اسمحلى

By ليس فقيرا من يحب on 9:14 م

Filed Under:





السلام عليكم

ازيكم يا عيال وازى اخباركم يارب تكونو بالف خير مش هعتذر

على التقصير معاكم عشان انا بجد غلسه
ومعنديش عذر بس هى

حاله ملل بايخه وشويه احباط
ومش عارفه هتروح من عندى امتى

بس وحشتونى بجد
عموما خدوا الخاطرة الرومانسيه تطرى الجو شويه




اسمحلى سيدى واميرى والملك المتوج على عرش قلبي أن أخطفك

من عالمك القاسي الجاف وألمه وعذابه وان احلق بك عاليا فوق

سماء مملكتي الجميلة

اسمحلى أن اصطحبك لعالمي السحري

عالمي الخيالي

عالمي المجنون

اسمحلى أن أنسيك الدنيا بكل همومها وإحزانها

اسمحلى أن أغوص داخل أعماق نفسك وأعيد هيكلتها من جديد

فاغتصب كل الهموم وأحررك من كل معاني القسوة ومن كل مسحات العذاب

اسمحلى أن أهديك نفسا حنونة هادئة متفائلة لاترى من الدنيا إلا الجانب المشرق

اسمحلى سيدى أن ننصهر ونذوب معا ونتحول لكيان واحد

اسمحلى أن أتنسم عبير أنفاسك

اسمحلى عشيقي ورفيقي أن أذوب في كل خليه من خلايا جسدك

اسمحلى أن احتل كل فكرة داخل عقلك

اسمحلى أن اشعر بكل نبضه من نبضات قلبك

اسمحلى فقربك هو سر الحياة

أعشقك يا سيدى ولن أتنازل عنك

اعشقك


اقعدوا بالعافيه مع السلام عليكم

48 التعليقات for this post

متغيبيش ى تانى بقى عشان ارضى ادخلك الامتحان

Posted on 24 أبريل 2010 في 10:11 م  

رانيا الجميله

بلاش غياب تاني بدون اعذار

من صدق مش عاملين حساب لحد
قال يعني مشغوليين ووراكم المسؤؤليات

وحشاني ياقمر

اسمحلي خاطره جميله جداااااا
اسمحيلي اهديكي الاغنيه دي بناسبه تسمحلي
تسمحلي ادلعك

اقعدي بالعافيه

Posted on 24 أبريل 2010 في 11:08 م  

حلم بيعافر

حاضر يا عم محمد بس مفيش اعفاء

من المصروفات طيب بالمرة

يارب تكون بخير

نورتنى

فى حفظ الله

Posted on 24 أبريل 2010 في 11:23 م  

رااانيااااااااااااا

وحشاناااااااااا جدا جدا
كل ده غياب كده مش ينفع
اسمحى لى كده ممكن نزعل منك
هههههههههههههههههه

تحفه اوى الخاطره رقيقه زيك بالضبط
ومن غير اسمحلى انتى تدخلى من غير استئذان واعمل كل اللى فى نفسك
دمتى بكل خير
فى انتظار بوست تانى عن قريب ان شاء الله

Posted on 24 أبريل 2010 في 11:23 م  

منار

حاضر يا دكتورتنا الجميله

معنتش اغيب من غير سبب ههههههههه

ياريت ياوختشى كان فى مسؤليات كانت بقت عنب

انتى وحشانى اكتر يا روح قلبى

الاجمل هو مرورك وبعدين اسمحلك طبعا

نورتينى

فى حفظ الله

Posted on 24 أبريل 2010 في 11:26 م  

لولا وزهراء

انتم كمان وحتشونى قوى ويعلم ربنا

انا طبعا مقدرش على زعلكم ومعنتش اغيب تانى

الارق هو انتم والله ومروركم الجميل

طبعا انا ادخل من غير استئذان اومال

ايه طيشه انا ههههههههههه

نورتونى جداااااااااااا

فى حفظ الله

Posted on 24 أبريل 2010 في 11:30 م  

طب اسمحيلي انتي بقى متغيبيش تاني
ههههههههههههههه

اولا حمدلله على السلامه
هو انتي جيتي من المريخ امتى ؟
ههههههههههه

بجد خاطره جميله جداااااا

بس انصحك خليكي تقيله شويه
عشان بس اسم النبي حارسه ميتغرش بس على سيادة رئيسة الوزرا

