوشوش تتقابل

انا انبسط قوى قوى بالرغم من تعب المسافه لكن كنت فى منتهى السعاده وانا فى وسط اجمل صحبه واجمل مدونين
وانت يا حبى انسانه طيبه قوى وحنينه قوى ووشك بشوش وعليكى طيبه جميله

واخر حاجه بقى مش انا مش ح ادعلى على جلال حقوله ربنا يسامحك ومتعملهاش تانى علشان ميحرمناش من ارق رانيا واطيب قلب

ح احملك امانه توصيلها واوعى مش توصليها ازعل قوى وح اسئلك عليها
تبوسيلى ماما قوى دى امانه اوعى خلى بالك

ربنا يسعدك يا قمر

Posted on 11 أكتوبر 2010 في 4:32 م  

طيب انا مكلتش كحك بس هعلق علشان تعرفى انى اجدع منك

( فين الكحك بتاعى يا حراميه)

ما علينا

اخبار عمتك ايه يارب تكون بقت بخير عملت العمليه ولا لسه

انشاء الله يتكرر اليوم الجميل ده

كل لقاء وانتى بخير

تحياتى

Posted on 11 أكتوبر 2010 في 4:42 م  

مستر زناتى

ههههههههههههههههههههه ههههههههههههههههههههههههههههههههههه

ازيك يا وتد يا ميدو ايه ده اغيب ارجع الاقى الدنيا هايصه كده

تصدق شقاوتك دى اللى بتخلى البلوجر ليه طعم

عامل ايه واخبارك واخبار الكليه المنيله دى ايه هتكسفنا ولا ايه

ربنا يخليك ويسعدك يارب

وبجد كان نفسى اشوفك انت وفولتا

بس متعوضه ان شاء الله

يعنى لو كنت قولتلك كنت جيت ولا ده بكش وخلاص

ههههههههههههه ربنا يخليك يا احلى اخواتى الصغيرين

هههههههههههههههههههههههههه

خد بالك من نفسك وطمنى عليك دايما

وخد بالك من الواد فولتا وابعدو عن سكه الاونحراف

Posted on 11 أكتوبر 2010 في 5:04 م  

ههههههههههه يخرب عقلك يا زناتى

عوالم ورقاصات فى مدونتى لاااااااااااااااا

كده بوليس الاداب هيهجم على المدونه

حرام عليك

ربنا يسعدك يا شيخ

Posted on 11 أكتوبر 2010 في 5:09 م  

ايه الرغي ده كله

رغاااااااااااااااايه

رغايه رغايه يعني

لا وبعد الرغي ده كله

قالت علي كل اللي حضروا ونستني

يعني رغايه ونسايه



حمدالله عالسلاسه

وربنا يجمعكم دايما عالخير


وكنت بقول هتروح اسكندريه وتتوه ونرتاح منها بس يظهر مفيش فايده



واهدي سلامي الي جلال وعمو وخالو وتيته

Posted on 11 أكتوبر 2010 في 5:31 م  

مدونتك جميله فعلا و أحلى حاجه فيها إسمها بجد أنا مبسوطه اني دخلت عالم التدوين الساحر و المره الجايه ان شاء الله هبقى معاكم:))

Posted on 11 أكتوبر 2010 في 6:10 م  

لقاء جميل يارونا
ودايما ياستى متجمعين على الخير وانا طبعا مش معاكم

بس ايه البخل ده الا جاين بس هما الا ياكلوا الكحك وانا مافيش كده
مكنش العيش والنت الا اكلناه مع بعش يارانيا

