قانون الضرائب على القبور الجديد محفظتك اولا

By ليس فقيرا من يحب on 7:01 م

Filed Under:


السلام عليكم ورحمه الله وبركاته

سيدى الرئيس

سيدى وزير الماليه

وما ستكم الا انا طبعا

اكتب هذه الرساله لاعرض على سيادتكم فكره جهنميه طحن و تجنن اخر حاجه

ايمانا منى بان كله بيصب فوق قفا الشعب المصرى وبانكم فعلا بتتعبوا جدا فى

التفكير ومحتارين تنضفوا جيب الشعب الغلبان ده ازاى ومحتارين تسرقونا بانهى

صورة وبأى مبرر اشى ضرايب على المبيعات واشى ضرايب على العقارات

فقلت يا بت شغلى مخك وركزى كده وفكرى معاهم ننضف جيب الشعب اكتر

ماهو نضيف ازاى وازاى ندفع اكتر عدد من ابناء مصر المحروسه للانتحار

بكل اشكاله وصوره بدأ من ضرب الدماغ فى الحيط مرورها بدلق الجاز

وشط عود كبريت انتهاءا بالخنق بواسطه حته دوبارة مربوطه فى السقف

واهو كله حمل بيخف من على عاتق سعاده سيادتكم المبجله انا قلت قبل كده

الشعب ده خسيس وعايز الحرق ويستاهل انكم تعملوا فيه اكتر من اللى عملتوه ده

وكمان شعب اعوج مستحيل تعرف تعدل عليه خط

المهم علشان مطولش عليكوا يا اخويا وانا عارفه ان المسؤليات على عاتق سياده

سعادتكم كتير وانتوا اصلا مش فاضيين لنا لان احنا اصلا مش من بقيت اهلكم

ولاحتى خلفتونا ونسيتونا هاقولك على الفكرة بس الاول عايزة اقولك يعنى ايه

بقى ضريبه على العقارات؟ طيب ماشى احنا الشقه فى بيتنا قيمتها اقل من 500 الف

لكن موظف غلبان كان شارى شقه ب 100 الف وبعدين يشاء القدر ان قيمته تعلى

ويساوى مليون الا ربع هو يا اخويا مازالت ظروفه مطينه بطين هيدفع منين بقى

ضرايب يعنى بذمتكم ودينكم عايزين الشعب كله يبقى ساكن عندكم بالايجار

فهماكم انا

بس ما علينا الشعب ده يستاهل اللى يجراله

متبرقليش كده خلاص هأقول
الفكرة اهه

وهأقولكم على المكان اللى مجاش فى بالكو تاخدوا عليه ضرايب



المكان هو


المكان هو

هو


يوه قلتلك متبرقليش بعنيك

الترب يا معلمى القبوووووووووووووووووووووووووور نسينها انتوا

انا قلت افكركوا بس عايزاكم بسرعه تجتمعوا وتعملوا صيغه لقانون

الضرايب على القبور الجديد طبعا اللى مفيش على قبرة لوحه رخام

او زارع صبارة ده هيستثنى من الضرايب عايزاكو تركزوا على الترب

اللى مزروع فيها صبار كتير كل ما عدد الصبار زاد كل ما الضرايب

على القبر ده تزيد وكل ماكانت الاسماء اللى مكتوبه على لوح الرخام

اكتر كل برده ما الضرايب على القبر ده تزيد

كل ميت لازم يدفع
الضرايب على القبر اللى ساكن فيه ان معرفتوش تتصرفوا مع الميت

وتخلوه يدفع عليكم وعلى اهله اخربوا بيتهم لو مدفعوش وحاولوا تفهموهم

ان مصر بتتقدم بيهم وان قانون الضرايب


محفظتك قصدى مصلحتككككككككككككككككككككككككككككككك اولاااااااااااااااااااااااااااااا

وبما اننا شعب غبى وناقص ربايه ميعرفش مصلحته فين فانتوا بعون الله تربونا

اكتر ما ربيتونا هذا واختم رسالتى بالدعاء لكل الرؤس الكبيرة باللزقان بغراء

على الكراسى سنه واتنين وعشرة وعشرين واللى عاجبه على الكحل يتكحل

واللى مش عاجبه ينزاح ويرحل

وعجبى ههههههههههههههههههههههههههه

معلش يا اخويا مش هاقدر اقولك على مرسل الرساله اصلى مش باحب التسقيف

على القفا على رأى راجل طيب كده

اقعدوا بالعافيه
والسلام عليكم ورحمه الله وبركاته

102 التعليقات for this post

تبقى كملت بجد لو سمعوا كلامك:)

Posted on 21 ديسمبر 2009 في 7:46 م  

ازيك يا رانيا

ربنا يرحمنا برحمته

Posted on 21 ديسمبر 2009 في 8:14 م  

انا مش عارف ايه اللى خلانى اعلق
الحقى نفسك
البوكس بيلم بره
اجرى واستخبى

Posted on 21 ديسمبر 2009 في 8:18 م  

بس تعرفى فكره
ياخدوا ضرايب على الميين
وضرايب كمان على العيال اللى بتتولد
وخلى الشعب يعيش
هههههههههه

Posted on 21 ديسمبر 2009 في 8:19 م  

رانيا

ازيك

والله يابنيتى عندك حق

شكلنا كدا هنعود بالزمن ل100 سنة او اكتر

ونعود لنظام التحكم فى البشر


ربنا يرحمنا برحمته

Posted on 21 ديسمبر 2009 في 8:30 م  
غير معرف

السلام عليكم
اختى الكريمه رانيا
جزاكم الله خيرا على الرساله الروعه دي

انتى عندك حق
احنا شعب ميستهلش النعمه اللى احنا فيها
عندنا حكومه عسل بتاخد مننا باليمين والشمال
واوعى حد يقول انه عايز خدمات
كده هانزعل من بعض
خليك حلو كده وخلى يومك يعدي على خير