^_^

تقبلي مروري وتحيتي

Posted on 25 أبريل 2010 في 12:40 ص  
غير معرف

بجد قمه الرومانسيه
بس والله عواقبها بتوجع اوى
مافيش حد يستاهل يتحب اوى كده
عارفه انتى لو ملكتى واحد فيكى كده
هايبقى زى اللى لما بيقدر مايعفيش
مش هايديكى اى مشاعر هايبقى عاوز ياخود وخلاص
وبعدين هايوصل لمرحله انوا يدور على حدغيرك يحط فيه بصماتك مدعى انها مشاعره
تريسى
اسفه على كلام المتشئم بس اهه مجرد راى
تقبلى مرورى
تحياتى

Posted on 25 أبريل 2010 في 1:12 ص  
غير معرف

نورتى

وخلى بالك لو غبتى اكتر من 14 يوم المرة الجاية هنعتب لك انذار وبعدها رفدددددد
ههههههههههههههههههه


وانا ايضا
اعشقك يا سيدى ولن اتنازل عنك

Posted on 25 أبريل 2010 في 1:31 ص  

احم احم
سلامو عليكو

والله لو جت وقالتلي نص الكلام ده
ده انا اروح فيها
ههههههه
بجد كلام جميل قوي قوي
واكيد هيسمحلك طبعا والا يبقي معندوش دم
سوري لو كان سامعني

هههههههه

سلااام

Posted on 25 أبريل 2010 في 7:17 ص  

السلام عليكم ورحمة الله وبركاتة

اخبارك اية
عندى خير ليكوااا ان شاء الله كبير بأذن الله تعالى فية جمعية يااشباب لرعاية مرضى السرطان ومحتاجة دعمكم يااشباب عن طريق نشر حسابات الجمعية المعترف بيها من الجهات الحكومية لانها فعلا بتساعد ناس كتير من مرضى السرطان وكمان عائلتهم وكمان فية اهتمام اكبر بمستشفى 57357 وفية اهتمام اعلامى كبير بيها فياريت نساعد بعض فى مساعدة الجمعية "الامل فرع سوهاج "علشان تساعد ناس اكتر من المرضى كمان قال رسولنا العظيم فى حديثة :-
أتى النبي صلى الله عليه وسلم رجل يستحمله فلم يجد عنده ما يتحمله فدله على آخر فحمله فأتى النبي صلى الله عليه وسلم فأخبره فقال إن الدال على الخير كفاعله

** فياريت ياشباب نتبرع ولو بجنية علشان نساعد الجمعية دى وننشرها اكتر على جميع الناس والتبرعين .واليكم ارقام الحسابات

بنك فيصل الاسلامي 26270 فرع سوهاج

البنك الاهلى 734626 فرع سوهاج

البريد المصري 152077 فرع سوهاج

باسم جمعية الامل لرعاية مرضى السرطان

ودة ميل نائب مدير الجمعية لاى استفسار ومساعدة :---

g.elamal@yahoo.com


وقال صلى الله عليه وسلم : " إذا مات ابن آدم انقطع عمله إلا من ثلاث صدقة جارية ، أو علم ينتفع به ، أو ولد صالح يدعو له "

خليها صدقة جارية يااشباب وسااعدونا الله يكرمكواااااااااااا

الرجاء النشر

Posted on 25 أبريل 2010 في 9:49 ص  

السلام عليكم

حمدالله على سلامتك حبيبتى
نورتى مدونتك من تانى
وياريت بلاش تغيبى أكتر من كده


الخاطره جميله
ان شاء الله تلاقى الانسان اللى يخطف قلبك ويريح بالك
يارب
لانك طيبه ورقيقه