حمدلله على سلامة عمتو

Posted on 11 أكتوبر 2010 في 6:30 م  

ايه الرقه دى يا تيما حتى فى الدعا رقيقه

لاااااااااااااااااا انا عايزة دعوة ترشق فى الراجل تجيبه الارض ههههههههههههه

عندك حق والله يا تيما احنا اتقابلنا مئات المرات

وكفايه فعلا ان الواحد يطل فى وش الناس الطيبه دى

ربنا يسعد قلبك ويفرحك بيوسف وبنفسك

وبكل حبايبك

انا باحبك اوى والله

وبعدين بجد ماشاء الله مش باين عليكى

عقبال 100 سنه وانتى معانا ووسطنا

يا ست الستات

وبعدين الطيب هو اللى بيشوف الناس بعين الطيبه

بوست ايد امى خلاص ربنا يسلمك ويريح بالك ويسعدك

باحبببببببك

بوسااااااات كتييييييييييير وحضن ااااااااااااد السما

Posted on 11 أكتوبر 2010 في 6:36 م  

حواديت

هههههههههههههههه طبعا يا اسامه مش لازمن

اسيحلكم ولا ايه

ربنا يخليك يارب سلامك ودعواتك وصلو

يارب يسعدك ويتقبل منك وانا بجد مبسوطه

انى شوفت حد جدع وطيب زي حضرتك

وبعدين دا انتم تؤمرو لحمه فراخ انشاله حتى كشرى

نورتنى جدا ويارب متجمعين دايما فى الافراح

Posted on 11 أكتوبر 2010 في 6:41 م  

حواديت

هههههههههههههههه طبعا يا اسامه مش لازمن

اسيحلكم ولا ايه

ربنا يخليك يارب سلامك ودعواتك وصلو

يارب يسعدك ويتقبل منك وانا بجد مبسوطه

انى شوفت حد جدع وطيب زي حضرتك

وبعدين دا انتم تؤمرو لحمه فراخ انشاله حتى كشرى

نورتنى جدا ويارب متجمعين دايما فى الافراح

Posted on 11 أكتوبر 2010 في 6:41 م  

الحب الجميل

ههههههههههههههه ايون يا ختى معرفتش اهددك واخليكى تاكلى غصم عنك

انا بجد اللى مبسوطه يا ام الطيبه والحنيه انتى

يلهوى كل ما اشوفك وانتى قلقانه علينا

اقول ياربى ايه البت الحنينه دى

والله بجد انا مبسوطه انى عرفتك يا مونى

ويارب كده اشوفك فى الافراح

شوفى علشان قلبك الطيب مش راضيه تدعى على جلال ههههههههههههههههه

انا اللى باحبك جدااااااااااااااااا والله

Posted on 11 أكتوبر 2010 في 6:47 م  

الحب الجميل

بصى تروحى فى المرايه وتقومى تبوسى نفسك

او تروحى لعليا او ابوها وتقولولهم

بوسونى بوسه من رانيا نيهاااهااااااااى

شوفتى سهله ازاى

بتك افحمتنى اصلا وبصيت للجزمه ومعرفتش انطق هههههههههههههههههههههههه

Posted on 11 أكتوبر 2010 في 6:49 م  

قلب القطه

حنيه الدنيا فيكى انتى وحشاااااااااااانى اكتر والله يا مارو

انتى جميله اوى وطيبه اوووووووووووى

لا ان شاء الله لو الظروف سمحت هتكرر كتير باذن الله

وسلام خاص للحاج ريتشارد جوزك هو بجد الانصاص الحلوة الطيبه بتجرى على بعضها اصلا وانتو الاتنين اطيب واحلى من بعض

ربنا يخليكى والمرة الجايه قولى حاجه تحبيها وانا اجيبهالك يا قمرايا

بطلى افترا الراجل وراه عياله ومراته
ادعى دعوة خفيفه شويه هههههههههه
وبعدين احنا هنا مبنسرقش تعليقات حد
وكمان مبنتهددش اه دنا اشرح بلد باكملها هههههههههههههههههههه