اما بقى الضرايب العقاريه فاحنا ظالمين الحكومه
يعنى اللى بنى بيته ده وعايش فيه لازم يدفع ايجاره للحكومه
مش الحكومه سابته اصلا يبنى فى البلد بتاعتها
هى البلد بتاعه الحكومه ولا بتاعتنا
شفتى باه انتى ظالمه الحكومه

وكمان على فكره
صحيح هى فكرتك جديده انهم ياخدوا ضرايب عن القبور
وهى فكره روعه
بس انا مش عايز اصدمك واقول لك انهم قبل كده كانوا بياخدوا حاجه اسمها ضريبه التركات والايلوله
الحكومه كانت زي اللى بتورث مع الورثه
بس لغوها من كام سنه
وده يمكن لان الناس باه بتمون ومعهاش حاجه
فايه ياخد الريح من البلاط
فيمكن قالوا نعملها جميله ونلغيها

بس ممكن سؤال بسيط
اللى مش هايدفع ضريبه القبور دي
هايعملوا ايه فى القبر؟؟؟؟؟؟؟؟؟؟؟
ولا هايبقوا ناس ذوق وهاياخدوا من الورثه ويسيبوا الميت فى حاله

مش لازم لما تقدمى اقتراح تكمليه
هههههههههههههههههههه

معلش طولت عليكي
ربنا يسعدك

Posted on 21 ديسمبر 2009 في 8:41 م  

تصدقي فكرة

بس في فكرة افظع منها في الضرايب على الهوا :( كل ما تتنفس اكتر كل اما تدفع اكتر

Posted on 21 ديسمبر 2009 في 8:43 م  

موناليزا

هههههههههههههههههههههه

اطمنى مش فاضيين لينا مش هيقروا بس

احتمال واحد اهبل من صناع القرار

تفط فى دماغه الفكرة دى

كل جايز اليومين دولا

نورتينى يا قمر

فى حفظ الله

Posted on 21 ديسمبر 2009 في 8:59 م  

اسماء واحلام فى وجدانى

ازيك يا احمد

انا بخير الحمد لله

اللهم امين ربنا رحيم

نورتنى

فى حفظ الله

Posted on 21 ديسمبر 2009 في 9:01 م  

رومانسى

هههههههههههههههههه البوكس يلهوى انا مليش

دعوة ومعملتش حاجه احمد رومانسى هو

اللى كتب الرساله يا بيه

هههههههههههه اهو هابيعك فى لحظه واخلص نفسى

قصدك خلى الشعب ينطحن اكتر ما هو مطحون

لنا الله

نورتنى

فى حفظ الله

Posted on 21 ديسمبر 2009 في 9:05 م  

دمااااااغك عاليه قوى يا رونااااااا
بجد تحفه

بس مين يسمع
كله عامل ودن من طين والتانيه من عجييييين

Posted on 21 ديسمبر 2009 في 9:08 م  

السلام عليكم
ازيك ياريري عامله ايه ؟
يارب تكوني بخير
وفعلا فكره حلوه ليهم اخاف ينفذوها ماتستبعديش حاااجه في الزمن ده

Posted on 21 ديسمبر 2009 في 9:08 م  

وردشان

ازيك يا ورده انا بخير

الحمد لله يا حبيبتى انتى عامله ايه

ههههههههههههه قصدك نظام السخرة

والعبيد وكده يعنى ما احنا فيه يا اختى

ربنا يرحمنا ويهون علينا

نورتينى يا قمر

فى حفظ الله

Posted on 21 ديسمبر 2009 في 9:11 م  

السلام عليكم

خلي بالك من قفاكي

هههههههههههههههههه

Posted on 21 ديسمبر 2009 في 9:23 م  

م محمود فوزى

وعليكم السلام ورحمه الله وبركاته

ربنا يجازينا واياك كل خير يا هندسه

ههههههههههههههههههه شفت بقى مجبتش

انا حاجه من عندى احنا شعب اعوج اصلا

هيعملوا لينا ايه يعنى مش صحيح سايبينا

بنينا فى بلدهم هننهب يعنى

ههههههههههههههه

اول مرة اعرف حكايه ضريبه الايلوله دى

بس صحيح وايه ياخد الريح من البلاط

وده اسمه كلام يا هندسه الميت اللى هيدفع طبعا

وهما بقى يتصرفوا بطريقتهم وانا قلت

ان معرفوش ياخدو الضرايب من الميت

يخدوها من اهله

مفيش تطويل ولا حاجه تعليقك جميل جدا

ويسعدك يارب

نورتنى

فى حفظ الله

Posted on 21 ديسمبر 2009 في 9:25 م  

ربنا مع كل صاحب عقار
صاحب البيت الصغير او الفلا والشلا
او حتي بواب عمارة وبيقولولو يا بيه

انا مش بيه والله
ههههه

القانون ده مخصوص عشان الناس الغلابةفي الدولة ومعفية من دفع الفلوس

لكن علي مين هتدفع هتدفع



دمتي وموضعاتك الساخرة

هههههههههههههه

Posted on 21 ديسمبر 2009 في 9:26 م  

مساء الخير يا رنون شكلنا كده رايحين رايحن يعنى طالما اننا جينا هنا قبل كده وهيلمونا كلنا مرة واحدة فعليه العوض ومنه العوض بس أمانة عليكى توصى على أكل كويس أحسن العيش والحلاوة دول متعبين إهئ إهئ ومتنسيش توصى على الأهل وكده أحسن دول هيتبهدلوا من بعدنا هههههههههههههههههههههههه