دمتى بكل حب
تحياتى
شذا

Posted on 25 أبريل 2010 في 1:43 م  
غير معرف

رانيا
وعليكم السلام
ازيك
انتى فين من زمان

عادي كلنا ممكن تيجي لنا حاله الملل دي
ربنا يسعدك دايما

الخاطره عاطفيه وجميله فعلا
جوها جميل

لكن اسمحى لى اتحفظ شويه على بعض المصطلحات مثل عشيقى

اسف للنقد
وطبعا ده لا يقلل اعجابي بالخاطره بشكل عام
وبمدونتك طبعا
والاختلاف فى الراى لا يفسد للود قضيه
معلش باه
يعنى لما تخرجى من الملل تلاقى حد زيي يغلس عليكي
معلش باه واحد غلس هاتعملى ايه

اشكرك مره تانيه
ربنا يكرمك ويسعدك

Posted on 25 أبريل 2010 في 6:19 م  

الراجل ده هيسمح بكتير قوى
هايل

Posted on 26 أبريل 2010 في 3:20 ص  

سماء مملكتي الجميلة

هو انتي عندك مملكة ؟ ...ده انتي طلعتي ملكة بجد بقى !

عالم سحري ؟ ... انتي ملكة و لا ساحرة ؟

عالم خيالي ... أنا خيالي فاضل جنبي على طول ما بيتعتعش من غير ما اتحرك أنا ، خيالي بقى و انا عارفه

عالم مجنون ... أكيد السرايا الصفرا .. قريب من الجامعة






أنا هبطل تهييس عند هذا الحد و بجد الاطلالة بعد "الحقوووووووووونا" جميلة جدا

جميلة جدا جدا جدا

متغيبيش تاني أجاين مطلقاً بتاتاً أصلاً يا خالتو

خلاص

Posted on 26 أبريل 2010 في 5:38 ص  

هو ده اول تعليق ليا في مدونتك

لكن حقيقي مميزه حتى اسمها مميز

والخاطره ده رائعه بجد

وكلماتك جميله ورقيقه

سلمت يداكى

تقبلى مرورى

Posted on 26 أبريل 2010 في 8:14 م  

كل ده !!!! وعندك حالة ملل ... امال لو كنت في حالة تألق كنتي كتبتي ايه ؟؟؟

خاطرة .. جميلة .. وغير تقليدية .. فنحن تعودنا ان تخفي الانثي مشاعرها ولا تبديها الا بقدر يثير الغموض ..

الذي عندك ليس حالة ملل ... ولكنه حالة حسد .. هههه ... وانا اعترف انك كنتي تثيري حسد الكثيرين - انا منهم - في نشاطك الجم .. وقدرتك المذهلة في الرد علي جميع التعليقات التي تصلك .. وكذلك قدرتك ايضا علي متابعة جميع التدوينات وتواجدك الدائم في المدونات ...

لذا نداء عاجل ... عودي - وحالا .. وبمنتهي السرعة - الي سابق عهدك .. وانفضي عنك الكسل ... واظن ان بعضا من البخور تطلقيه في المدونة - لطرد عيون الحاسدين - هههههه ... وكذلك تعليق خمسة وخميسة

والسلام عليكم ورحمة الله وبركاته

Posted on 26 أبريل 2010 في 11:08 م  
أزال المؤلف هذا التعليق.
Posted on 26 أبريل 2010 في 11:08 م  

يعني بالله عليكي

أنا أعلق إزاي وانتي بتقولي إزيكم يا عيال \



هههههههه

أنا ممتنع عن التعليق وعليكي غرامة واحد إكسبريسو


أسعدك الله

Posted on 27 أبريل 2010 في 9:12 ص  

قلم رصاص

هههههههههههه حاضر ياريس دى اوامر

رئاسيه مقدرش اكسرها

الله يسلمك يارب انا يادوب لسه نازله من

سفينه الفضاء من يومين ههههههههه

هههههههههههه انا لا اؤمن بمبدأ التقل

ده ابداااااااااااا

ربنا يكرمك يارب والاجمل هو مرورك

نورتنى جدا

فى حفظ الله

Posted on 27 أبريل 2010 في 8:55 م  

الشوكه الناعمه

ياااااه هو اينعم انا لسه مش حبيت حد

وللدرجه دى بس مشتاقه جدا انى احب

وساعتها هاحاول انفذ الكلام ده بحذافيره

بصى ياروح قلبى الناس اللى بتستمتع بالعطاء مبتركزش اوى انها تاخد بقدر ماهيا مستمتعه بانها تدى