ربنا يخليكى ليا وميحرمنيش منك ابدا

باحبك اوووووووووووووووووووى

Posted on 11 أكتوبر 2010 في 6:52 م  

زهراء

انتى اصلا حته سكر والطيبه بتنط من وشك كده

انا والله مبسوطه اكتر كتير انى عرفتك وشوفتك

وعقبال ما نفرح بيكى واجى انا اعملك الكحك والبيتيفور

باحبك اوى بجد انتى شخصيه محترمه وطيبه جدا

يارب اشوفك دايما فى الافراح

Posted on 11 أكتوبر 2010 في 6:54 م  

مى

ميوووووويه حبيبه قلبى

على فكرة انا باتكثف اوى وبعدين صغنونه مين دنا شحطه ههههههههههههههه

انتى اللى زى القمر بجد وحسيت كأننا اصلا

متربين سوا واعرفك من زمان

المرة الجايه هتكونى موجوده من اول اليوم والا هاشردك

باحبك اووووووووووووووى

يارب المرة الجايه اكون باحضر فرحك ويكون قريب باذن الله

امواااااااااااااااااه كبيرررررررررررررررررررررررررررررررررة

Posted on 11 أكتوبر 2010 في 6:57 م  

قلم رصاص

هههههههه ريسى ما انت عارف انى رغايه

ومبحبش الكلام الكتير

يارب يخليك ولما يتكرر تانى تكون موجود معانا

باذن الله وتاكل كحك واكسر عينك

ههههههههههههه

ايون عيزاك تدعى على جلال كتير لانى حطيت صوابعى فى الشق منه ههههههههههههههههه

ربنا يسعد ايامك ياريس واشوفك كده

وانت عريس باذن الله

Posted on 11 أكتوبر 2010 في 6:59 م  

مرمر

سحوورة حبيييييييييييييييييييييبتى حبيييييييييييييييييييييييييييبتى

انتى وحشاااااااااااااانى اكتر

طلبتك كتير يقولى تليفونك غير متاح

كنت عايزة اطمن على وصولك بالسلامه

والله انتى بجد من احلى الشخصيات اللى عرفتها

كلك حنيه وطيبه وجدعنه كمان وزى القمر

متتخيليش انا سعيده بمعرفتك اد ايه

يا سلام لو الواحد يتغلب على عوائق المسافات بين الوجه البحرى والقبلى
كنتى تلاقينى مجرشه عندك اصلا

وبعدين العنين الطيبه هى اللى بتشوف الناس بعين حلوة

ربنا ميحرمنيش منك ابدا ويخليكى ليا

وخلاص يا ستى الامانه وصلت لامى احنا مبنسرقش لا بوسات ولا حضونات
بنوصل كله اول باول ههههههههه

لاءة بلاش الطيبه والرقه دى وادعى على الراجل لانى عامله طريقه علشان ادخل نت
ومش متأكده هتدوم ولا لاءة

ههههههههههههههههههههههههههه

باحبك اوووووووى اوووووووووووووووى

بوسيلى البنوتات وسلميلى على باباهم

ربنا يخليكم لبعض ويخليكى ليا

Posted on 11 أكتوبر 2010 في 7:05 م  

ممكن

ههههههههههههههههه وبعديييين انا ما صدقت تبت

عن التشريد ههههههههه حد قالك متجيش

الله

الحمد لله عمتى بخير وعملت العمليه وحالتها

مستقرة وكله تمام الف حمد وشكر لربنا ربنا ميحرمنيش من دعواتكم ابدا

ان شاء الله تكون موجود اللقاء الجاى باذن الله

نورتنى جدا

Posted on 11 أكتوبر 2010 في 7:08 م  

ابو العريف

ههههههههههههههههههههههههه

الله ما انت عارف انى رغايه وباحب الكلام

وكمان نسايه بس ايه ده هو انت كنت هناك

دنا مش شوفتك لااااا دنا شوفتك صح

العتب على النظر والسمع التقيل

هههههههههههههههههههههههههههه

الله يسلمك يارب

يارب وان شاء الله اللقاء الجاى تكون موجود انت والعروسه ونشردلك على حق

وبعديييييين فشششششششر دنا اتوه محافظه ههههههههههه

خلاص انا هاوصل سلامك لجلال بس الباقين دول مش متأكده

تحب تسمع ايه نيهااااااااااااهاااااااااااااااااااااى

Posted on 11 أكتوبر 2010 في 7:11 م  

شيرين

ربنا يخليكى يا قمر

نورتى التدوين ونورتى المدونه فى اول زيارة

وان شاء الله يدوم التواصل

وتكونى معانا باذن الله

Posted on 11 أكتوبر 2010 في 7:12 م  

داليا

انتى الاجمل يا داليا وكان نفسى تكونى موجوده

وتاكلى كحك يابت دا انتى فاتك كتير هههههههههههههههه

الله يسلمك يا حبيبتى

متحرمشس منك ابدا ولا من دعواتك

رربنا يخليكى ليا

Posted on 11 أكتوبر 2010 في 7:13 م  

السلامو عليكم

أزايك يارونى بدلعك هاااا
الدلع ده مش ببلاشى
ياله كله من علينا من حق الكحك اللى هتزلينه بيه
ههههههههههه

بس تسلم ايد ماما كان زى السكر

وانتى بنت زى العسل ودمك شربات وفعلا انا قعت افكر شفتك فين فين فين
وفى الاخر
معرفتش برضو

المهم انا مش واخد بالى من موضوع المراجيح ده
انتى تقصدينى انا
ههههههههههههه
اه من الفضايح
ماشى ملحوقه هتروحى فين ياعنى
دى الدنيا اصغر من اللمونه
هههههههههههههه

بجد انتى من الشخصيات اللى الواحد يحس انه يعرفها من سنين
ويحس انها مألوفه بالنسباله
وده بيدل على الطيبه اللى طلعه من قلبك