دمتى بكل الخير والسعادة والكوارث يوووه سورى أقصد اسمه ايه ده الابتسامة

Posted on 21 ديسمبر 2009 في 9:28 م  

ليدى

ههههههههههههههههههههه

يابت انت اكيد فى مصر

رجاله الكراسى عندنا بسم الله ماشاء الله

جينيص هههههه عباقرة يعنى وبيقعد الراجل

من دول قدامه مج القرفه باللبن

ويبددددددددددددع براااااااااااحته

وكله لمصلحتك يا ضنايا ههههههههههه

نورتينى يا عسل

فى حفظ الله

Posted on 21 ديسمبر 2009 في 9:29 م  

برومس

ههههههههههههههههههههههه شكل الحشيش

النهارده مش مضروب

ايون والنبى سايبين الناس تبعبع براحتها

ولا حياه لمن تنادى

بس اهو الواحد بيتفك ياختى لاحسن يتجنن

بعيد عنك

نورتينى يا حبيبتى

فى حفظ الله

Posted on 21 ديسمبر 2009 في 9:33 م  

سجود

وعليكم السلام ورحمه الله وبركاته

ازيك يا روح قلبى انا بخير الحمد لله

انتى اخبارك ايه يا قمر

دا انا عمرى ما استبعد حاجه على

ذوى الكروش اللى عندنا

ربنا يصلح الاحوال

المهم اخبارك وايه والدراسه عامله معاكى ايه

شد حيلك يا جميل وركزى فى المذاكرة

ربنا يوفقك يارب

فى حفظ الله

Posted on 21 ديسمبر 2009 في 9:38 م  

ذكرى رحيل قلم

وعليكم السلام ورحمه الله وبركاته

ههههههههههههههههههههههه

لااااااااااااااااااااااااااااااا

كله الا قفايا

ازيك يا حبيبتى

وحشاااااانى

Posted on 21 ديسمبر 2009 في 9:39 م  

"انا قلت قبل كده

الشعب ده خسيس وعايز الحرق ويستاهل انكم تعملوا فيه اكتر من اللى عملتوه ده

وكمان شعب اعوج مستحيل تعرف تعدل عليه خط"

هههههههههههههههههههه

انتوا طلعتوا فرقه واحده وبتشتغلونا؟ إرررري وقولي نصيبك كام مليون في الموضوع ده ^_^

فكرة رائعه والله ..وبعدين خيرك كتير اوي ع الحكومة ..اقتراحاتك دايما اقتصادية وبتصب في مصلحة البلاد والعباد ههههههه

بس خدي بالك ..الجماعه بتوع التسقيف على القفا دول مش بيفرقوا بين اللي معاهم واللي ضدهم ..يعني ممكن فجأة تلاقي مخبر منهم ماسك ظابط وبينفض له قفاه ..عادي ممكن تحصل هههههههههه

بوست يضحك اوي

جزاكِ الله خيرا يا أخت رانيا

متباتيش في بيتكم لمدة 7 سنين ..الحرص واجب ..البوكس زي ما اخونا رومانسي قال ..بيحوم حول المكان ^_^

في رعاية الله

Posted on 21 ديسمبر 2009 في 9:47 م  

ذكرى رحيل قلم

ههههههههههههههههههههه بيه مين بقى

ما هو هيبقى ساكن عند الحكومه

بالايجار

اقولك ايه واعيدلك ايه

دا شعب مصر يا عينى عليه

ههههههههههههههههههههه تصدقى حلوة

ربنا يسعدك يارب يا حبيبتى

نورتينى جدا

فى حفظ الله

Posted on 21 ديسمبر 2009 في 10:08 م  
غير معرف

هههههههههههههههههههه

بت يا رانيا وسمعنى سلام اودعك

ههههههههههههههههههههه

حلوه الفكره دى لو نفذوها يبقوا ولاد ناس اكتر ماهم اصلا

انا عندى اقتراح جااااااااااااااااامد اخر حاجه

خليهم يضفوه على الخطه اللى جايه

انا شايفه ان الدوله بتتعطف وتتكرم وبتخلينا نشم اوكسجين ببلاش
والله تبذير منهم وان المبذرين كانوا اخوان الشياطين
واحنا منرضاش ان حماة البلد يكونوا اخوان الشياطين