اممممممممم مش عارفه الحقيقه مقدرش احكم من غير تجربه
ربنا يسعد قلبك ونورتينى جدا فى اول
زيارة ويارب كده يدوم التواصل
ويريح قلبك يارب

فى حفظ الله يا قمر

Posted on 27 أبريل 2010 في 9:00 م  

ستار

دا نورك يا عسليه يلهووووووى اعمل ايه

اوعى يابت بابا يعرف هههههههههه

وانا ايضا باموت فيك يا عسل

نورتينى
فى حفظ الله

Posted on 27 أبريل 2010 في 9:03 م  

انسان عادى

احم احم

وعليكم السلام ورحمه الله وبركاته

ههههههههههه ان شاء الله هتيجى وتتشحتف

عليك كمان

هههههههههههههههه
الاجمل هو مرورك يا هندسه

نورتنى

فى حفظ الله

Posted on 27 أبريل 2010 في 9:04 م  

انسان عادى

احم احم

وعليكم السلام ورحمه الله وبركاته

ههههههههههه ان شاء الله هتيجى وتتشحتف

عليك كمان

هههههههههههههههه
الاجمل هو مرورك يا هندسه

نورتنى

فى حفظ الله

Posted on 27 أبريل 2010 في 9:05 م  

طهر فؤادك

وعليكم السلام ورحمه الله وبركاته

انا بخير الحمد لله

ربنا يبارك فيك ويجازيك كل خير

ويجعل جهدك فى ميزان حسناتك وحاضر

هانشره باذن الله
نورتنى
فى حفظ الله

Posted on 27 أبريل 2010 في 9:07 م  

شذا الروح

وعليكم السلام ورحمه الله وبركاته

الله يسلمك ياروح قلبى

ربنا يسعدك يارب وحاضر مش هاغيب تانى

ربنا يبارك فيك والارق والاجمل هو مرورك

نورتينى جدا يا قمرى

فى حفظ الله

Posted on 27 أبريل 2010 في 9:09 م  

م محمود فوزى

وعليكم السلام ورحمه الله وبركاته

ازيك يا هندسه انا بخير الحمد لله

موجوده فى الدنيا اهوة

اللهم امين ويسعدك يارب

طبعا حضرتك عارف انى ديموقراطيه
ومسموحلك تعترض طبعا ههههههههههه

انا حاولت اختار لفظ تانى بس محستش غير بالكلمه دى واعتقد انه حلو ان الواحد
يعتبر زوجه او نصه التانى ابوه وامه وابنه ورفيقه وعشيقه كمان

مش عارفه الحقيقه وطبعا حضرتك مش غلس ولا حاجه
دا حضرتك اخويا الكبير والمفروض توجهنى بردو
ربنا يكرمك يارب
نورتنى

فى حفظ الله

Posted on 27 أبريل 2010 في 9:14 م  

صوت من مصر

هههههههههههههه غصب عنه مش برضاه يا كيمو

ربنا يكرمك ويسعدك يارب

نورتنى جدا

فى حفظ الله

Posted on 27 أبريل 2010 في 9:15 م  

السلام عليكم
عوده طيبه
انا كمان كنت متغيبه الفتره الى فاتت عشان انس ادعيلو
وفقكِ الله لما يحبه ويرضاه
دمتى بخير حبيبتى