والف سلامه على عمتك

وكل لقاء تدوينى وانتى طيبه
واكيد هشوفك فى لقائات قادمه
بس غيرى المره ديه بقى هاتى لحمه
فراخ
بط
اى حاجه دسمه كده
واخده بالك مش كحك
حاجه ترم العضم
هههههههههههه

كفايه الواحد يشوفك والله

ربنا يبارك فيكى وفى اسرتك الكريمه

تقبلى تحياتى لأجمل رانيا

محمــــد التركــــى

Posted on 11 أكتوبر 2010 في 8:54 م  
غير معرف

يابت مش طايقاااااااااااكى
فى التليفون اقولك بلاش تجيبى سيره
اسكندريه عشان مانخسرش بعض
الاقيكى
كاتبه بوست كماااااان
ليكى عين بذمتك!!!
ادعى عليكى با ايه
طيب؟؟
ها
هاااااااا
طب مفيش مكالمه لمده سنه محرومه
بقى
كيكى عوووووو

Posted on 11 أكتوبر 2010 في 9:55 م  

انت بتغيظينى يابت ولا ايه

امششششششششششششششى

مخمصاكى :(:(:(:(

Posted on 11 أكتوبر 2010 في 10:08 م  

انا بقى مش لحقت اقعد معاكى ولا مع اى حد
حتى فاتيما ياناااااااس مش عرفت اقعد معاها وده لاول مره بيحصل
وعليه فقد قررنا نحن الست دودو هانم
انى مش هارتب اى لقاء تانى بتاتا
ممكن احضر كضيفه
ايه رايك بقى؟

بجد فرحانه انى شفتك واليوم ده هيفضل فى بالنا لحد ما نشوفكم تانى


بحبك يارونى

Posted on 11 أكتوبر 2010 في 10:28 م  

اولا :
ازيك ووحشتينا من يوم اللقاء ..
ثانيا :
نتمني نشوفك تاني
ثالثا :
اليوم كان جميل بيكي وبكل الناس الي كانت موجودة
رابعا :
انا مكلتش كحك :(:(:(:( ومش هرتاح اللي لما تجيبيلي كحك مخصوص المرة الجاية وتقولي للحاجة ده لحمدي واحد وخلاص (وش بيضحك)
خامسا :
نورتيني علي المدونة وعايز التكرار ماشي هااه ماشي .
سابعا :
سوري نسيت سادسا
ثامنا:
خلاص مفيش حاجة بقي

تحياتي
حمدي

Posted on 12 أكتوبر 2010 في 1:55 م  

حمد الله على سلامة الإنترنت

أنا مش قادر أنسجم مع البوست
علشان:
محضرتش لقاء الإسكندرية
وثانياً مليش في الكحك

Posted on 13 أكتوبر 2010 في 3:09 ص  

يا باختكوا
يارب يجمعنا على خير
يارب
ويكون عندنا نصيب
فى تجمع تانى

Posted on 13 أكتوبر 2010 في 10:08 م  
غير معرف

النت فاصل واول ما يجى باذن الله هارد عليكم كلكم وازوركم

وحشتوووووووووونى

ليس فقيرا من يحب

Posted on 14 أكتوبر 2010 في 11:22 ص  

طب انا ماكلتش كحك ما اردش ؟؟؟؟
بطلوا بقى تقاريركم دى بتحسسوني انى الوحيدة اللى في بورسعيد عندي مدونة
نفسي اقابل حد منكم بس مش عارفة بلا خيبة خيبتوا املي فيكو :(
ابقوا اعملوه مرة في بورسعيد واجبروا بخاطري

Posted on 14 أكتوبر 2010 في 10:18 م  
أزال المؤلف هذا التعليق.
Posted on 15 أكتوبر 2010 في 6:50 م  

محمد التركى
وعليكم السلام ورحمه الله وبركاته

ازيك ياباشا وازى اخبارك
انا مبسوطه والله انى شوفتك وطبعا لازمن ازلكم بالكحك اومال انا عملاه ليه هههههههههههههههههه
تسلم يارب وبعدين مفيش تسلم الايدين اللى نقشت الكحك لازم ندى لكل واحد حقه ههههههههههههههههه
بالنوسبه للمراجيح فكان فى واحد كده عمال يصرخ ويقول وقفوا انا دخت هههههههههههههه اومال انا عامله البوست ليه مش علشان اسيح ههههههههه

ربنا يخليك ويكرمك وطبيعى القلوب والعيون الحلوة بتشوف الناس كلها كده

ربنا يكرمك يارب ونتجمع بقى فى فرحك وهيبقى فيه الاكل الدسم اللى يرم العضم كله
هههههههههههههههههه عنايا ليك
نورتنى جدا جداااااااااا
فى حفظ الله