هما يعملوا ضريبه على الاكسجين
واللى ميدفعش يبقى جزاته يموت مكتوم النفس

جزات كل من يتطاول على الدوله

هههههههههههههههههههههه

واى اقتراحات جديده انا فى الخدمه ياباشا انت تؤمر بس

والله المعين

Posted on 21 ديسمبر 2009 في 10:10 م  

جودى

مساء الفل يا حبيبتى

هههههههههههههههههههههههه

طب كويس اومال هاروح لوحدى يعنى

الغربه وحشه يا اختى

هههههههههههههههههههههه متخافيش يا اختى

ان تعبنا من الحلاوة هيلحقونا بالعدس

هههههههههههههههههههه

ربنا كبير يا اختى

ربنا يسعدك يا حبيبتى ويكرمك يارب

نورتينى

فى حفظ الله

Posted on 21 ديسمبر 2009 في 11:00 م  

قلم رصاص

هههههههههههههههههه لا يا ريس

انا الخدمه دى لله فى لله علشان بس

مصلحه الوطن مش اكتر

علشان بس حضرتك لما تمسك الرئاسه

تدينى وزارة الماليه ولا حاجه

هههههههههههه

ربنا يستر يا ريس كل واحد بقى يخلى

باله من قفاه وخلاص ومش مشكله الواحد

يستخبى 7 تمن سنين على ما تفرج

ربنا يجازينا واياك كل خير يارب

نورتنى يا ريس

فى حفظ الله

Posted on 21 ديسمبر 2009 في 11:12 م  

حنين

ههههههههههههههههههههههه

باودعك اخر وداع اخر وداع

ههههههههههه

شفتى بقى مش المفروض اشترك معاهم

فى صنع القرارات ان شالله حتى القرارات

المصيريه

هههههههههههه ينفع ومتستبعديش

على الادمغه الجينيصصصصصصصص اللى عندنا

ربنا يخليكى للغلابه يا حنين

ايون كده لازم كلنا نشغل مخنا

وكله علشان المصلحه العامه

ههههههههههه

ربنا يسعدك يا حبيبتى يارب

نورتينى

فى حفظ الله

Posted on 21 ديسمبر 2009 في 11:21 م  

عاااااااااااااااا

ربنا يتوالنا يا اختى


عاااااااااااااااااااا

Posted on 21 ديسمبر 2009 في 11:40 م  

ربنا يستر من اللى لسة حيصلنا يا اختشى

وحشتينى اوووووووووووووووى

Posted on 21 ديسمبر 2009 في 11:41 م  

ابتسامه ملاك

هدى نفسك يا انوسه ههههههههههههههههه

كل الامور هتتصلح باذن الله

اخبارك ايه يا جميل

يارب تكونى بخير وبعدين مالك فيكى ايه

وقافله التعليقات ليه

طمنينا عليكى

نورتينى يا حبيبتى

فى حفظ الله

Posted on 21 ديسمبر 2009 في 11:58 م  

تصدقى فكرة ؟

انتى تنفعى وزيرة مالية ناجحة جدا

وزير المالية الغالى جابلنا التوك توك ودخل التاريخ فى توك توك

وانتى بقى

ههههههههههههههههههههههههههههههههه


ربنا يفرج همنا يارب

كل سنة وانتى طيبة

شاب فقرى

Posted on 22 ديسمبر 2009 في 1:14 ص  

ههههههههههههه
يابنت الايه
انتى عارفة يا رانيا انا بعشقك قد ايه وبحبك اوووى كمان وربنا وحده يعلم
علشان كدة مش حبعت اسمك للريس خصوصا انه جاي خلال اليومين دول بورسعيد عندنا
دة انا حشرفك
:))))
هههههههههههههههههه
رسالة جامدة
واهه دة اللى ناقص يا معلم
وبعدين يا بنتى بتتكلمى عن الانتحار
ماهه انتوا شباب الايام دى مش فاهمين حاجة كدة
الانتحار دة يا ماما وسيلة للحد من الزيادة السكانية
مش بقولك انتوا جيل بايظ مش فاهمين حاجة ؟!!

Posted on 22 ديسمبر 2009 في 1:32 ص  

وبتقولي " اصلى مش باحب التسقيف على القفا على رأى راجل طيب كده" ياعينك ويا جبايرك يا اختي كل ده وانت مش بتحبي التسقيف كنت عملت ايه
انا اوعدك اني اجيب لك عيش وحلاوة بس انت عرفيني مكانك فين ههه
تحياتي لك

Posted on 22 ديسمبر 2009 في 2:00 ص  

السلام عليكم ورحمة الله وبركاتة

ربنا يكرمك يارب والمسلمين ... وربنا على الظلم ... وان الله مع الصابرين

ومش هقول اكتر من كدة

Posted on 22 ديسمبر 2009 في 9:56 ص  

تنت رانيا
منوره بمواضيعك اللى هتودى الشعب فى داهيه
احلى من اللى هو رايحلها
بينى وبينك يا رورو
كلام فى سرك يعنى
ابويا بيشتغل رئيس قسم الفحص فى مأموريه الضرايب على المبيعات
ههههههههههههههههههههههههههههههههههههه
اى خدعه
بس انا مش من الاعداء
اول امر ييجى انى اقتله
هقتله على طول
انا من الاحرار يا على
بس تصدقى فكره جهنميه
لو خدوا بفكرتك
هقول لابويا ينقل القسم بتاعالقبور ده
هيبقى كده هادى خالص
وعارفه بقى
اللى ميدفعش الضريبه يعملوا فيه ايه
ياخده من حسناته
ويدخلوه النار
وبكده يبقى احسن انتقام يا معلمه

Posted on 22 ديسمبر 2009 في 10:55 ص  

نسيت اشكر معالى سيلده وزير الشباب
انو وفرلى شارغ مسفلت مش بتعدى منه غير عربيه كبيره تموت نصنا وبس

Posted on 22 ديسمبر 2009 في 10:56 ص  

ههههههههههه


بجد ممكن تتعمل وتنزل ضرايب على الميت والقبور واللى مش عاجبة مش يموت ههههههههه

مش عارف بيفكرو ينفضو جيوبنا مع انها فاضية اساسا

ربنا يوفقك ويكرمك


مع خالص تحياتى

Posted on 22 ديسمبر 2009 في 1:08 م  

ههههههههههههههههههههههههه
و الله بجد انتى تحفة

ايوة و الله عندك حق فكرتينى بشعر فؤاد نجم :