Posted on 27 أبريل 2010 في 9:15 م  

رجل تحت الصفر

ايوووون انا ملكه وساحرة ومجنونه وعاقله

وهاديه ومش هاديه وكل حاجه متركبه على بعضها ههههههههههههه

الاجمل جدا جدا هو مرورك وتفصيصك للكلمات كده هههههههههههههه

حاضر مش هاغيب تانى يابن اختى هاغيب واسيبكم لمين

نورتنى جدا جدا
فى حفظ الله

Posted on 27 أبريل 2010 في 9:17 م  

بحر الحياه

ايون هو اول تعليق ياعسليه

ربنا يسعدك ويكرمك يا حبيتى

الارق والاجمل والاكثر تميزا هو مرورك

نورتينى فى اول زيارة للمدونه وان شاء

الله يدوم التواصل

فى حفظ الله

Posted on 27 أبريل 2010 في 9:27 م  

المهندس

لاءة طبعا دا ده اقل حاجه عندى ههههههههههه

انا بقى مش من الحزب بتاع التقل والغموض والكلام ده بس طبعا بما يرضى الله مش بوقاحه وفى الاطار كمان

ههههههههههه طب هات بقه خصله من شعرك اتبخر بيها يمكن حاله الملل تروح هههه

حاضر يا هندسه هارجع اركز تانى وانشط

وهقتل الحاله دى شر قتله

نورتنى جدا

فى حفظ الله

Posted on 27 أبريل 2010 في 9:41 م  

يلهووووووووى

يا نهااااااااارى

يا حوووووووووووووووووووومتى

مين ده اللى استجرى يحذف تعليق وانا

مش موجوده

هو انا طيشه ولا ايه

لااااااااااااءة انا شريره

اللى حذف التعليق يرجعه

وقد اعذر من انذر
ههههههههههههههههههههههههههههههههههه

Posted on 27 أبريل 2010 في 9:44 م  

مش فاكر انا علقت ولا لا

بس انا جيت قريت كام مره
احساس عالي جدا
بس خيالي جدا

اسلوبك خطير بجد

انت بتجيبي الكلام ده منين

ربنا يسعد قلبك

Posted on 27 أبريل 2010 في 9:56 م  

احمد الصعيدى

هههههههههههههه كلنا عيال الله

يا شاعرنا الصعيدى الهمام

ههههههههههه

انا موافقه على الغرامه بس على شرط

يكون ناتج الاكسبرسو قصيده حلوة كده


ربنا يكرمك ويسعدك يارب

نورتنى

فى حفظ الله

Posted on 27 أبريل 2010 في 10:51 م  

المجاهد الصغير

وعليكم السلام ورحمه الله وبركاته

ربنا يكرمك يا حبيبتى ويوفقك

ويبارك فى انس وفى كل حبايبك ويفرحك بيهم يارب

اللهم امين

نورتينى جدا ياروح قلبى

فى حفظ الله

Posted on 27 أبريل 2010 في 11:02 م  

ابو العريف

لا مش علقت ياعم الحج احنا مش بنخبى تعليقات حد ههههههههههههه

ازاى عالى بس خيالى يعنى دا مدح ولا ذم هههههههههه

باجيبه من دماغى وربنا هههههههه

اللهم امين ربنا يكرمكويسعد قلبك يارب

نورتنى

فى حفظ الله

Posted on 27 أبريل 2010 في 11:06 م  

روووووووووونىىىىىىىىىىىىى
ازيك يا كتاكيتو
عاملة ايه دلوقتى يارب تكون نفساويتك احسن طبعا عارفة الحالة اللى انتى بتتكلمى عليها دى دى اكتئاب على خفيف ههههههههههه
لا بجد بعد الشر عنك يا حبيبتى وراح للناس الوحشة الكخة انما انتى لا
شوفى لما بيزيد عليا الموضوع ده بدخل المطبخ وافتكس اى حاجة فرحة العيال ولادى بالافتكاسة دى بتنسينى الضيق اللى انا فيه
ممكن تجربى كده ادخلى اعملى وصفة بس تكون زى خبز مثلا لان العجن ده بيظبط النفسية :)
او مارسى هواية رسم مثلا تطريز الحاجات دى هى اللى كانت مخليه البنات والستات زمان دمهم رايق ومزاجهم عال العال هههههههههههه
وكمان هواية كتابة الخواطر والحاجات دى نميها هتكون منفس هايل قوى
بس ده انتى طلعتى رومانتيكية يا رونى ههههههه
ربنا يوفقك يارب وعقبال ما تقولى الحاجات الحلوة دى لابن الحلال اللى هيسجنك فى القفص (قفص ذهبى متخافيش)