Posted on 15 أكتوبر 2010 في 6:51 م  

كييييييييكتى

وانا باحبك اوووووووووى اووووووووووووووى حتى لو كرهتينى
اسكندريه تجننننننن على فكرة
وبعدين انا قولتلك تعالى ومش رضيتى تيجى صح ولا لاءة
مسيرى اشوفك يا روحى وهاطلع عنيكى
سماح متحرمنيش من صوتك
باحبك

Posted on 15 أكتوبر 2010 في 7:24 م  

همسات

توتى ياروح قلبى

انا اصلا كنت قاعده مستنياكى لحد ما كلمتك وقولتى مش جايه
نفسى اشوفك اوى يابت
ربنا يسعدك
باحبك اووووووى

Posted on 15 أكتوبر 2010 في 7:27 م  

عاشقه الرومانسيه

دودو يا حبيبتى انتى تعبتى اليوم ده بجد اوى
بس حتى لو مقعدناش مع بعض كفايه اننا
فى نفس المكان وبنتنفس نفس الهوا

لا هترتبى تانى بس هنظم نفسنا المرة الجايه باذن الله
باحبك اوى ومبسوطه اوى انى شوفتك والله
يارب اشوفك كده عروسه فى الكوشه
وناكل جاتوه فرحك

Posted on 15 أكتوبر 2010 في 7:29 م  

حمدىىىىىىىىى

اولا ازيك انت وانت كمان وحشتنا من اول اللقاء ومن النهارده انت واحد من عيالى لمدونين

ثانيا نفسى انا كمان اشوفك تانى وتكون بالف خير
ثالثا اليوم كان جميل بيك وبكل الناس
الحلوة اوى اوى اللى كانت موجوده

رابعا ماكلتش كحك علشانك جيت متأخر وانا كنت اديت بقيت الكحك لبتوع الامن فى النادى والمرة الجايه ان شاء الله عنايا ليك واعملك كل حاجه نفسك فيها

خامسا انت كمان نورتنى على المدونه وعايزاك تكررها كتير

سابعا انت شخص زى العسل وطيب جداااااااااااااااا

وثامنا بقى انا نسيت سادسا

نورتتتتتتتتتتتتتتنى جدااااااااااااا ومبسوطه اوى بيك

Posted on 15 أكتوبر 2010 في 7:33 م  

د ياسر

لسه النت منيل والله يا دكترة

طب كده انت الخسران علشان

اولا محضرتش اللقاء وشوفت كميه الناس الحلوين دول
ثانيا مأكلتش من الكحك ودى فى حد ذاتها خسارة كبيييييييييرة

نورتنى جدا والله ويارب اشوفك كده ويكون
يوم فرحك

Posted on 15 أكتوبر 2010 في 7:35 م  

محمود

ههههه لسه بتحقد علينا بردو

ان شاء الله يكون فى نصيب ونتجمع تانى على خير

ربنا يكرمك يارب ويسعد ايامك
نورتنى جدا يا هندسه

Posted on 15 أكتوبر 2010 في 7:36 م  

ندى

حبيبه قلبى ازيك وحشاااااااااانى اووووووووووووى

تعالى انتى بس وانا هاعملك احلى كحك

وبعدين قدرنا ان مسافات بعيده بتفصلنا

بس كفايه انى شوفتك فى خيالى رقيقه وطيبه وامورة

ربنا يسعد ايامك
باحبك اووى

Posted on 15 أكتوبر 2010 في 7:37 م  

بجد انا زعلان اني ما كنتش معاكم في الرحله الجميله ده وياريت لو تتكرر ونعرف نشوف الناس كلها وانا مشتاق اني اشوفهم واعرفهم كلهم وياريت يبقى في كحك برده المره اللي جايه عشان نعرف نمدح فيه انما همدح فيه ازاي وانا ما شفتوش بس اكيد كان جامد وطعم

Posted on 15 أكتوبر 2010 في 11:12 م  
غير معرف

شكرا

Posted on 16 أكتوبر 2010 في 1:23 ص  

نتمنى أن تشاركينا التفكير في
كلانا يفكر
http://shlandsohila.blogspot.com


سهيلة

Posted on 26 أكتوبر 2010 في 7:35 م  

كل سنه وانت طيبه يا رورو يارب السنه الجايه فرحانه بيكى يارب

يعود عليكى وعلى الاهل بالخير ان شاء الله

Posted on 15 نوفمبر 2010 في 8:34 م  
 

template By: Free Templates