اسمع بقى

إحنا زهقنا من النعيم

ونفسنا في يومين شقا

عايزين نجرب الاضطهاد

ونعوم ونغرق في الفساد

بيني وبينك حضرتك

دا شعب فقرى مايستحقش جنتك

تسلمى يا قمر

Posted on 22 ديسمبر 2009 في 5:36 م  

شاب فقرى

ههههههههههههههههه

انا عينى اصلا على الكرسى ده

انا هأدخل التاريخ فى قبر ولا ايه

حرام عليك دا انا كده هاخرج بره

التاريخ خالص ههههههههههههههههه

اللهم امين

كل سنه وانت طيب يارب

نورتنى

فى حفظ الله

Posted on 22 ديسمبر 2009 في 7:51 م  

جنه الله

ههههههههههههههه

ربنا يخليكى يارب يا حبيبتى

انا كمان باحبك باحبك فى الله

ايون كده يا حبيبتى استرى عليا

الهى يستر عليكى هههههههههههههههههه

ما هو انا عايزة الشعب كله يشغل

مخه ويشوف ايه اللى فى مصلحه

البلاد والعباد ههههههههههههههههه

سلميلى على الريس بقى وقوليه طريقك

زراعى مش صحراوى

منورانى دايما يا جميل

ربنا يسعدك يارب

فى حفظ الله

Posted on 22 ديسمبر 2009 في 8:01 م  

خواطر شابه

هههههههههههههههههههه اه يا اختى

كله الا القفا ههههههههههه

هو انتو عندكو فى المغرب عيش وحلاوة

وتسقيف على القفا ولا ايه النظام

ايوه كده انا عارفه ان حبايبى كتير

وهيقفوا جنبى

اتهيألى كده ممكن اكون فى مصيف النساء فى

القناطر ههههههههههههههه

نورتينى يا روح قلبى

فى حفظ الله

Posted on 22 ديسمبر 2009 في 8:04 م  

طهر فؤادك

وعليكم السلام ورحمه الله وبركاته

اللهم امين ربنا يتقبل دعائك

ويجعلنا من الصابرين ويكرمك يارب

كفيت ووفيت يا اخى الفاضل

مش فى ايدنا غير الدعاء

نورتنى

فى حفظ الله

Posted on 22 ديسمبر 2009 في 8:05 م  

مستر زناتى

ازيك يا هندسه

هههههههههههههههه اهى كل الطرق

بتوصل على الداهيه هنعمل ايه يعنى

ههههههههههههههههههه والله انت مشكله

هتقتله علطول يعنى لسه بس لما نقعد نخطط

ونشوف الموضوع ده وناخد رأى جمال وانور

وعبد الحكيم هههههههههههههههههههههه

ربنا كبير

انا كمان باحب اوجه التحيه

لسعاده سيادته وربنا يخليه ويخلى

كل حبايبه واحب اقوله كلنا فداك

مش مهم احنا خالص

نورتنى يا زناتى وركز فى المذاكرة وسيبك

من النت عايزينك ترفع راس المدونين

اخر السنه وتجيب تقدير

فى حفظ الله

Posted on 22 ديسمبر 2009 في 8:16 م  

تامر نيل

متستبعدش حاجه يا اخويا

انت عارف عقليات المسئولين عندنا

وافكارهم اللى تجنن

هههههههههههههه والله فاضيه

اللهم امين ويكرمك يارب

نورتنى

فى حفظ الله

Posted on 22 ديسمبر 2009 في 8:17 م  

جارة القمر

ههههههههههههههه الله يسامحك انا تحفه

ههههههههههههههههه صح الكلام ده حقيقى

انا زهقت من النعيم والانتخه فعلا

هو شعب فقرى فعلاااااااااااااااااااا

نورتينى يا جميل فى اول زيارة

للمدونه وان شاء الله يدوم التواصل

فى حفظ الله

Posted on 22 ديسمبر 2009 في 8:25 م  

رانيا حببتى انتى زهقانه من بيتكم وعاوزه تروحى مكان تانى طيب انتى وحره فى نفسك
بباكى واخواتك الشباب لو ليكى يعنى ذنبهم ايه
سيبك من ده كله
انتى اصلا عندك حق مفضلش حاجه يخدو عليها ضرايب غير كده على العموم انا حوصيهم ميكتوبش اسمى ولا يزرعوا صبار
ادينى حوفر لهم
كلعاده انتى زى العسل
ربنا يخليكى للحكومه

Posted on 22 ديسمبر 2009 في 8:26 م  
Mohamed Ali USA

IN fact this topic is really cool but i think egyption people are smarter than government and they are ganaaaaaaaa think for any other way not to pay this tax &&&&&&&& any way i love you and iam asking our gad to protect you and to give you what ever you want. i hope you to be the happiest one all over the world i will call you 2moro   

Posted on 23 ديسمبر 2009 في 8:12 ص  

فاضل الشم ايوة الشم
يعنى النفس او التنفس
ماتفهمنيش غلط يارانيا
لو سمحتى:)فاضل يعملوا
ضريبة على النفس
واللى يتجاوز الحد
المسموح به يكتموا نفســـــه:)

Posted on 23 ديسمبر 2009 في 8:45 ص  

رانيا راحت فى داهيه والعوض على الله
يا خسارتك يا بنتى

Posted on 23 ديسمبر 2009 في 1:27 م  

فكرة يا رانيا وكل واحد بقى وعدد الوفيات اللى فى القبور
دول يلموا لم محصلش

ابقى طمنينى عليكى لسه فى بيتكوا ولا انتى رحتى حته تانيه
ههههههههههه

Posted on 23 ديسمبر 2009 في 1:29 م  

هههههههههههههههههه
مالك ومال الماية بتاعة البلد بقى
متسبونا ناكل عيش ياجرعاااااااااان ههههههههههههههه

Posted on 24 ديسمبر 2009 في 1:33 ص  

السلام عليكم
حفظ الله لنا حكومتنا السنية
على ما تقدمه لنا من خدمات
مفابل تنظي جيوب الشعب
خالص تقديرى

Posted on 24 ديسمبر 2009 في 1:40 ص  

رانيا

انا اسف هأعلق عندك بغير معروف اصلي خايف ليفرضوا عليا ضؤيبة علي الكلام

هههههه

اشكر لك دوما وجودك ومشاعرك النبيلة

عدنا والحمد لله

السلام عليكم

Posted on 24 ديسمبر 2009 في 1:53 ص  

اشكرك على تفكيرك انك تساعدى الحكومه وتفتحى ليهم طريق جديد لمصلحة الشعب
سؤال ايه طبيعة قانون الضرايب العقاريه ده
دورة على النت فى موقع وزارة الماليه ومقدرتش اعرف حاجه

Posted on 24 ديسمبر 2009 في 1:55 ص  

السلام عليكم ورحمة الله وبركاته...
ازيك يا جميل وعاملة اية؟
بجد انا مش عارفة هيعملوا فينا ايه تاني
ربنا يسترها علينا
وعازية اقولك ان انتي بجد دمك خفيف قوي واية الأمثال الحلوة ديه طالعة منك ذي العسل
دمتي بخير

Posted on 24 ديسمبر 2009 في 11:45 ص  

ربنا يرحمنا من عباده الانس

Posted on 24 ديسمبر 2009 في 2:36 م  

هههههههههههههههههه والله العظيم تسلم ايدك ياقمر اجرى استخبى بقى لحسن شكلنا كلنا هنتجمع سوا وهيبقى الضرايب على عدد التسقيف على دماغنا اللى هناخده

Posted on 24 ديسمبر 2009 في 7:15 م  

ازيك يا رانيا


يعني هو الانسان الغلبان دة مش هيترحم من الحكومة حيّ كان او ميت؟؟

بس تصدقي ان الحكومة بتاعتنا حكومة عادلة!!!!