Posted on 28 أبريل 2010 في 11:04 ص  
غير معرف

رانيا
جزاكم الله خيرا على الرد الجميل
وطبعا شرف ليا اعتبارى اخوكي الكبير

وجهه نظرك معقوله
لان طبعا اى زوجين من المفترض انهم يعتبروا بعض اصدقاء واحباء وكده

انا بس تحفظى كان بس على ان اللفظ خلفيته عند الناس مش كويسه

انما طبعا انا عارف انك تقصدى المعنى اللى قلتيه
ومفيش مشكله

ربنا يكرمك ويسعدك

Posted on 30 أبريل 2010 في 10:04 م  

اخبارك ايه يارب تكونى بخير كلماتك دايما تتميز برونق خاص هدا كلمة عيال خلاص العيال كبرت

Posted on 2 مايو 2010 في 1:59 ص  

السلام عليكم ورحمة الله وبركاتة

اخبارك اية

واسمحيلى اقوللك اذيك وربنا يبعد عنك الهم والغم ويفرج عنك اى مكروة اللهم امين والمسلمين .
.

Posted on 3 مايو 2010 في 10:19 ص  

اولا باعتذر عن غياب السنين دى كلها
وانا جاى اسلم وعليكى واعرف اخبارك ايه واخبار جلجل ايه لسة بردو زى ما هو
يارب تكونى بخير دايما يا رانيا

Posted on 4 مايو 2010 في 1:37 ص  

كلمات اكثر من رائعه

Posted on 5 مايو 2010 في 2:18 ص  

تحفففففففففة ورومانسية جامد اوي

من الآخر يعني

تقبلي مروري .. واتمني التواصل دائما

Posted on 13 مايو 2010 في 2:28 ص  

ما صدقنا انك رجعتي .... رحتي فين تاني ؟


تكونيش خلاص حطيتي رجلك في الفصل؟ .. حتى لو حصل ...

Posted on 16 مايو 2010 في 1:36 ص  
غير معرف

اسمحلى أن احتل كل فكرة داخل عقلك

اسمحلى أن اشعر بكل نبضه من نبضات قلبك

اسمحلى فقربك هو سر الحياة

أعشقك يا سيدى ولن أتنازل عنك

اعشقك

جاااااااامدة اوووي يابت

ايه المشاعير دي كلها

اعترررررفي انتي وقعتي ولا ايه

بسيحلك اهو :] ههههههههههههههههه

بالحضضضضضضضضضضن ياقلبي

وحشاني وحشاني وحشاني

مووووووووووووووت

متبقيش رخمة وابقي ادخلي نرغي شوية يااوختشي مع اني زيك عندي حالة ملل فظيعة ومش بدخل الايميل بس اهو نفك عن نفسينا شويتين :]

امووووووووووووووواه

Posted on 16 مايو 2010 في 11:59 ص  

أسمحلى
أتفضلى
أسمحلى
أتفضلى
أتفضلى
أتفضلى لحد مايكتشف أنه أحتلال
أحتلال يابخته بهذا الأحتلال
ونعم الأحتلال

ودمتِش بخير حال

Posted on 17 مايو 2010 في 10:32 م  

سلامو عليكو يا محمد..

امتى الكابوس اللى اسمه اسرائيل ده ينتهى كانت الحياة تبقى جنة وتزول اى مشاكل فى الدنيا.
ادعى معايا وحياة والدك.
برجاء قبولى صديقة للمدونة

Posted on 19 مايو 2010 في 4:37 م  
 

template By: Free Templates