اصل بما اني كنت حقوق فدرست _ غصبا_ قانون ضرائب

تصدقي بقى ان في حاجة اسمها ضرائب على المرتبات!!
دي عادي

بس تصدقي عدالة حكومتنا الموقرة وصلت لفين

ان الي مرتبه اقل من (6) جنيه في اليوم يتعفى من الضريبة على المرتب!!!!!

انما بقى لو كنتي من الطبقة العليا ومرتبك وصل 6 جنيه في اليوم هيتم تطبيق ضريبه على مرتبك الغلبان دة



بس فكرة برضو انهم يعملو ضريبة على القبور

على الاقل الواحد وهو ميت يفتكر طنط الحكومة

ويدعي عليها براحته بقى

انا همشي احسن شكل الدنيا ملبشة عندك

سلام يا جميل

دمتـِ بخير ( من غير ضرائب )

سارة

Posted on 24 ديسمبر 2009 في 8:16 م  

سلمى

ههههههههههههههههههههههههههههه

اه زهقانه جدا من بيتنا بس اهو احسن

من صيف القناطر للنساء برده

ههههههههههههههههه ثم احنا بنعمل

الحجات دى علشان مصلحه الشعب برده

يعنى وطنيه مش اى كلام

ههههههههههههههه بعد الشر عليكى

ربنا يفرحك بشبابك يا جميل

العسل هو مرورك يا روح قلبى

يلا عدوا الجمايل بس ههههههههه

نورتينى جدا

فى حفظ الله

Posted on 24 ديسمبر 2009 في 9:49 م  

محمد على

ههههههههههههههههههه يا خرابى طب وانا

يعنى اتصرف مع الكلام ده ازاى يعنى

ما انت عارف البير وغطاه يا واد

هههههههههه الشعب المصرى ده شعب عقريت

وانا كمان لف يو تو

ماتحرمش منك يا جميل وهارجع واقولك

الله يرحم سيدك ههههههههههههههههههههه

نورتنى يا ابو حميد

ربنا يسعدك يارب ويرجعك بالف سلامه

فى حفظ الله

Posted on 24 ديسمبر 2009 في 9:54 م  

ادى اللى ناقص
دى تبقى حاجه فُل قووى
(:

Posted on 24 ديسمبر 2009 في 10:01 م  

الدكتورة نور

ههههههههههههههههههههه

هو الشم دهه يا دكتورة

طب ماهو نفسنا مكتوم طبيعى

وبعدين وليه لا فكرة برده وتقريبا

اغلبيه المعلقين طرحوها يعنى ممكن

نورتينى يا روح قلبى

فى حفظ الله

Posted on 24 ديسمبر 2009 في 10:01 م  

فراشه

هههههههههههههههههههههههه

عينى عليكى يا رونا كنتى حلوة وصغيرة

هههههههههههههههههههههههههههههههههه

Posted on 24 ديسمبر 2009 في 10:02 م  

فراشه

هههههههههههههههههههه


اطمن يا جميل انا لسه حيه ارزق

وقاعده فى بيتنا اهه وباضرب مصاصه

كمان ههههههههههههههههههههه

نورتينى يا روح قلبى

فى حفظ الله

Posted on 24 ديسمبر 2009 في 11:44 م  

محمد غاليا

الله مش بندور على مصلحه

البلد ومنكونش سلبييين

ههههههههههههههههههههههه

هو فين العيش ده يا اخويا

نورتنى جدا

فى حفظ الله

Posted on 24 ديسمبر 2009 في 11:48 م  

اللؤلؤه

وعليكم السلام ورحمه الله وبركاته

شفت يا استاذنا الحكومه طيبة ازاى

حتى انت بتدعيلها اهه ههههههههههه

نورتنى جدا يا استاذنا

فى حفظ الله

Posted on 24 ديسمبر 2009 في 11:50 م  

اللؤلؤه

وعليكم السلام ورحمه الله وبركاته

شفت يا استاذنا الحكومه طيبة ازاى

حتى انت بتدعيلها اهه ههههههههههه

نورتنى جدا يا استاذنا

فى حفظ الله

Posted on 24 ديسمبر 2009 في 11:51 م  

احمد الصعيدى

ههههههههههههههههههه اطمن محدش هيعرفك

بروفايلك مش ظاهر ولا حاجه

على ايه بس يا شاعر احنا اخوات

حمد الله على سلامتك وعودا احمد ربنا

يصلحلك الاحوال يارب

نورتنى يا شاعر

وعليكم السلام ورحمه الله وبركاته

Posted on 24 ديسمبر 2009 في 11:53 م  

حنين الذكريات


ههههههههههههههههههههه

عدوا الجمايل بقى

قانون الضرايب العقاريه ده المفروض

كل واحد هيقدم اقرار ضريبى على بيته

او شقته واللى قيمه شقته اكتر من 500

الف جنيه هيدفع ضرايب واللى اقل من كده

مش هيدفع تقريبا كده هنبقى ساكنين

عند الحكومه بالايجار

سيبك انتى نورتينى فى اول زيارة

للمدونه وان شاء الله يدوم التواصل

فى حفظ الله يا قمر

Posted on 24 ديسمبر 2009 في 11:59 م  

المسلم الصغير

وعليكم السلام ورحمه الله وبركاته

ازيك يا حبيبتى

انا بخير ولله الحمد

ههههههههههههههههههه ربنا يخليكى يا قمر

انتى اللى مرورك زى العسل

ربنا يسعدك يارب

نورتينى جدايا قمر

فى حفظ الله

Posted on 25 ديسمبر 2009 في 12:04 ص  

ادم المصرى

ايون صحيح شياطين الجن نعرف نصرفهم

لكن شياطين الانس دول الواحد يتصرف

معاهم ازاى

هههههههههههههههههههههه

نورتنى

فى حفظ الله

Posted on 25 ديسمبر 2009 في 12:06 ص  

طوبه فضه وطوبه دهب

هههههههههههههههههههههههههههه

اخ من التسقيف على القفا ربنا يستر يا

اوختشى

تسلمى يا روح قلبى

نورتى بعد الغياب وان شاء الله

تفضلى معانا دايما

فى حفظ الله يا قمر

Posted on 25 ديسمبر 2009 في 12:09 ص  

سارة جبالى

ازيك يا حبيبتى انا بخير

الحمد لله

ههههههههههههههههههه لا طبعا الحكومه

ورانا ورانا والزمن طويل

طبعا ليهم حق يعنى عايزاهم يسيبوا

الموظف الملعون ده يبرطع بال150 جنيه

طول الشهر لوحده لا طبعا

ثم الضرايب دى مقابل ليها خدمات

مسيرنا يعنى نشوفها فى يوم

ههههههههههههههههههههه مش ملبشه ولا حاجه

متخافيش هو حد بيعبرنا اوى يعنى

هههههههههههههههههههههههه

نورتينى يا قمر

فى حفظ الله

Posted on 25 ديسمبر 2009 في 12:14 ص  

عاشقه الرومانسيه

ههههههههههههههههههههه

احنا وراكم يا دى الشعب لحد ما نعدلكم

هههههههههههههههههههههه

نورتينى يا روح قلبى

فى حفظ الله

Posted on 25 ديسمبر 2009 في 12:16 ص  

انا شخصيا هانزاح وارحل

بس انا نفسى افهم
موظف اشترى شقة ب 100 الف جنية يبقى غلبان ازااااااااااااااااى ؟

Posted on 25 ديسمبر 2009 في 12:25 ص  

الازهرى

يا مرحبا يا مرحبا

عودا احمد يا ازهرى

كل دى غيبه

ههههههههههههههههههه هترحل على فين

المهم يمكن كانو بيت عيله باعوه او ورث

اشترى بنصيبه شقه وهو موظف مش حيلته

غير مرتبه بس يبقى غلبان ولا لا

يبقى غلبان طبعا

حمد الله على السلامه مرة تانيه

نورتنى

فى حفظ الله

Posted on 25 ديسمبر 2009 في 12:42 ص  

السلام عليكم
تسلم ايدك


لحد امتى هنفضل ساكتين

نقوم ..ننام .. بالدنيا مشغولين

رايحين جايين .. وعن الحق غافلين

بيلهونا عن قضيتنا

بكوره بفيلم حتى بنكته

بموضه بلعب حتى بغنوه


ولاحد سائل ولا حد دارى

بالى بتدبره امريكا ببتنا
ولاحد سائل ولاحد دارى

بالى هتعمله بأهلينا بكره

لحد امتى هنفضل ساكتين

والخنازير بارضنا عايشين

ومساجدنا واولادنا منتهكين

Posted on 25 ديسمبر 2009 في 7:41 م  

على فكرة انت واخدة المور هزار
وشكله هيقلب بجد
هههههههههه
دول لو عرفو الفكرة والله ممكن ينفذوها
...

Posted on 28 ديسمبر 2009 في 10:03 ص  
غير معرف

ازيك يارانيا
عاملة ايه ياحبيبتى
كل سنة وانتى واسرتك بالف خير
وحشانى كثير وقلت اعدى اسبم عليكى
يارب تكونى بخير
تحياتى

Posted on 28 ديسمبر 2009 في 5:46 م  

هههههههههههههه...أنتي حزب وطني ولا إيه
:))
إقتراحات تودي في داهية
يا رب ما يشوفوها
:)
تحياتي

Posted on 28 ديسمبر 2009 في 11:00 م  

السلام عليكم
كل سنة وانت طيبة
عاممممممممممممممممممممممممم
جديددددددددددددددددددددددد
عليكككككككككككككككككككككككك


سعيدددددددددددددددددددددد

ان شاء الله السنة اللي جاية تكون معاكي كل حاجة بتتمانيها واتمنتيها وهتتمنيها

دمتي

Posted on 29 ديسمبر 2009 في 10:37 م  

السلام عليكم و رحة الله و بركاته
طيب كده فى ناس مش هتعرف تموت و هيقعدوا يفكروا يتدفنوا فين و تحصل مشاكل لا حصر لها بس عادى و لا يهم السياده ما هم كده كده مش بعيد يهدوا القبور يمكن مسئول يعجبه المكان و يحب يعمل مشروع عليه
و الله خايفه اروح اشترى سنون للقلم يقولوا لى نزلت عليه ضرائب و ساعتها مش هعرف اشخبط
رحمنا الله

Posted on 30 ديسمبر 2009 في 7:51 م  

أحب النقد الساخر في قلمك

كل عام وأنتي بخير
دمتي بكل ود وحب

سيمو

Posted on 30 ديسمبر 2009 في 11:29 م  

انا جيت اقولك هابى نيوو يييير

وفيه بوست جديد لو تحبى تنولى الشرف يعنى
هع هع

Posted on 31 ديسمبر 2009 في 7:03 م  

كل سنة وأنتِ
طيبة يارانيا
عام جديد وسعيد
أن شــــــاء الله.

Posted on 31 ديسمبر 2009 في 8:02 م  

كل سنة وأنت طيبة.

Posted on 1 يناير 2010 في 1:25 ص  

عام سعيد وكل عام انتم بخير
نحن مقبلون علي لحظات حرجه في تاريخ مصرنا
انتخابات مجلس الشعب 2010
انتخابات الرئاسه 2011
هل اعددت نفسك لتقول كلمتك
هل سجلت نفسك في الجداول الانتخابيه
اذا كنت قد سجلت نفسك ادعو غيرك
الحمله الشعبيه للقيد بالجداول الانتخابيه
باقي من الزمن30 يوم

Posted on 1 يناير 2010 في 11:46 ص  

اول مرة ادخل عندك يا رانيا
عجبنى البوست جدا وموتنى من الضحك
فعلا هم يبكى وهم يضحك
وكويس ان احنا لسهة عندنا القدرة على الضحك بعد كل اللى بيعملوه فينا

عارفة احلى حاجة فيكى ايه؟؟
ان اسمك على إسمى
هههههههههه

Posted on 3 يناير 2010 في 10:19 ص  

شو هالورد الحلو يا حلو


الله يجعل كل ايامك حلوة


وفواحة بشذى الورد

وكل سنة وانتي طيبة


يا ثائرة..

وفعلا ليس فقيرا..

اوثريا اوعالما او جاهلا او وسيما او قبيحا..................من يحب؟


عاشت روحك الكادحة ياثرة

Posted on 3 يناير 2010 في 1:47 م  

هأ هأ

ما هم عملوها


حتى على الإعلانات

الاكشاك



يمكن يحصل و الكشك يبقى بمليون و لا حاجة




الحكاية كلها بيشوفوا فيه كام مبنى في مصر علشان يقدروا هيبيعوها بكام



و عجبي

Posted on 4 يناير 2010 في 8:59 ص  

هههههههههههههههههههه
ههههههههههههه

موتيني من الضحك

القنوات ياختي قرفونا بحكاية الضرائب الي عندكم وببقى مفرووسة وعاوزة اولع في التلفزيون

يعني مش كفاية الضرائب الي بياخدوها كمان هياخدوا ضرائب عقارات ربنا ينتقم منهم

ربنا معاكم :(

وحشاني موووت ياقمر

يارب تكوني بالف خيررررر

بالحضضضضضضضضضن

امووووووووووواه

Posted on 4 يناير 2010 في 12:36 م  

السلام عليكم
اولا ازيك يا رانيا و شكرا على سؤالك عني
بجد متشكرة جدا
و كل سنة و انتي طيبة
و الحكومة العزيزة اللي لا نافع فيها قر و لا حد
منها لله بقى
و ربنا يقبل دعواتنا جميعا

Posted on 4 يناير 2010 في 5:59 م  

لا بجد استاذة يا رانيا



وبجد مصلحة الضرائب هنوريك الي عمرك ما شفتو

Posted on 4 يناير 2010 في 8:58 م  

راينا

انت معانا ولا مع التانييين

طب احنا التانيين

طبعا الفكره جديده ومفتكسه

بس مش بعيد يا حجه نلاقيها مطروحه الصبح في مجلس الامه

وبعدين انت جايه تزعجي سياده حضره الكبار

بافكارك دي هما واخدين بالهم وعارفين كل حاجه

بس مستنين الوقت اللي مش مناسب

Posted on 4 يناير 2010 في 11:43 م  

السلام عليكم
اخبارك ايه يارب تكونى بخير قولت اسال عليكى لما لقيتك اختفيتى بعد البوست ده يعنى ليكون فيه كلابوش ولا حاجه
كمان مش ظهرتى فى السنه الجديده يارب يكون المانع خير وتكونى دايما بخير
سلامى للجده وكل الناس سلام
صدفه جميله

Posted on 5 يناير 2010 في 8:53 ص  

فعلا هى دى اللى فاضلة

انهم ياخدوا ضرايب على القبور

شرالبلية ما يضحك والله

دمتِ بخير ..

Posted on 9 يناير 2010 في 11:45 ص  

هههههههههههه
حلو الموضوع ده
هههههههههههههه

Posted on 9 يناير 2010 في 10:55 م  

أجمل لحظات الرومانسية بين الرجل والمرأة تلك اللحظة التي تعترف فيها المرأة بالضعف فيتولد الحنان بقلب الرجل ومنها he does

ههههههه

ربنا يزيح عنك الاحزان

السلام عليكم ورحمة الله

Posted on 11 يناير 2010 في 9:34 ص  

تم تعيين الانسة رانيا

مدير عام وزارة المالية لجمهورية مصر العربية

وعليها اتباع تعليمات القيادة العليا

وشكرا

ههههههههههههههههههههه

Posted on 12 يناير 2010 في 12:55 م  

ههههههههههههههههههههه

والله ضحكتيني

ونسيتيني اقولك ازيك ويارب تكوني بخير

وكل سنه وانتي طيبه والكلام إياه ده عارفاه

D:

فعلا هم يضحك وهم يبكي

ومش هقولك ده يبقي ده الي ناقص

لا لسه بدري فاضل كتير والي ناقص كتير

وإحنا فوقنا الجمال والجبال بنستحمل فوق ما حد يتصور

فوق الخيال

:(

تحياتي

Posted on 13 يناير 2010 في 5:06 ص  

انا والله شدني
اسم مدونتك

واثر فيا الأسم

فعلا والله ليس فقيرا من يحب

احييكي علي انتقاء الاسم

Posted on 19 يناير 2010 في 9:58 م  

والله اسم مدونتك شدني جدا

فعلا ... ليس فقيرا من يحب

أحييكي علي اختيارك الروعة للاسم

Posted on 19 يناير 2010 في 10:09 م  
 

template By: Free Templates